Baby Bag

,,მე, როგორც ნეიროფსიქოლოგი, არ ვარ მომხრე, 3 წლის ბავშვმა ისწავლოს მეორე ენა...'' - თამარ გაგოშიძე

,,მე, როგორც ნეიროფსიქოლოგი, არ ვარ მომხრე, 3 წლის ბავშვმა ისწავლოს მეორე ენა...''  - თამარ გაგოშიძე
მშობლებისა და მასწავლებლებისთვის საინტერესო და აქტუალურ საკითხებზე ნეიროფსიქოლოგი თამარ გაგოშიძე საუბრობს:
  • ბავშვს აუცილებლად უნდა დავუტოვოთ თავისუფალი დრო;
  • 3 წლის ბავშვს არ უნდა ვასწავლოთ უცხო ენა;
  • 2 წლამდე ბავშვი გაჯეტებთან არც ერთ წუთს არ უნდა ატარებდეს ბავშვი, რადგან ეს იწვევს მეტყველების შეფერხებას;
  • ბევრ წრეზე სიარული, რეპეტიტორებთან მომზადება ემოციურად გადაწვავს ბავშვს, დადგება დრო, მას გადაწყვეტილების მიღება გაუჭირდება და ინტერესს დაკარგავს.

ამ და სხვა საინტერესო თემაზე ნახეთ ვიდეოდა არ დაგავიწყდეთ!!!



Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფ​ი“)

„პირველივე კლასიდან მშობელი ცდილობს, ბავშვს არ ჰქონდეს თავისუფალი დრო - ეს არის ბავშვზე ძა...
„არავინ იფიქროს, რომ მშობლებს რამეს ვაბრალებ. მშობლები დღეს არიან ძალიან რთულ მდგომარეობაში. რადგან ისინი ძალიან ბევრს მუშაობენ იმისთვის, რომ თავიანთ შვილებს უზრუნველი მომავალი შეუქმნან, მისცენ განათლ...
,,ბავშვთან კომუნიკაცია არ უნდა ხდებოდეს ტელეფონში ყურების ან სადილის კეთების პარალელურად''...
​ნეიროფსიქოლოგ თამარ გაგოშიძის ბლოგი, რომელიც www.helloblog.ge-ზე გამოქვეყნდა დასაქმებული მშობლების შვილებთან უერთიერთობის თემას ეხება. გთავაზობთ ბლოგიდან ამონარიდს:,,თანამედროვე სამყაროში დ...
,,კატეგორიულად არ შეიძლება ზაფხულში ბავშვებისთვის დავალებების მიცემა, ეს ანტიპედაგოგიკაა''...
,,ზაფხული, ეს არის თავისუფლება, ეს არის ადგილისა და გარემოების გამოცვლის პერიოდი. ჩვენ ამას ,,ჰაერზე წაყვანას" ვეძახით. სინამდვილეში, ჰაერი კი არა, სივრცეა მთავარი ბავშვის განვითარებისთვის, რომელიც ქა...

შეიძლება დაინტერესდეთ

„მეც გამომიცდია ეს, როგორც დედას და გეტყვით, რომ აქ კარგია ეშმაკობა,“ - მარი მალაზონიას რჩევები მშობლებს ბავშვის კვების რაციონის გასამდიდრებლად

„მეც გამომიცდია ეს, როგორც დედას და გეტყვით, რომ აქ კარგია ეშმაკობა,“ - მარი მალაზონიას რჩევები მშობლებს ბავშვის კვების რაციონის გასამდიდრებლად

ნუტრიციოლოგმა მარი მალაზონიამ მშობლებს ბავშვებისთვის წყლის დღიური დოზის განსაზღვრისთვის მარტივად გამოსათვლელი ფორმულა გააცნო:

„როდესაც ჩვენ ვლაპარაკობთ წყლის რაოდენობაზე, ჩვენ გვაქვს ერთი მარტივი გადათვლა, რომელიც არ არის უნივერსალური. თუ სხვა ფორმულები არ ვიცით, კილოგრამ წონაზე 30-35 მილილიტრი გადავთვალოთ, ავწონოთ ადამიანი და გადავთვალოთ. ეს არის ძალიან უხეში მიდგომა, რომელიც ბავშვებისთვის ძალიან ბევრ კითხვას ბადებს. ​მით უფრო, თუ ნედლი სახით ხილს და ბოსტნეულს ბავშვი არ იღებს. რატომ არის ეს ასე საყურადღებო? სასიცოცხლოდ მნიშველოვანია, თუ გავითვალისწინებთ, რამდენი წყალი უნდა იყოს ჩვენს ორგანიზმში.“

მარი მალაზონიას თქმით, წყლის სათანადო რაოდენობით მიღებაზე ყურადღება განსაკუთრებით მაშინ უნდა გამახვილდეს, როდესაც ბავშვი ხილს და ბოსტნეულს ნედლი სახით არ იღებს:

„თუ ჩვენ სეზონურად ვიღებთ წყლით მდიდარ პროდუქტებს, მაშინ წყლის ცოტა მოხმარება ისეთი საშიში აღარ არის. თუ ბავშვი ნედლი სახით ხილს და ბოსტნეულს არ იღებს, მაშინ ბევრი კითხვა ჩნდება, მაგ. როგორია წვნიანების რაოდენობა,​ სხვა ტიპის საკვები როგორია თავისი შემადგენლობით? საკვებიდან მიღებული წყალი 20 % მაინც უნდა იყოს დღიური მოთხოვნილებისა წყალზე.“

მარი მალაზონია მშობლებს მარტივ ხრიკს უზიარებს, რომლის დახმარებითაც მათ ბავშვის რაციონში ბოსტნეულისა და ხილის ჩართვა გაუადვილდებათ:

„როგორ უნდა შევინარჩუნოთ პროდუქტების ეფექტიანობა, თუ ბავშვი სეზონურ პროდუქტებს არ იღებს? ​პირველ რიგში, აქ კარგია ეშმაკობა. მეც გამომიცდია ეს, როგორც დედას და გეტყვით, რომ ის, რაც უყვარს ბავშვს, მაგ. ხორცპროდუქტები, ეს პროდუქტები ისე გამოიყენეთ, რომ ბავშვის მიერ არჩეული პროდუქტები იყოს დომინანტური და მასთან იყოს შეხამებული ის პროდუქტები, რომლებიც დიდად არ უყვარს.“

„ბოსტნეული ძალიან მარტივად შეგიძლიათ ჩართოთ კატლეტში, რომელიც შეიძლება ძალიან უყვარს ბავშვს. გადარჩება ყველა ვიტამინი? არ გადარჩება. მინერალები უფრო მეტად გადარჩება, ვიტამინები ნაკლები რაოდენობით გადარჩება. არის ზოგიერთი ვიტამინი, მაგ. U ვიტამინი, რომელიც კომბოსტოშია, ის თერმული დამუშავების დროს უფრო გადარჩება. სტაფილოში A ვიტამინის წინამორბედი ნივთიერებები, კაროტინები, თერმული დამუშავების შემდეგ უფრო კარგად შეითვისება. გული არ დაგწყდეთ, თუ ბავშვს თერმულად დამუშავებულ სტაფილოს აძლევთ ან კომბოსტოს. ​ეს შეიძლება შემოიტანოთ წვნიანებში, სალათებში, რომელიც იქნება ხორცის, მაგრამ მცირე რაოდენობით ბოსტნეული იქნება საკმაზად გამოყენებული. ეს იქნება მცირე რაოდენობით, მაგრამ აუცილებელი და საჭირო პროდუქტები,“ - აღნიშნულ საკითხებზე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​პირადი ექიმი - მარი მალაზონია

წაიკითხეთ სრულად