Baby Bag

5 რამ, რაც გაბრაზებულ ბავშვს მშობლისგან სჭირდება

5 რამ, რაც გაბრაზებულ ბავშვს მშობლისგან სჭირდება

ყველა მშობელს გამოუცდია უხერხულობის განცდა, როდესაც ბავშვი საჯარო სივრცეში ჭირვეულობას იწყებს, ბრაზდება, ყვირის, ნივთებს ისვრის და ყველაფერს აპროტესტებს. მშობლები ვერ ხვდებიან, რა გააკეთონ ამ დროს და ბავშვის დამშვიდებას ხშირად ამაოდ ცდილობენ. ჩვენს სტატიაში 5 რჩევას გაგიზიარებთ, რომელიც გაბრაზებული ბავშვის საჭიროებების დადგენაში დაგეხმარებათ.

1. იმ უნარების იდენტიფიცირება, რაც ბავშვს სუსტად აქვს განვითარებული

თუ ბავშვი წონასწორობიდან ხშირად გამოდის, ბრაზდება და მისი დამშვიდება არ გამოგდით, უნდა გაარკვიოთ, რომელი უნარები აქვს მას გასავითარებელი მოცემული პრობლემის დასაძლევად. თუ მასთან ერთად მაღაზიაში შედიხართ და მისი საყვარელი შოკოლადის მარაგები ამოწურულია, ბავშვი კი ამის გამო ისტერიკას აწყობს, ე.ი. მას იმედგაცრუებასთან გამკლავების უნარი არ აქვს და თქვენ ამ უნარის გაუმჯობესებაზე უნდა იზრუნოთ. თუ ბავშვი მსგავს მოულოდნელობებს მშვიდად ხვდება, ე.ი. მას ეს უნარი სათანადოდ აქვს განვითარებული.

2. გადაუჭრელი პრობლემების იდენტიფიცირება

მას შემდეგ, რაც იმ უნარების იდენტიფიცირებას მოახდენთ, რომელიც ბავშვს უნდა განუვითაროთ, ჩამოწერეთ პრობლემები, რომლებიც თქვენს შვილს აქვს და რომელიც ჯერ კიდევ არ მოგიგვარებიათ. თუ ყველა პრობლემის ერთბაშად მოგვარებას შეეცდებით, ვერცერთს ვერ მოაგვარებთ. თავდაპირველად 3 ყველაზე დიდი პრობლემა ჩამოწერეთ, რომელიც ყველაზე მეტ უსიამოვნებას იწვევს და ჩხუბისა და გაღიზიანების მიზეზი ხდება. შემდეგ კი ამ პრობლემების გადაჭრაზე იზრუნეთ.

3. ემპათია

ბავშვის შერცხვენა მხოლოდ აძლიერებს ბრაზს და აზიანებს მას ემოციურად. ჩვენ გვინდა ვაიძულოთ ბავშვი, რომ დაწყნარდეს, მაგრამ მსგავსი მიდგომა არ მუშაობს. გაბრაზებულ ბავშვს არ შეუძლია მსჯელობაში აგვყვეს. თუ ბავშვი იმის გამო განრისხდა, რომ მაღაზიაში მისი საყვარელი შოკოლადი არ აქვთ, უთხარით: „ვწუხვარ, რომ მათ არ აქვთ ის, რაც შენ გინდა. სამწუხაროა, როცა რაღაც გსურს და არ შეგიძლია მისი მიღება. შოკოლადი მეც ძალიან მიყვარს.“ თანაგრძნობა ეხმარება ბავშვს რაციონალური მსჯელობის დაწყებასა და დამშვიდებაში.

4. პრობლემის გადასაჭრელად ალტერნატიული გეგმა გამოიყენეთ

თუ თქვენი შვილი ხშირად ბრაზდება, ტრადიციული, ავტორიტარული მიდგომები მასთან არ გამოგადგებათ. პრობლემის მოგვარება ბავშვთან ერთად სცადეთ. ბავშვს გულწრფელად ესაუბრეთ მის პრობლემაზე. ჰკითხეთ, რატომ განრისხდა მაღაზიაში, როდესაც საყვარელი შოკოლადის მიღება ვერ შეძლო. ის აგიხსნით, რას განიცდიდა და რატომ ვერ გააკონტროლა ემოციები. ერთად შეიმუშავეთ სამომავლო გეგმა, როგორ შეიძლება მოიქცეთ მომავალში ანალოგიურ ვითარებაში აღმოჩენის შემთხვევაში.

5. იარლიყების გამოყენებისგან თავშეკავება

თუ ბავშვს რაიმე სახის ჩამორჩენა ან დიაგნოზი აქვს, დედის ამოცანას მისი უნარების განვითარება უნდა წარმოადგენდეს. ნუ გამოიყენებთ იარლიყებს მასთან ურთიერთობისას. ბავშვს შეხედეთ, როგორც პატარა ადამიანს, რომელიც ცხოვრებისეულ სირთულეებთან გამკლავებას სწავლობს. საკუთარი თავი კი აღიქვით დედად, რომელიც მზად არის მას დაეხმაროს, რათა ყოველ მომდევნო დღეს ბავშვი უკეთესად მოიქცეს და სირთულეებთან გამკლავება წარმატებით შეძლოს.

წყარო: ​imom.com

შეიძლება დაინტერესდეთ

,,ბავშვებმა შესაძლოა, საერთოდ უსიმპტომოდაც გადაიტანონ კორონავირუსი'' - თემურ მიქელაძე

,,ბავშვებმა შესაძლოა, საერთოდ უსიმპტომოდაც გადაიტანონ კორონავირუსი'' - თემურ მიქელაძე

ბავშვებში კორონავირუსის გავრცელებასთან დაკავშირებით პედიატრმა თემურ მიქელაძემ ,,ტელეკომპანია პირველის'' ეთერში ისაუბრა. 

მისი თქმით, ბავშვებმა შესაძლოა, საერთოდ უსიმპტომოდაც გადაიტანონ კორონავირუსი და ამავდროულად იყვნენ გამავრცელებლები:

,,სტატისტიკის მიხედვით, 0-იდან 20 წლამდე ერთეული შემთხვევებია დაფიქსირებული. გარდაცვალება და მძიმე შემთხვევები კი ​პრაქტიკულად არ გვქონია, თუმცა რითია ეს განპირობებული? - შეიძლება, ეს იყოს ჯვარედინი რეაქცია წითურას საწინააღმდეგო ვაქცინასთან. შეიძლება, ვინც წითელაზეა აცრილი მეტად არის დაცული. თუმცა ზუსტი მტკიცებულებები ამისი არ არსებობს. 

როგორც მოგეხსენებათ, ბავშვებს მოზრდილებთან შედარებით უფრო ნაკლებად აქვთ ქრონიკული დაავადებები. ბავშვების ერთერთი ყველაზე ხშირი ქრონიკული დაავადება შეიძლება იყოს ე.წ ბრონხული ასთმა, შესაბამისად, მოზრდილებთან შედარებით მათთან ნაკლებადაა ამ ვირუსის მძიმედ განვითარების რისკი. 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

პრაქტიკულად ერთმანეთს ჰგავს კორონავირუსის და სხვა ვირუსული ინფექციების სიმპტომები. ბავშვებმა შესაძლოა, საერთოდ უსიმპტომოდაც გადაიტანონ კორონავირუსი და ამავდროულად იყვნენ გამავრცელებლები. გამომდინარე აქედან, ბავშვებთან მიმართებაში პანიკის საფუძველი არ გვაქვს. თუმცა უნდა ხდებოდეს კონტროლი და იყვნენ მუდმივი მეთვალყურეობის ქვეშ ისეთი ბავშვები, რომლებსაც ინფიცირებულებთან ჰქონდათ კონტაქტი. 

ჩვენს ქვეყანაში ეპიდემიური სიტუაცია კონტროლდება და არა გვაქვს მეორადი გადადების შემთხვევები. აქედან გამომდინარე კორონავირუსით დაავადებულთა დიდი რაოდენობით ზრდას არ უნდა ველოდოთ. 

აუცილებელია სწორი ჰიგიენური ნორმების დაცვა. ბავშვებს ხშირად უნდა დავაბანინოთ ხელები, განსაკუთრებით საკვების მიღების წინ. ოთახები კი ხშირად უნდა განიავდეს და სველი წესით დამუშავდეს,'' - აღნიშნა თემურ მიქელაძემ. 


წაიკითხეთ სრულად