Baby Bag

„ბავშვების გარეშე სკოლა ოქროდაკარგული დუმილია“ - გია მურღულია

„ბავშვების გარეშე სკოლა ოქროდაკარგული დუმილია“ -  გია მურღულია

ამის შესახებ ფილოლოგი, პედაგოგი გია მურღულია სოციალურ ქსელში წერს.

უბავშვებო სკოლა ძნელი საცქერია. რა თქმა უნდა, პირველ რიგში, უსაფრთხოებაზე უნდა ვიფიქროთ და ეს საკამათო არ არის, მაგრამ... უბრალოდ, ძნელია ასეთი სიცარიელის უემოციო აღქმა. ბავშვების გარეშე სკოლა ოქროდაკარგული დუმილია.

დღეს ეკრანზე ყველა მათგანი ვნახე, მათი ხმა გავიგონე, პასუხები მოვისმინე, რაც დაგეგმილი მქონდა, ვასწავლე, დავალებაც მივეცი, ვისაუბრეთ და გავიღიმეთ კიდეც.

ეს ყველაფერი დისტანციურად მოხდა. რას ვიზამთ - ვირუსმა ჯერ-ჯერობით სხვა გზა არ დაგვიტოვა. რაც გარდაუვალია, იმაზე მოთქმა არ ღირს. გონიერი ადამიანები საქმეს ყოველგვარ ვითარებაში აკეთებენ. ამით განსხვავდებიან ისინი მიზნობრივად მოლაყბეთაგან.

დავამარცხებთ ჩვენ ამ ვირუსს - სკოლა არასდროს არავისთან აგებს ბრძოლას. არ შეიძლება, მომავალი რამეს ვაგლახად დაექვემდებაროს.

ეს ყველაფერი ჩაივლის და საკლასო ოთახებს ჩვენი ბავშვები შეავსებენ - ფიქრით, სიცელქით, კითხვებით, პასუხებით, ძიებით.

მე მათ უკვე ვხედავ აქ.

ამ სიცარიელეს გასაოცარი და მომნუსხველი სისავსე აქვს.

ისინი მაინც აქ არიან.

ვინ არის ნამდვილი მასწავლებელი? - ის არასდროს შებღალავს მოსწავლის (ზოგადად - კაცის) ღირსებ...
ვინ არის ნამდვილი მასწავლებელი? - აღნიშნულის შესახებ სოციალურ ქსელში ​ფილოლოგი, პედაგოგი გია მურღულია პოსტს აქვეყნებს. გთავაზობთ მის ნათქვამს სიტყვა-სიტყვით: 
„რამდენიმე ფრაზა ჩემი მომავალი მოსწავლისთვის... არანაირ ცოდნას არავითარი მნიშვნელობა არ აქ...
ამის შესახებ ფილოლოგი, პედაგოგი გია მურღულია სოციალურ ქსელში წერს.

შეიძლება დაინტერესდეთ

შალვა ნათელაშვილი სკოლებში უფასო ერთჯერადი კვების დამკვიდრებას ითხოვს

შალვა ნათელაშვილი სკოლებში უფასო ერთჯერადი კვების დამკვიდრებას ითხოვს

„ლეიბორისტული პარტიის“ ლიდერი შალვა ნათელაშვილი საქართველოს პარლამენტს ახალი კანონის ინიცირების მოთხოვნით მიმართავს და სკოლებში უფასო ერთჯერადი კვების დამკვიდრებას ითხოვს. 

გთავაზობთ შალვა ნათელაშვილის ნათქვამს სიტყვა-სიტყვით: 

„მე გავუგზავნი პარლამენტის თითოეულ წევრს შესაბამის წერილს, მოთხოვნით გამცენ პასუხი, უახლოეს დღეებში დააყენებენ თუ არა კენჭისყრაზე კანონპროექტს, სკოლებში უფასო ერთჯერადი კვების შესახებ. ეს არ არის მემარცხენე გამოგონება, ევროპის საჯარო სკოლებშიც კი, სადაც საშუალო შემოსავალი 3000 – 5000 ევროა, მაგალითად სკანდინავიაში, სკოლებში ერთჯერადი სავალდებულო საბიუჯეტო კვება არის როგორც წესი უძველესი ტრადიცია, რომლის შეცვლაც კი თავში არ მოუვა არც ერთ ხალხის მოძულე პოლიტიკოსს, თუ რა თქმა უნდა, იქ ასეთი არსებობს.“
წაიკითხეთ სრულად