Baby Bag

„ადამიანის 9 ფსიქოტიპი: ცხრა მოდელი იმისა, თუ როგორ ექცევა მშობელი ბავშვს,“ - ფსიქოლოგი ილია ნიკაჭაძე

„ადამიანის 9 ფსიქოტიპი: ცხრა მოდელი იმისა, თუ როგორ ექცევა მშობელი ბავშვს,“ - ფსიქოლოგი ილია ნიკაჭაძე

ფსიქოლოგი ილია ნიკაჭაძე ადამიანის 9 ფსიქოტიპის შესახებ საუბრობს. მისი თქმით, მშობელი ბავშვს არაცნობიერ მოტივაციებს უყალიბებს, რომელიც მისთვის მთელი ცხოვრების განმაპირობებელი ხდება:

„მშობელს აქვს უნარი, რომ ჩამოაყალიბოს ბავშვის არაცნობიერი მოტივაციები, რომლებიც შემდეგ ხდება მთელი მისი ცხოვრების განმაპირობებელი. ენეაგრამას მიხედვით სულ ცხრა ფსიქოტიპი გვაქვს. ეს არის ცხრა ​მოდელი იმისა, თუ როგორ ექცევა მშობელი ბავშვს. იდეალისტი ფსიქოტიპის შემთხვევაში მშობელი არის ძალიან მკაცრი, მას მკაცრი წესები შემოაქვს ბავშვის ცხოვრებაში. შემდეგ ბავშვი იჩენს შინაგან მშობელს, შინაგან კრიტიკოსს, შინაგან პოლიციელს, რომელიც მთელი მისი ცხოვრების განმავლობაში თან დასდევს. როგორც მშობელი მკაცრად აძლევდა მითითებებს, ჩარჩოებს უწესებდა, ანალოგიურად შინაგანი კრიტიკოსი მას უქმნის მუდმივ ხაზს, რომელსაც უნდა მიჰყვეს. ერთის მხრივ, ეს არის ადამიანი, რომელიც მუდმივად განვითარებაზეა ორიენტირებული, ცდილობს სამყარო უკეთესი გახადოს, მორალისტია, წესების მოყვარულია, მეორეს მხრივ, ის მოუქნელი და ხისტია. შინაგანი კრიტიკოსი მას არ აძლევს საშუალებას, რომ რაღაცებს გადაუხვიოს, რაღაცების მიმართ თავისუფალი იყოს.“

ილია ნიკაჭაძე მზრუნველ და ტრიუმფატორ ფსიქოტიპებს ახასიათებს, ამასთან იმ აღზრდის მეთოდებსაც აღწერს, რომლებიც აღნიშნული ფსიქოტიპებს ჩამოყალიბებას უწყობს ხელს:

„მზრუნველი არის ფსიქოტიპი, რომლის მშობლებსაც ბავშვობაში მისთვის არ ეცალათ. ბავშვმა იფიქრა: „მოდი მშობელზე ვიზრუნებ, შემდეგ მას ექნება დრო, რომ შემიყვაროს.“ ეს ფსიქოტიპი როდესაც იზრდება, ამ ყველაფრის განზოგადებას აკეთებს მთელ სამყაროზე. ტრიუმფატორი არის ფსიქოტიპი, რომელსაც ბავშვობაში ჰქონდა განცდა: ​„მე შემიყვარებენ, თუ ვიქნები საუკეთესო.“ ამ ფსიქოტიპს აქვს მიჯაჭვულობა აბლოდისმენტების მიმართ, აღიარების მიმართ, ტაშის მიმართ. ეს ფსიქოტიპი სულ მუშაობს, ვერასდროს დუნდება. როდესაც ის დუნდება, აქვს განცდა, რომ სხვები აჯობებენ. თუ სხვები აჯობებენ, მას სიყვარულს აღარ მისცემს მშობელი. ამ ფსიქოტიპებს ეძახიან დედის ნარცისისტულ პროექტს. მათ ჰყავთ მშობლები, რომლებმაც საკუთარი პოტენციალის რეალიზება ვერ მოახდინეს და ეს გადაიტანეს შვილზე. ასეთი ფსიქოტიპის ადამიანი დედამ ან მამამ შექმნა.“

ილია ნიკაჭაძის თქმით, ინდივიდუალისტ ფსიქოტიპებს ბავშვობაში მშობლისგან ყურადღება და მხარდაჭერა აკლდათ, ხოლო მარტოხელა მოაზროვნის ფსიქოტიპს ორივე მშობლისგან უარყოფის გამო სამყაროს ნდობა უჭირს:

„ინდივიდუალისტი მიდრეკილია იმისკენ, რომ იყოს განსხვავებული, გამორჩეული, არავის ჰგავდეს. შემოქმედი ადამიანების უმრავლესობა ინდივიდუალისტია. ამ ფსიქოტიპს ​ჰყავდა მშობელი, რომელიც არ აძლევდა ბავშვს ემოციურ მხარდაჭერას. ბავშვს ჰქონდა ყველაფერი, მაგრამ ემოციები არ ჰქონდა. მას აქვს მიდრეკილება, რომ გაამძაფროს ყველა ემოცია, დრამა შექმნას. მარტოხელა მოაზროვნე არის ფსიქოტიპი, რომელსაც ორივე მშობლის უარყოფა ჰქონდა. ეს ფსიქოტიპი სამყაროს არ ენდობა. მას აქვს მოტივაცია, რომ შეისწავლოს სამყარო. ის ფიქრობს: „თუ მე სამყარო მეცოდინება, ის საშიში აღარ იქნება ჩემთვის.“ მას მუდმივად აქვს განცდა, რომ ცოდნა არ ჰყოფნის.“

„სკეპტიკოსი ძირითადად არის ძლიერი მშობლების შვილი. ის ხდება ძლიერ ფიგურებზე დამოკიდებული პირი. ის მთელი ცხოვრება ეძებს ავტორიტეტებს. ენთუზიასტი არის ფსიქოტიპი, რომელმაც ისწავლა ბავშვობაში გაქცევა. მან იპოვა სტრატეგია, რომ სირთულეებს გართობაში გაექცეს. ის ზრდასრულობაში ხდება გართობაზე, მხიარულებაზე, თავგადასავალზე ორიენტირებული. ბოსი არის ფსიქოტიპი, რომელსაც ​აქვს უარყოფა მშობლის მიმართ. ის არაცნობიერად დარწმუნებულია საკუთარ სიცუდეში. ის ეძებს ძალაუფლებას. ბოსი არის უარმყოფელი მშობლის მიერ გაზრდილი ადამიანი. მედიატორი არის ფსიქოტიპი, რომელიც ეძებს ჰარმონიას. ამ ფსიქოტიპს ჰყავდა ან კონფლიქტური მშობლები, ან ხელოვნურ ჰარმონიაში მყოფი მშობლები,“ - აღნიშნულ თემაზე ირაკლი ნიკაჭაძე ტელეკომპანია „იმედის“ გადაცემაში „იმედის დღე“ საუბრობს.

წყარო: ​„იმედის დღე“

არ დაგავიწყდეთ !!!

დაემატეთ ჯგუფში საბავშვო რეცეპტები

სიყვარულის 5 ენა, რომლითაც ბავშვებს უნდა ვესაუბროთ - ჰუმანური პედაგოგიკის სპეციალისტი მარი...
​ჰუმანური პედაგოგიკის სპეციალისტი მარიამ დავითინიძე სიყვარულის ხუთ ენაზე საუბრობს, რომლითაც ჩვენს შვილებთან უნდა ვისაუბროთ:„დედებთან შეხვედრებისას სიყვარულის ხუთი ენა ძალიან აქტუალური თემა აღმოჩნდა....

შეიძლება დაინტერესდეთ

„არ ვიცი, საიდან მოვიდა ეს დიდი რაოდენობით წყლის მიღება. პირიქით, ზედმეტი წყლის მიღება არ არის მიზანშეწონილი,“ - დავით გადელია

„არ ვიცი, საიდან მოვიდა ეს დიდი რაოდენობით წყლის მიღება. პირიქით, ზედმეტი წყლის მიღება არ არის მიზანშეწონილი,“ - დავით გადელია

ბოჭორიშვილის კლინიკის დირექტორმა დავით გადელიამ იმ პრობლემების შესახებ ისაუბრა, რომლებსაც ადამიანებმა კოვიდის გადატანის შემდეგ განსაკუთრებული ყურადღება უნდა დაუთმონ:

„პირველ რიგში, ეს არის ფილტვებთან და ​სასუნთქ გზებთან დაკავშირებული პრობლემები. თუ ატყობენ, რომ აქვს გადაღლილობა, სუნთქვის დროს არის სიმძიმე, ამოსუნთქვის დროს ამოოხვრასავით არის, ქოშინი პატარა მანძილზე სიარულის დროს, ეს უკვე ნიშნავს, რომ ადამიანს აქვს ნარჩენი მოვლენები კოვიდის გადატანის შემდეგ. რომ გითხრათ, რომ ყნოსვის დაბრუნებას დავაჩქარებთ, არა, ეს ნამდვილად არ შეგვიძლია. სუნთქვის პრობლემებზე ძალიან ბევრი გვაქვს ნამუშევარი ადრეც და ვიცით რა შეიძლება გაკეთდეს. კოვიდი პირის ღრუშიც ძალიან ბევრ პრობლემას ტოვებს. ცოტა ყურადღებით უნდა იყვნენ კოვიდ გატანილი ადამიანები პირველი სამი თვის განმავლობაში.“

დავით გადელიას თქმით, ადამიანები ექიმების რეკომენდაციების მოსმენის შემდეგ მგრძნობიარეები ხდებიან და ზოგჯერ გარკვეული სიმპტომები ეჩვენებათ კიდეც:

„არ მინდა შევაშინო ადამიანები. ​როდესაც ექიმი რაღაცას ეუბნება, უფრო სენსიტიური ხდება ადამიანი, შეიძლება მოეჩვენოს კიდეც, რომ რაღაც აწუხებს. ამავე დროს მინდა ყურადღება მიაქციონ ადამიანებმა თავიანთ ორგანიზმს, რა მიმართულებით აქვთ პრობლემები. განსაკუთრებით ეს ეხება, რა თქმა უნდა, სუნთქვას. ყოფილა შემთხვევა, რომ შაქრის ნიშნული ძალიან მომატებულა, იმდენად, რომ დიაბეტის დამწყებიც კი ყოფილა ეს დაავადება. არის ასეთი შემთხვევები აღწერილი.“

დავით გადელია კოვიდ გადატანილ პაციენტებს ურჩევს დაავადების გადატანიდან ერთ-ორ თვეში კვლევები ჩაიტარონ:

„ერთი კარგი გამოკვლევა კარგი იქნება კოვიდის გადატანიდან ერთი ან ორი თვის შემდეგ.  ​იმის მიხედვით, თუ რა მიმართულებით არის პრობლემა, წამოვა რჩევები. არ ვიცი საიდან მოვიდა ეს დიდი რაოდენობით წყლის მიღება. პირიქით, ზედმეტი წყლის მიღება არ არის მიზანშეწონილი, განსაკუთრებით დაავადების პიკის დროს. ეს იწვევს სისხლის მიმოქცევის მცირე წრეში გადატვირთვას. მოგწყურდებათ, დალიეთ. არანაირად ზედმეტი სითხე არ მიიღოთ. გირჩევთ სუნთქვითი ვარჯიშების გაკეთებას და სამი თვის განმავლობაში განმეორებით კვლევებს. შემდგომი რეკომენდაციები ამ კვლევების შედეგებიდან წამოვა.“

„პაციენტის კლინიკიდან გაწერით არ მთავრდება მკურნალობა. არ იფიქროს არავინ, რომ გაეწერა და დამთავრდა. ეს არ არის გრიპი, ​ბევრად უფრო თავისებური დაავადებაა. შინ გაწერის დროსაც პაციენტმა უნდა გააგრძელოს რეკომენდაციები, რასაც ექიმი ეუბნება. სახლშიც უნდა გაგრძელდეს მკურნალობის გარკვეული ნაწილი. ყველას ჯანმრთელობას ვუსურვებ,“ - აღნიშნულ საკითხებზე დავით გადელიამ ტელეკომპანია რუსთავი 2-ის პირდაპირ ეთერში ისაუბრა.

წყარო:​ რუსთავი 2

წაიკითხეთ სრულად