Baby Bag

„მედარდებიან ჩვენი ბავშვები, მოზარდები, მათი ფსიქოსომატური მდგომარეობა... სახლებში გამოკეტილები, კოშმარული სიზმრის დასასრულის მოლოდინით ცხოვრობენ და ენატრებათ სილაღე“

„მედარდებიან ჩვენი ბავშვები, მოზარდები, მათი ფსიქოსომატური მდგომარეობა... სახლებში გამოკეტილები, კოშმარული სიზმრის დასასრულის მოლოდინით ცხოვრობენ და ენატრებათ სილაღე“

ამის შესახებ სოციალურ ქსელში პედიატრი, მედიცინის მეცნიერებათა დოქტორი ინგა მამუჩიშვილი წერს.

მედარდებიან ჩვენი ბავშვები, მოზარდები, მათი ფსიქოსომატური მდგომარეობა... ძალიან ბევრი მირეკავს სხვადასხვა პრობლემით: ფობიები, აგზნებადობა, უძილობა, ისტერიები, ეკრანმიჯაჭვულობა ნომერ პირველი პრობლემა, რაც იწვევს ინფორმაციულ, ემოციურ სტრესს და საბოლოოდ ოქსდაციური სტრესის განვითარებას!!! აღარც სიყვარული, აბა საიდან კომუნიკაციები მხოლოდ ვირტუალური, არც სხვა გრძნობები, რომელთა ატროფიაც ხდება დროთა განმავლობაში... გახსოვთ???? დაჭერობანა, დამალობანა, წრეში ბურთი. ამ თამაშების დროს რაღაცნაირად ხდებოდა გრძნობათა რეალიზება, იმას იჭერდნენ, ვინც მოწონდათ, ბურთს ესროდნენ, დასდევდნენ დაჭერობანას დროს, თმებს აწიწკნიდნენ, გმირობის ჩადენას ლამობდნენ ბიჭები, კლასში შეყვარებული გოგონას ჩადენილ დანაშაულს (მაგალითად, ყვავილის ქოთნის გატეხვა) თვითონ იბრალებდნენ, ამ გრძნობების გამოხატვის უამრავი საშუალება იყო... ახლა... ვირტუალური სამყარო... ენატრებათ მეგობრები, თვალების შემოცეცება, ნაზი შეხება... ქურთუკის საყელოს გასწორება, შოკოლადის ან წიგნის მიწოდების დროს ხელის ხელთან შეხება, რვეულის ან წიგნის წასართმევად გამოკიდება, დაჭერა და თვალებში გრძნობით ჩახედვა, სუფთა და სპეტაკი... დიახ, ეს ყველაფერი ენატრებათ ბავშვებს, ნიღაბში იმალება გრძნობები, ქვეცნობიერში ილექება ნატვრა და ოცნება... მეშინია, გრძნობათა ატროფია არ დაეწყოთ... როდესაც მშობლებს მათი ნერვული აშლილობის ამ მიზეზებს განვუმარტავ, არ უნდათ აღიარება (მშობლიური ეგოიზმი), მაგრამ დამიჯერეთ ასეა... ნუ გაგიკვირდებათ მათი აფექტურობა, წუწუნი, უხასიათობა... იგიჟეთ თქვენც ხშირად მათთან ერთად, მოუსმინეთ იმ მუსიკას, რასაც უსმენენ, გაუტოლეთ თავი, მოუყევით თქვენი თავგადასავლები, მეტად მოეფერეთ, ოღონდ თანაგრძნობის გარეშე! არასოდეს არ დაამციროთ მოზარდი, არ დაუწუნოთ არჩევანი, „არ აშაყიროთ“ (ეს მათ ყველაზე მეტად არ ესმით და აღიზიანებთ) ნუ აავსებთ შენიშვნებით! მეტი ოპტიმიზმი ხმის ტონში! მეტი იმედი! მეტი დამაჯერებლობა!!! ის, რომ მალე დამთავრდება ეს კოშმარი და ჩვეული რუტინული ყოფა დაიწყება, რომელიც მათია და ენატრებათ, მაგრამ თქვენიც მესმის ჩემო ძვირფასებო, თქვენს ნერვებსაც მოფრთხილება უნდა... თუმცა თქვენს მეხსიერებაში კარგი მომენტებიც ხომ არის, ტკბილად გასახსენებელი, ამათ ცნობიერებას კი ძალიან უჭირს, ძალიან!!! ჯერ პატარები არიან, მათ ახლა უნდათ აწყვეტა, თავისუფლება, გრძნობებთან თამაში, სპორტი, სიმღერა, სწავლა... სამწუხაროდ, სახლებში გამოკეტილები, კოშმარული სიზმრის დასასრულის მოლოდინით ცხოვრობენ და ენატრებათ სილაღე. კიდევ ერთხელ გილოცავთ, განსაკუთრებით ჩემს ბავშვებს და მოზარდებს. ჩვენ დავამარცხებთ ვირუსს და თქვენ გაგათავისუფლებთ სულიერი ტყვეობიდან, დაგიბრუნებთ ბედნიერ ბავშვობას, გპირდებით.

შეიძლება დაინტერესდეთ

რისკ ჯგუფში შემავალმა თვითიზოლაციაში მყოფმა წყვილებმა სექსუალური კავშირისგან თავი უნდა შეიკავონ

რისკ ჯგუფში შემავალმა თვითიზოლაციაში მყოფმა წყვილებმა სექსუალური კავშირისგან თავი უნდა შეიკავონ
კორონავირუსის გავრცელების პარალელურად ადამიანების დიდ ნაწილს რამდენიმე კვირის ან თვის სახლში გატარება უწევს. სოციალური დისტანციის ხანგრძლივად შენარჩუნება კი წყვილებს ერთმანეთთან დროის სასიამოვნოდ გატარების შესაძლებლობას აძლევს. ზოგიერთი ადამიანი თვლის, რომ თვითიზოლაცია სექსუალური ცხოვრების გასაუმჯობესებლად და მოსაწესრიგებლად საუკეთესო შესაძლებლობაა, თუმცა ექსპერტების მტკიცებით, სექსუალური კონტაქტი ვირუსის გავრცელების რისკებს მნიშვნელოვნად ზრდის, რის გამოც წყვილებმა სექსისგან თავი მაქსიმალურად უნდა შეიკავონ.

პროფესორი პოლ ჰანთერი იმ წყვილებს, რომლებიც ცალ-ცალკე ცხოვრობენ, სექსუალურ ურთიერთობებზე უარის თქმისკენ მოუწოდებს. ჰანთერი რისკ ჯგუფში შემავალ ადამიანებს აფრთხილებს და მათ პარტნიორებთან გარკვეული დისტანციის შენარჩუნებას ურჩევს. იმ ადამიანებს, რომლებსაც ბოჰემური ცხოვრება იზიდავთ და პარტნიორებს ხშირად იცვლიან, ექსპერტები თავშეკავებისკენ მოუწოდებენ და ცხოვრების წესის ცვლილებას ურჩევენ.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)


პარტნიორებს შორის რომელიმე მათგანს საეჭვო სიმპტომი თუ აღმოაჩნდა, სექსუალური ურთიერთობა მკაცრად უნდა აიკრძალოს. სიფრთხილის გამოჩენა იმ წყვილებსაც მართებთ, რომლებიც ერთად ცხოვრობენ, რადგან დაინფიცირების რისკი ამ შემთხვევაშიც არსებობს. ვირუსის გავრცელების შესაჩერებლად სოციალური დისტანცირება და თვითიზოლაცია ყველაზე ეფექტურ საშუალებებად არის მიჩნეული, თუმცა იზოლაციაში მყოფმა ადამიანებმა არ იციან, როგორ უნდა იცხოვრონ პარტნიორებთან ერთად და რა წესები უნდა დაიცვან სახლში ყოფნის დროს.

პროფესორ ჰანთერის თქმით, არ არსებობს მტკიცებულება, თუ რა გავლენას ახდენს რეგულარული ვარჯიში გრიპით ან პნევმონიით დაავადებული ადამიანების ცხოვრებაზე, თუმცა, ცნობილია, რომ სექსი მათთვის ნამდვილად არ არის რეკომენდებული. თუ თქვენ გრიპის ან გაციების გარკვეული სიმპტომები აღგენიშნებათ და პარტნიორთან ერთად თვითიზოლაციაში იმყოფებით, სიფრთხილის გამოჩენა გმართებთ, განსაკუთრებით იმ შემთხვევაში, თუ თქვენი მეორე ნახევარი რისკ ჯგუფს მიეკუთვნება, რაიმე სახის ქრონიკული დაავადება აქვს ან ორსულად არის.

წყვილები, რომლებიც მოცემულ რეკომენდაციებს არ ითვალისწინებენ, პარტნიორების ჯანმრთელობას საფრთხეს უქმნიან. თუ თქვენ თვითიზოლაციაში ყოფნის დროს, გაციების ან გრიპის სიმპტომების არსებობის მიუხედავად, თქვენს მეორე ნახევართან სექსუალურ ურთიერთობას მაინც შეინარჩუნებთ, ჰიგიენის აუცილებელი წესების დაცვაზე რეგულარულად უნდა იზრუნოთ. ხშირად დაიბანეთ ხელები საპნითა და თბილი წყლით. არასდროს შეეხოთ თქვენს პარტნიორს სახეზე დაუბანელი ხელით.

სექსის დროს ვირუსის გადადების რისკი მნიშვნელოვნად იზრდება, რადგან პარტნიორები სახით ერთმანეთთან ძალიან ახლოს არიან. კოცნისა და პარტნიორის სახესთან ხელის მიტანის დროს კი ვირუსის გადადება თითქმის გარდაუვალია. თუ თქვენ თავს კარგად გრძნობთ, რისკ ჯგუფს არ მიეკუთვნებით და პარტნიორთან ერთად მკაცრ თვითიზოლაციაში ხართ, დაინფიცირების რისკი მინიმალურია, შესაბამისად, შეგიძლიათ ნორმალური სექსუალური ცხოვრება მშვიდად განაგრძოთ. 

მომზადებულია ​thesun.co.uk-ის მიხედვით
თარგმნა ია ნაროუშვილმა 
წაიკითხეთ სრულად