Baby Bag

„თუ ბავშვს ეტყვი: „შენ ეს უნდა გააკეთო,“ ის არასდროს არ გაგიკეთებს ამას, უნდა დაეკითხო ჯერ ბავშვს,“ - მზიკო დალაქიშვილი

„თუ ბავშვს ეტყვი: „შენ ეს უნდა გააკეთო,“ ის არასდროს არ გაგიკეთებს ამას, უნდა დაეკითხო ჯერ ბავშვს,“ - მზიკო დალაქიშვილი

ფსიქოთერაპევტმა მზიკო დალაქიშვილმა მშობლებს უფროსსა და უმცროს შვილებს შორის ყურადღების გადანაწილების საუკეთესო მეთოდები გააცნო. მისი თქმით, ყველაზე კარგი გამოსავალია, როდესაც მშობელი უფროსს უმცროსზე ზრუნვაში თავს თანამონაწილედ აღაქმევინებს:

„ყველაზე კარგი გამოსავალია, როდესაც მშობელი თანამონაწილედ აღაქმევინებს ბავშვს თავს. ბავშვი არის მოსავლელი, გასაზრდელია, საჭმელი უნდა ვაჭამოთ, უნდა გამოვუცვალოთ, გავასეირნოთ. ყველაფერი უნდა მოხდეს ისე, რომ ერთად ვაკეთებთ ამას. იზოლირებულები კი არ ვართ, შენ ჩემთან ერთად ხარ და ჩვენ ამას ერთად გავაკეთებთ. რას განიცდის ყველაზე ძალიან ადამიანი? მნიშვნელოვნების დაკარგვას. ბავშვი ფიქრობს, რომ ის ისეთი მნიშვნელოვანი აღარ არის მშობლებისთვის. ჩვენ ვეუბნებით: „როგორ არა, შენ ახლა უფრო მეტად მნიშვნელოვანი ხარ. შენ უნდა მომეხმარო.“

მზიკო დალაქიშვილის თქმით, ყველა ბავშვი ბედნიერდება, როდესაც ისინი დიდების შესაფერის საქმეს აკეთებენ:

„ყველა ბავშვს მოსწონს, როდესაც დიდურ საქმეს აკეთებს. მეც ძალიან პატარა ვიყავი, როდესაც მინდოდა უთო გამომეყენებინა, სათამაშო უთო არა, დიდის უთო. როდესაც ბავშვი გვეხმარება, ​ამ ყველაფერს აქვს თამაშის სახე. შენ ხომ მართლა დაუთოვებას არ მოსთხოვ პატარა ბავშვს.ამიტომ ვამბობ, რომ მიწოდების ფორმას აქვს ძალიან დიდი მნიშვნელობა.“

„თუ ბავშვს ეტყვი: „შენ ეს უნდა გააკეთო,“ ის არასდროს არ გაგიკეთებს ამას. უნდა უთხრა: „დე, შენ შეგიძლია, რომ ჩემთან ერთად იყო ახლა?“ ​უნდა დაეკითხო ჯერ ბავშვს. რაღაცას რომ დაავალებ, ვუთხრათ: „შენ რა კარგად გამიკეთე ეს.“ ამის შემდეგ ბავშვი კიდევ უფრო საჭიროდ თვლის საკუთარ თავს. ფიქრობს: ერთხელ თუ გამოვადექი მშობლებს, როგორი გამოსადეგი ადამიანი ვარ ზოგადად. მარტო დედას კი არა, მერე მოუნდება, რომ ბებოსაც დაეხმაროს,“ - აღნიშნულ საკითხებზე მზიკო დალაქიშვილმა ტელეკომპანია GDS-ის გადაცემაში შუადღე GDS-ზე ისაუბრა.

წყარო: ​შუადღე GDS-ზე

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ბავშვთან სწორად მოქცევის გასაღები, როდესაც ბავშვი არ გვისმენს - ფსიქოლოგი მზიკო დალაქიშვილ...
​ფსიქოლოგმა მზიკო დალაქიშვილმა მშობლებსა და შვილებს შორის კომუნიკაციის პრობლემის შესახებ ისაუბრა. მისი თქმით, თანამედროვე მშობლების უმთავრესი პრობლემა ის არის, რომ ბავშვები მათ არ უსმენენ:„ძალიან ხშირ...

შეიძლება დაინტერესდეთ

„მარცვლეულ-ბურღულეულის და პარკოსნების მომზადებისას საჭიროა მათი ჩალბობა,“- ნუტრიციოლოგი მარი მალაზონია

„მარცვლეულ-ბურღულეულის და პარკოსნების მომზადებისას საჭიროა მათი ჩალბობა,“- ნუტრიციოლოგი მარი მალაზონია

ნუტრიციოლოგმა მარი მალაზონიამ მარცვლეულისა და ბურღულეულის სწორად მომზადების წესებზე ისაუბრა:

„როდესაც პროდუქტს აწერია მომზადების წესი, იგულისხმება, რა ნაბიჯები უნდა გადავდგვათ ისე, რომ მივიღოთ მზა პროდუქტი. მეორე საკითხია, რა იცის თანამედროვე მედიცინამ. თანამედროვე მედიცინამ იცის, რომ ძალიან ბევრ ძალიან კარგ საკვებ პროდუქტში არის საკვები ნივთიერებებიც და მათი საწინააღმდეგო ნივთიერებებიც. ამას ჰქვია ნუტრიენტები და ანტინუტრიენტებიც. შვრია არის სწორედ ასეთი პროდუქტი, რომელშიც არის საკვები ნივთიერებები, რომელიც ძალიან გვჭირდება და არის მათი საწინააღმდეგო მოქმედების ნივთიერებებიც.

ლობიოში არის ჩვენ რომ ძალიან გვჭირდება - ცილა, ჩვენ რომ ძალიან გვჭირდება - რკინა, მაგრამ არის ფიტინის მჟავა, რომელიც მისი შეწოვის პროცესს აფერხებს. წარმოუდგენელია თითქოს, მაგრამ ასეთი რამ ხდება ბუნებრივად საკვებ პროდუქტებში.

დღეს მივიდნენ დასკვნამდე, რომ მარცვლეულ-ბურღულეულის და პარკოსნების მომზადებისას საჭიროა მათი ჩალბობა. ბევრად უფრო უკეთესი გადაწყვეტილება იქნება მათი ჩალბობა. ლობიო ჩავალბოთ წყალში, ის გადავღვაროთ და ამ ნივთიერებების მოცილების შემდეგ გამოვიყენოთ. მარცვლეულ-ბურღულეულის შემთხვევაშიც ჩალბობის ეფექტი უკეთესია. ასეთ შემთხვევაში ჩვენ ვლაპარაკობთ წანდილისთვის, კორკოტისთვის ხორბლის ჩალბობაზე. ჩვენ შეგვიძლია ამ მდგომარეობამდე ხორბალი მივიყვანოთ ხანგრძლივი დუღილითაც, მაგრამ ბევრად უკეთესია მისი ჩალბობის პროცესის გამოყენება, როგორც უსაფრთხოების ზომის,“- მოცემულ საკითხზე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო:​ „პირადი ექიმი - მარი მალაზონია“

წაიკითხეთ სრულად