Baby Bag

„ეპილეფსიის ეს ფორმა მშობლისთვის რთულად შესამჩნევია,“- ბავშვთა ნევროლოგი გვანცა არველაძე აბსანს ეპილეფსიის შესახებ

„ეპილეფსიის ეს ფორმა მშობლისთვის რთულად შესამჩნევია,“- ბავშვთა ნევროლოგი გვანცა არველაძე აბსანს ეპილეფსიის შესახებ

ბავშვთა ნევროლოგმა გვანცა არველაძემ ეპილეფსიის საინტერესო ფორმის შესახებ ისაუბრა, რომლის შემჩნევა მშობლებს ხშირად უძნელდებათ:

„ეპილეფსიის ერთი ძალიან საინტერესო ფორმაა, რაზეც მინდა გავამახვილო ყურადღება. ეს არის აბსანს ეპილეფსია. ეს არის წამიერად, 5-10 წამის განმავლობაში ბავშვის გათიშვა. მშობელი აღწერს, რომ თითქოს მასთან არ არის ბავშვი, თითქოს მთვარეზეა. გარინდება, გაყინვა ხდება 5-10 წამის განმავლობაში, არის გაშეშება. ატიპიური აბსანსის შემთხვევაში, შესაძლოა ამას ახლდეს ქუთუთოების ხამხამი.“

​„ეს აბსანსი ძალიან რთულად შესამჩნევია მშობლისთვის. შეიძლება ის დღეში 5-10 და მეტიც გვქონდეს. წამიერი გათიშვა არის მდგომარეობა, როდესაც ბავშვი ცნობიერებას კარგავს. ეს ფაქტობრივად გულყრაა. დასანახად ეს შეიძლება არ იყოს ისეთი საშიში, მაგრამ ის დღეში შეიძლება იყოს 20-50 და მეტი, თითოეული ეს გულყრა იწვევს ტვინის დაზიანებას და განვითარების შეფერხებას, განსაკუთრებით ბავშვის ჩამოყალიბების ასაკში. როდესაც ეს რაოდენობა იმატებს, ეს მშობლისთვის თვალსაჩინოა. მშობელმა ექიმს უნდა მიმართოს და ექიმთან ერთად უნდა დაინიშნოს შესაბამისი მკურნალობა,“- აღნიშნულ საკითხზე გვანცა არველაძემ რადიო „იმედის“ ეთერში ისაუბრა.

წყარო: ​რადიო „იმედი“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ეპილეფსია ბავშვებში - სიმპტომები, გამომწვევი მიზეზები, დიაგნოსტიკა და მკურნალობა
ეპილეფსიის დიაგნოზს ბავშვებს საკმაოდ ხშირად უსვამენ. პატარების დიდი ნაწილი აღნიშნული დაავადებისგან თინეიჯერობის ასაკამდე თავისუფლდება, წინააღმდეგ შემთხვევაში კი სწორი მკურნალობის წყალობით სრულფასოვნად...

შეიძლება დაინტერესდეთ

უფასო მედიკამენტების პროგრამის გაფართოება წლის ბოლომდე იგეგმება

უფასო მედიკამენტების პროგრამის გაფართოება წლის ბოლომდე იგეგმება

უფასო მედიკამენტების პროგრამის გაფართოება იგეგმება, - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალურის დაცვის მინისტრმა, დავით სერგეენკომ განაცხადა.

როგორც მინისტრმა აღნიშნა, 60-მდე დასახელების წამალი წლის ბოლოსთვის კონკრეტული ჯგუფებისთვის უკვე ხელმისაწვდომი იქნება.
„სექტემბერში უკვე მოხდა გაფართოება, როცა სოციალურად დაუცველების ჩამონათვალს დაემატა პენსიონერები და შშმ პირები. წლის ბოლომდე მოხდება მედიკამენტების ჩამონათვალის გაფართოება. მოსარგებლეთა ჯგუფები, სავარაუდოდ, იგივე დარჩება, თუმცა ძირითადი მიმართულება იქნება დამატებით 23-დან 30-მდე და საბოლოო ჯამში 60 დასახელების მედიკამენტი“, - განაცხადა სერგეენკომ.
წაიკითხეთ სრულად