ადამიანი, რომელმაც საშინაო დავალება გამოიგონა იტალიელი მკაცრი მასწავლებელი რობერტ ნევილისია.
მან საშინაო დავალება 1905 წელს მოსწავლეების დასჯისთვის გამოიყენა. ნევილისი თავისი მოსწავლეების მიღწევებით უკმაყოფილო იყო. მასწავლებლის თავდაუზოგავი შრომის მიუხედავად, ბავშვების სწავლის დონე და უნარები არ უმჯობესდებოდა. მან მოიფიქრა მოსწავლეების დასჯა ისე, რომ ეს ფსიქოლოგიური ძალადობა არ ყოფილიყო. სწორედ ასე მივიდა ნევილისი დასკვნამდე, რომ საშინაო დავალება საუკეთესო გამოსავალი იყო.
სინგაპურის ერთერთი სკოლის დირექტორის მიმართვა მშობლებს:
წაიკითხეთ სრულად„ძვირფასო მშობლებო, მალე თქვენს შვილებს გამოცდები დაეწყებათ. ვიცი, რომ ყველანი ძალიან ნერვიულობთ და განიცდით, ვინაიდან გსურთ, რომ ბავშვებმა გამოცდები კარგად ჩააბარონ. მაგრამ, გთხოვთ, გახსოვდეთ! მოსწავლეებს შორის ამ გამოცდაზე იქნება მხატვარი, რომელსაც არაფერში სჭირდება მათემატიკის აბსოლუტური ცოდნა; იქნება მეწარმე, რომლისთვისაც არც ისე მნიშვნელოვანია ისტორია და ინგლისური ლიტერატურა; მუსიკოსი, რომელსაც არასდროს გამოადგება ქიმია; სპორტსმენი, რომლისთვისაც ფიზკულტურა ბევრად მნიშვნელოვანია, ვიდრე ფიზიკა. ძალიან კარგი იქნება, თუ თქვენი შვილები კარგ ნიშნებს მიიღებენ, მაგრამ, გეთაყვა, თუ ასე არ მოხდება, გთხოვთ, ნუ ჩაკლავთ მათში თავდაჯერებულობისა და ღირსების გრძნობას. უთხარით მათ, რომ ეს ნორმალურია, რომ ეს უბრალოდ გამოცდაა. ისინი ბევრად მნიშვნელოვანი საქმეებისთვის არიან მოვლენილი ამქვეყნად. უთხარით მათ, რომ გიყვართ და არ განსჯით, როგორი შეფასებებიც არ უნდა მიიღონ. გთხოვთ, ასე მოიქეცით და მერე უბრალოდ თვალყური ადევნეთ, როგორ დაიპყრობენ მომავალში სამყაროს. ერთი გამოცდა თუ ცუდი ნიშანი ვერაფერს დააკლებს მათ ნიჭს და ვერ წაართმევს ოცნებას! და, კიდევ, გთხოვთ, ნუ მიიჩნევთ ექიმებსა და ინჟინრებს, როგორც ერთადერთ ბედნიერ ადამიანებს პლანეტაზე. საუკეთესო სურვილებით, სკოლის დირექტორი“.
