Baby Bag

„ძუძუთი საჯაროდ კვება არ ტეხავს,“ - ფოტოგრაფი მარი ნაკანი ქალებს მიმართავს

„ძუძუთი საჯაროდ კვება არ ტეხავს,“ - ფოტოგრაფი მარი ნაკანი ქალებს მიმართავს

ფოტოგრაფი მარი ნაკანი სოციალურ ქსელში პოსტს აქვეყნებს, რომელშიც მეძუძურ დედებს ამხნევებს და მოუწოდებს, რომ საჯაროდ ძუძუთი კვების არ შერცხვეთ:

„ქალებს მინდა მივმართო ახლა-

1) ძუძუთი კვება ყველაზე ხარისხიანი და გარანტირებული იმუნიტეტია თქვენი შვილებისთვის და საჯაროდ კვება არ ტეხავს!

2) თუ ძუძუთი გამოკვებე შენი შვილები და გაგიფუჭდა მკერდის ფორმა, პლასტიკური ოპერაცია მოსულა ! პირიქით, მიეცი შენს თავს ამისი უფლება თუ ოცნებობ და გიხარია და არ შეგაშინოს სხვების ქილიკმა , ყოველთვის გამონახავ ადამიანს ვინც იჭორავებს შენზე , მაგრამ დამიჯერე, კიდევ უფრო მეტს იპოვნი ვინც მხარს დაგიჭერს და ეყვარები .

3) სექსუალურობა არც დიდი ზომის მკერდშია, არც პატარაში და არც საშუალოში- სექსუალურობა ეს შინაგანი ენერგეტიკაა, რომელსაც ვერავინ წაგართმევს. სექსუალურობა ეს არის ინტელექტი! სხარტი იუმორი ! მდიდარი ფანტაზია! ელასტიური გონება და საინტერესო დიალოგი! სექსუალურობა ფართო მასშტაბით აზროვნებაა, რომელიც შეგიძლია უფრო და უფრო გააღრმავო! სექსუალურობას ადამიანი ასხივებს თვალებიდან და მთელი შარმი იმალება მის შინაგან სამყაროში !

სექსუალურობა მოწვყლადობაშია, გულწრფელობაში, ნამდვილ ემოციებში !!! კი, რათქმაუნდა ნავარჯიშები სხეული სასიამოვნოა ბევრისთვის , მაგრამ გახსოვდეთ! მთავარი მაინც არის ემოციები,“ - აღნიშნავს მარი ნაკანი.

შეიძლება დაინტერესდეთ

რატომ არიან ოქტომბერში დაბადებული ბავშვები წარმატებულები?

რატომ არიან ოქტომბერში დაბადებული ბავშვები წარმატებულები?
ოქტომბერში დაბადებული ბავშვები ხასიათის განსაკუთრებული თვისებებითა და შესაშური ჯანმრთელობით გამოირჩევიან. თუ თქვენ ორსულად ხართ და პატარას აღნიშნულ თვეში ელოდებით, გილოცავთ, თქვენი შვილი წარმატებისთვის არის ​დაბადებული!

ოქტომბრის თვეზე ფიქრისას ჩვენს გონებაში ყვითელი ფოთლების, ფოთოლცვენის, ზაფხულის საბოლოო დასასრულისა და ნამდვილი შემოდგომის დასაწყისის ასოციაციები ჩნდება. ზოგიერთ პატარას ძალიან უმართლებს და სამყაროს სწორედ ამ თვეში ევლინება. ოქტომბერში დაბადებული ბავშვების მშობლებისთვის ეს ულამაზესი თვე, პირველ რიგში, საკუთარი შვილის დაბადების დღესთან ასოცირდება. ადამიანებს, რომლებიც ოქტომბერში იბადებიან არამხოლოდ იმის გამო უმართლებთ, რომ მათი დაბადების დღე ფოთოლცვენის ოქროსფერ და ულამაზეს სეზონს ემთხვევა, ისინი პიროვნულადაც გამორჩეულები და განსაკუთრებულები არიან.

ოქტომბრის თვეში დაბადებული ბავშვები კარგი სპორტსმენები არიან და დიდხანს ცოცხლობენ

კვლევებით დასტურდება, რომ ოქტომბრის თვეში დაბადებული ბავშვები კარგი სპორტსმენები არიან, მათ შესაშური ფიზიკური და მენტალური ჯანმრთელობა აქვთ და საშუალოდ 100 წლამდე ცოცხლობენ. სხვა ადამიანებთან შედარებით მათ გულ-სისხლძარღვთა დაავადებების განვითარების ნაკლები რისკი აქვთ. როგორც წესი, მათი პიროვნული თვისებები კარიერულ წინსვლასა და წარმატებას მნიშვნელოვნად უწყობს ხელს, ამიტომ ნუ გაგიკვირდებათ, თუ თქვენი შვილი, რომელიც ოქტომბრის თვეშია დაბადებული, პრეზიდენტი ან სხვა მაღალი თანამდებობის პირი გახდება.

ოქტომბერში დაბადებული ბავშვების დედების ორსულობის მესამე ტრიმესტრი ზაფხულის თვეებსა და სექტემბრის თვეს ემთხვევა, რის გამოც მათი ორგანიზმი მზის სხივების წყალობით დიდი რაოდენობით D ვიტამინს იღებს. აღნიშნული ვიტამინის მარაგის მხოლოდ საკვები პროდუქტების მიღებით შევსება შეუძლებელია. D ვიტამინი ბავშვის ზრდასა და განვითარებაზე უდიდეს ზეგავლენას ახდენს. ოქტომბრის ბავშვებს D ვიტამინის დანაკლისი არასდროს აწუხებთ, სწორედ ამიტომ ისინი სხვა თვეებში დაბადებულ პატარებთან შედარებით მეტად ჯანმრთელები და ძლიერები არიან. მათ მყარად განვითარებული ძვლებისა და ჯანსაღი სხეულის გამო სპორტში წარმატების მიღწევა უადვილდებათ.

ოქტომბერში დაბადებულ ბავშვებს კარგი მენტალური ჯანმრთელობა აქვთ

ოქტომბერში დაბადებულ ბავშვებს შესაშური მენტალური ჯანმრთელობა აქვთ, რაც მათი ფიზიკური ჯანმრთელობის დადებით გავლენას უნდა მივაწეროთ. კარგი გარეგნობა და ჯანსაღი ორგანიზმი ოქტომბერში დაბადებულ პატარებს თვითშეფასებას უმაღლებს და თავდაჯერებას მატებს, რაც მათ მეტად თავისუფალ და გამბედავ ადამიანებად აყალიბებს. როგორც წესი, ისინი წარმატებას მარტივად აღწევენ და საოცრად მიზანდასახულები არიან.

ავტორი: ია ნაროუშვილი 
წაიკითხეთ სრულად