Baby Bag

ნეგატიური მეგობრები ბედნიერებას და სიმშვიდეს გართმევენ, ისინი დასახული მიზნების მიღწევაშიც ხელს გიშლიან

ნეგატიური მეგობრები ბედნიერებას და სიმშვიდეს გართმევენ, ისინი დასახული მიზნების მიღწევაშიც ხელს გიშლიან

ნეგატიურ ადამიანებს მეგობრებთან ურთიერთობა მარტივად უფუჭდებათ, ისინი მათთან დროის სასიამოვნოდ გატარებას და მშვიდად საუბარს იშვიათად ახერხებენ. ნეგატიური მეგობრები ბედნიერებას და სიმშვიდეს გართმევენ, ისინი დასახული მიზნების მიღწევაშიც ხელს გიშლიან. თუ თქვენი მეგობარი ნეგატიური ადამიანია, მასთან ურთიერთობა სწრაფად უნდა გაწყვიტოთ.

  • ნეგატიური მეგობრები ენერგიას გართმევენ

ნეგატიურ მეგობართან ყოფნისას უსიამოვნო ფიქრებს, ალბათ, არაერთხელ შეუწუხებიხართ და მისი პესიმიზმიც გადმოგდებიათ. ნეგატიური მეგობრები ენერგიას გართმევენ და გამოფიტულს გტოვებენ, რადგან მათი პირადი ამბების მოსმენა საკმაოდ რთულია. თქვენ გამუდმებით დრამის მონაწილე ხართ, სულიერ და გონებრივ რესურსს ფუჭად ხარჯავთ. თქვენ გვერდით ისეთი ადამიანები უნდა იყოლიოთ, ვინც გაძლიერებთ და მოტივაციას გმატებთ. ნამდვილი მეგობარი გვირაბის ბოლოს სინათლეს დაგანახებთ და დაგარწმუნებთ, რომ მას ხელს აუცილებლად მიაწვდენთ. ის ნებისმიერი სირთულის გადალახვაში დაგეხმარებათ. თუ მეგობართან ურთიერთობისას ყოველთვის მის პრობლემებს ისმენთ და მას ანუგეშებთ, ენერგიისგან დაიცლებით. მსგავსი ურთიერთობები ძალიან სახიფათოა და ადამიანის სრულ გამოფიტვას იწვევს.

  • ნეგატიური მეგობრები თქვენს ინტერესებზე არასდროს ფიქრობენ

მეგობრობამ ძირს არ უნდა დაგცეთ. მან უნდა გაგაძლიეროთ და წინსვლაში დაგეხმაროთ. ნამდვილი მეგობარი, რომელსაც თქვენი ესმის, თქვენს ნუგეშისცემას, მოტივირებას და გაძლიერებას ეცდება. ის ყოველთვის თქვენი ინტერესებით იხელმძღვანელებს. ნეგატიური მეგობრები ყოველთვის თქვენგან ელიან დამხარებას, მათ არ აინტერესებთ თქვენ რა გჭირდებათ და რა გიჭირთ. მათ სურთ, რომ ყოველთვის მოუსმინოთ. ნეგატიური მეგობრისთვის თქვენ მხოლოდ ყური ხართ, რომელიც მის პრობლემებს ისმენს. თქვენი გრძნობები და განცდები მისთვის უინტერესოა. მსგავსი ადამიანებისგან თავი შორს დაიჭირეთ! ისინი მხოლოდ საკუთარ თავზე ფიქრობენ და სხვა ინტერესები არ აქვთ.

  • ნეგატიურ მეგობრებს თქვენი წარმატება არ უხარიათ

ნეგატიური მეგობარი არ გამხნევებთ და წარმატების მოპოვებაში არ გეხმარებათ, რადგან მას თქვენთვის კარგი არ სურს. ის ყოველთვის ცდილობს გეგმები ჩაგიშალოთ და მაქსიმალურად დიდი დრო წაგართვათ. ნეგატიურ მეგობარს თქვენი წარმატება აშინებს, რადგან ფიქრობს, რომ თქვენს ცხოვრებაში მისი ადგილი აღარ დარჩება. ეს მისი ყველაზე დიდი შიშია, რის გამოც ის თქვენს გამხნევებას არასდროს ეცდება. ასეთ ადამიანთან მეგობრობას ნამდვილად არ გირჩევთ.

  • ნეგატიურ ადამიანებს სურთ, რომ თქვენც პესიმისტ ადამიანად იქცეთ

ნეგატიურ ადამიანებს სურთ, რომ თავადაც ნეგატიური ხალხით იყვნენ გარშემორტყმული. თუ წარმატების მიღწევა გსურთ, ნეგატიურ ადამიანთან მეგობრობას არ გირჩევთ. მისი სასოწარკვეთა პოზიტიურ განწყობას წაგართმევთ და უკან დაგხევთ. პესიმიზმი ინფექციაა, ის თქვენში იჭრება და ეჭვებით გავსებთ. თქვენ ფიქრობთ, რომ წარმატების მიღწევა არ შეგიძლიათ, რადგან სათანადო უნარები არ გაქვთ. ნეგატიური მეგობარი მიზნისკენ სვლაში ხელს გიშლით და პასიურობისკენ გიბიძგებთ. წარმატების მიღწევა თუ გინდათ, გახსნილი და რისკიანი ადამიანი უნდა იყოთ. ნეგატიური მეგობარი ეჭვებით გავსებთ და სხვა ადამიანებისადმი ნდობას გაკარგვინებთ, რაც წინსვლაში ხელს ძალიან შეგიშლით.

  • ნეგატიური მეგობარი დიდი მიზნების მიღწევაში ხელს გიშლით

დიდი მიზნები თუ გაქვთ და წარმატებაზე ოცნებობთ, ნეგატიური მეგობრები ამის შესაძლებლობას ნაკლებად მოგცემენ. ნეგატიურობა თქვენს ცხოვრებას იმდენად მოიცავს, რომ მისგან თავის დაღწევას ვეღარ შეძლებთ. ის თქვენს ოცნებებს და მიზნებს ჩაანაცვლებს. თქვენს პოზიტიურ განწყობას ვინმე თავისი ნეგატიური აზრებით თუ ამსხვრევს, მისგან თავი შორს დაიჭირეთ. ნეგატიურ ადამიანთან პოზიტიური ვერ იქნებით. ის ამის შესაძლებლობას არ მოგცემთ.

მეგობრები სიფრთხილით შეარჩიეთ. ნეგატიურ ადამიანებს თქვენი ცხოვრების ხარისხის მნიშვნელოვნად გაუარესება შეუძლიათ. ნამდვილი მეგობრები კი წარმატების მიღწევაში დაგეხმარებიან და გასაჭირში არასდროს მიგატოვებენ.

მომზადებულია​ everydaypower.com -ის მიხედვით

თარგმნა ია ნაროუშვილმა

არ დაგავიწყდეთ !!!

Momsedu.ge-მ თქვენთვის, დედებისთვის შექმნა ახალი სივრცე. მოიწონეთ გვერდი მცოდნე დედები

გამუდმებით სხვისი წუწუნის მოსმენა ენერგიას გართმევთ და ემოციურ სტაბილურობას გაკარგვინებთ
​ადამიანები, რომლებიც გამუდმებით წუწუნებენ, გარშემომყოფების განწყობაზე ნეგატიურად ზემოქმედებენ. თანამედროვე სამყაროში მოთხოვნილებები იმდენად გაიზარდა, რომ თითქმის ყველა ადამიანი რაღაცით უკმაყოფილოა. თ...

შეიძლება დაინტერესდეთ

ყველასთვის საოცნებო სამსახური - ბრიტანული კომპანია ახალ თანამშრომელს 50 000 ფუნტ სტერლინგს საჩუქრად გადასცემს, ანაზღაურების სახით კი 35 000 ფუნტ სტერლინგს სთავაზობს

ყველასთვის საოცნებო სამსახური - ბრიტანული კომპანია ახალ თანამშრომელს 50 000 ფუნტ სტერლინგს საჩუქრად გადასცემს, ანაზღაურების სახით კი 35 000 ფუნტ სტერლინგს სთავაზობს
სამსახურის მაძიებლებს ერთ-ერთი ბრიტანული კომპანია წარმოუდგენელ პირობებს სთავაზობს: 50 000 ფუნტი სტერლინგი საყიდლებისთვის საჩუქრად, 35 000 ფუნტი სტერლინგი ანაზღაურების სახით, ამასთან დაკისრებული მოვალეობის შესასრულებლად ახალ თანამშრომელს სავარძლიდან წამოდგომაც კი არ დასჭირდება.

ცნობილი ინტერნეტ მაღაზია OnBuy.com ახალ კადრს ეძებს. წარმატებულ კონკურსანტს საჩუქრის სახით 50 000 ფუნტი სტერლინგი გადაეცემა, რომელიც მან საიტიდან სხვადასხვა ნივთის შეძენაში უნდა დახარჯოს. ახალი თანამშრომელი არჩევანში სრულებით თავისუფალია. მას შეუძლია აღებული ფულით ტექნიკა, სათამაშოები, ტანსაცმელი, საკვები ან სასმელი შეიძინოს.

იღბლიანი კანდიდატი ყველა შეძენილ ნივთს თავის საკუთრებაში იტოვებს. კომპანიის ბოსები მისგან მხოლოდ იმას მოითხოვენ, რომ პროდუქტებზე მიმოხილვები დაწეროს, ინტერნეტ მაღაზიის ხარვეზები გამოავლინოს და საკუთარი სავაჭრო გამოცდილების შესახებ ანგარიშები მოამზადოს.

კომპანიის წარმომადგენლების განცხადებაში ნათქვამია: „წარმოიდგინეთ, რომ ხელფასს გიხდიან თქვენი ოცნებების ასრულებაში. თქვენ გეძლევათ საშუალება შეიძინოთ ყველაფერი, რაზეც ოცნებობდით. ინტერნეტ მაღაზია Onbuy.com შოპაჰოლიკებს საოცარ სამსახურს გთავაზობთ. თქვენ გეძლევათ 50 000 ფუნტი სტერლინგი, რომელიც საყიდლებზე უნდა დახარჯოთ. იშოპინგეთ მანამ, სანამ დაღლისგან გული არ წაგივათ. ამას გარდა, ანაზღაურების სახით 35 000 ფუნტ სტერლიგნსაც მიიღებთ. რაც მთავარია, ყველა შეძენილი ნივთი თქვენთან რჩება. თქვენ მხოლოდ წერილობით აფასებთ იმ პროდუქტს, რომელსაც ყიდულობთ. წარმოიდგინეთ, რომ კარდაშიანი ხართ, მაგრამ უფრო მოქნილი გრაფიკი გაქვთ და არც კენიზე დაოჯახება გევალებათ. აუცილებელია, რომ ონლაინ მაღაზიებიდან ნივთების შეძენის ხანგრძლივი გამოცდილება გქონდეთ და შოპინგი გიყვარდეთ. თქვენ დისტანციურად იმუშავებთ და თავისუფალი გრაფიკი გექნებათ.“

Onbuy.com- ის დირექტორის თქმით, კომპანია მომხმარებლის აზრს ძალიან დიდ მნიშვნელობას ანიჭებს. „ეს ვაკანსია იმიტომ გამოვაცხადეთ, რომ კომპანიაში არსებული ხარვეზები მაქსიმალურად აღმოვფხვრათ და მომხმარებლის რჩევები გავითვალისწინოთ. ამისთვის საკმაოდ დიდი თანხები გამოვყავით. ეს ყოველივე კი შესაძლებლობას მოგვცემს, უკეთ გავერკვეთ ჩვენი კლიენტების სურვილებსა და ინტერესებში.“ - ნათქვამია კომპანიის დირექტორის განცხადებაში.

მომზადებულია ​​thesun.co.uk-ის მიხედვით
თარგმნა ია ნაროუშვილმა 

არ დაგავიწყდეთ !!!

Moms.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედები​ს ჯგუფი“)

წაიკითხეთ სრულად