Baby Bag

„არ იცრები? 8 დეკემბრიდან კოვიდთან დაკავშირებული ხარჯები თვითონ უნდა გადაიხადო,“ - გიორგი ფხაკაძე სინგაპურის მიერ მიღებულ გადაწყვეტილებაზე საუბრობს

„არ იცრები? 8 დეკემბრიდან კოვიდთან დაკავშირებული ხარჯები თვითონ უნდა გადაიხადო,“ - გიორგი ფხაკაძე სინგაპურის მიერ მიღებულ გადაწყვეტილებაზე საუბრობს

პროფესორი გიორგი ფხაკაძე სინგაპურის მიერ მიღებულ გადაწყვეტილებას გამოეხმაურა. მისი თქმით, სინგაპურში 8 დეკემბრიდან აუცრელები კოვიდის სამკურნალო თანხებს თავად გადაიხდიან:

„სინგაპურმა რა გადაწყვეტილება მიიღო? არ იცრები? 8 დეკემბრიდან კოვიდთან დაკავშირებული ხარჯები თვითონ უნდა გადაიხადო. რვა დეკემბრამდე ინებე, წადი და აიცერი. უფასოდ გცრი, უფასოდ გეხმარები. შენ თუ ამბობ, რომ მე არ მინდა, არ გინდა? გახდები ავად, გადაიხადე ფული.“

გიორგი ფხაკაძის თქმით, ის სინგაპურის შესახებ სტატიის დადების გამო სოციალურ ქსელში გააკრიტიკეს:

​როდესაც ეს სტატია დავდე, გამაკრიტიკეს, შენ რას იძახიო?! შენ რომ არ იცრები, თურმე შენი უფლებებია და რომ არ გიმკურნალონ, თურმე შენი უფლებები ირღვევა. ლოგიკა სად არის?! არავაქცინირებულმა უნდა იაროს, გაავრცელოს ვირუსი, მერე თვითონ გახდება ავად და მისი მკურნალობა სახელმწიფოს 20 000 ლარი დაუჯდება.“

„პრაქტიკულად და ფინანსურად ​ერთი არავაქცინირებული ადამიანი 100-150 ათასი ლარი უჯდება სახელმწიფოს. რატომ? იმიტომ, რომ „მე ასე მინდა.“ არამარტო საქართველოში, მთელს მსოფლიოში არიან ასეთი დეგენრატები. არ გეწყინოთ, მაგრამ სხვა სიტყვას ვერ ვნახულობ. „მე, მე, მე“ - გაიძახიან და მერე გვიშველეთ, ექიმები არ გვმკურნალობენო. რა გინდა საავადმყოფოში? აიცერი და არ მოხვდები იქ,“ - განაცხადა გიორგი ფხაკაძემ.

​წყარო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ვინც არიან აცრილები ამ გოგლი-მოგლი ვაქცინებით, ეს ადამიანები უნდა დავიცვათ,“ - გიორგი ფხა...
​პროფესორმა გიორგი ფხაკაძემ ვაქცინაციის თემაზე კიდევ ერთხელ ისაუბრა და აღნიშნა, რომ ქვეყანა ფაიზერით ვაქცინაციაზე უნდა გადავიდეს:„უნდა გადავიდეთ ფაიზერზე. ამასთან დაკავშირებით ორი აზრი არ არსებობს. იმ...

შეიძლება დაინტერესდეთ

პაპილომა ვირუსი ორსულობის დროს

პაპილომა ვირუსი ორსულობის დროს

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. მეან-გინეკოლოგი და ქირურგი ეკა ბუკია ორსულობის დროს პაპილომა ვირუსზე მოგაწვდით კომპეტენტურ ინფორმაციას.

პიპილომა ვირუსი ფართოდ გავცელებული დაავადებაა სქესობრივი გზით გადამდებ დაავადებებს შორის. პაპილომა ვირუსის წინააღმდეგ ვაქცინაცია არ არის რეკომენდირებული ორსულ ქალებში.

რა არის პაპილომა ვირუსი ? ( HPV-ვირუსი)

პაპილომა ვირუსით ინფიცირება ხდება ორალური, ანალური და ვაგინალური სქესობრივი აქტის დროს. არსებობს 150 მდე HPV-ვირუსის ტიპი. უმეტესობა მათგანი უსიმპტომოდ მიმდინარეობს და არ იწვევს არანაირ ჩივილებს. 40-მდე შტამს შეუძლია დააზიანოს სასქესო ორგანოები და გამოიწვიოს შემდეგი ორგანოების წვეტიანი კონდილოები ან კიბო:

  • საშვილოსნოს ყელი
  • საშო
  • ვულვა
  • ასო
  • ანუსი
საშვილოსნოს ყელის კიბოს პრევენციის მიზნით შექმნილია ვაქცინა HPV-ვირუსის საწინააღმდეგოდ, რომელიც გამიზნულია საშვილოსნოს ყელის კიბოს გამომწვევ პაპილომა ვირუსის კონკრეტულ შტამებზე. თუმცა ზემოთ აღნიშნული ვაქცინაცია არ არის რეკომენდირებული უშუალოდ ორსულობის დროს, ვინაიდან პაპილომა ვირუსი ორსულობის დროს არ იწვევს გართულებებს, თუმცა არსებობს იშვიათ შემთხვევები, რომლებზეც ქვემოთ ვისაუბრებთ.
რა სიმტომები ახასიათებს HPV-ვირუსს?

შესაძლებელია არანაირი სიმპტომი არ გაწუხებდეთ. ყველაზე ხშირი სიმპტომია მეჭეჭებისა და წვეტიანი კონდილომების გაჩენა. წვეტიანი კონდილომები ქალებში ჩნდება ვულვაზე, საშოში, საშვილოსნოს ყელზე, ანუსზე. რაც შეეხება მეჭეჭებს, ძირითადად ვითარდება ხელის მტევნებსა და იდაყვებზე.

ავთვისებიანობის გამოსარიცხად ტარდება პაპილომა ვირურის ტიპირება. ავთვისებიანობის შემთხვევაში თავიდან დაავადება მიმდინარეობს უსიმპტომოდ, შემდეგ კი იწყება:

  • ანომალური სისხლდენა საშოდან
  • ჭარბი სისხლიანი გამონადენი საშოდან, რომელიც არ უკავშირდება მენსტრუალურ ციკლს
  • გამონადენი საშოდან, რომელიც შეიცავს სისხლის ნაწილაკებს
  • მტკივნეული სექსუალური აქტი
როგორ ხდება პაპილომა ვირუსის დიაგნოსტირება ორსულობის დროს?

მეან-გინეკოლოგების უმეტესობა არ ატარებს პაპილომა ვირუსის ტესტირებას ორსულობისას, თუ ორსულს არ აღენიშნება წვეტიანი კონდილომები და მეჭეჭები, ან პაპ ტესტის პასუხში არ ფიქსირდება HPV-ვირუსი.

როგორია პაპილომა ვირუსის მკურნალობა ორსულობის დროს?

ამ ეტაპზე პაპილომა ვირუსის სამკურნალო მედიკამენტი არ არსებობს. მკურნალობა მიმართულია მხოლოდ სიმპტომების ალაგებაზე. შესაძლებელია მეჭეჭებისა და კონდილომების მოყინვა თხევადი აზოტით - კრიოდესტრუქცია, ან მოწვა - ელექტროკაუტერიზაცია.

ახდენს თუ არა წვეტიანი კონდილომები გავლენას მშობიარობაზე?

წვეტიანი კონდილომები ძირითადად შემთხვევაში არ ავლენენ გავლენას ფიზიოლოგიურ მშობიარობაზე, თუმცა თუ კონდილომები ორსულობის განმავლობაში იზრდება დიდ ზომებამდე და არის სისხლმდენი, ამ შემთხვევაში შესაძლოა, გადაწყდეს მშობიარობის დასრულება საკეისრო კვეთის გზით.

შესაძლებელია თუ არა პაპილომა ვირუსით ნაყოფის ინფიცირება?

იშვიათ შემთხვევაში შესაძლებელია ნაყოფი დაინფიცირდეს მშობიარობის დროს, უმეტეს შემთხვევაში არანაირი მკურნალობა ახალშობილს არ უტარდება.
რთულ შემთხვევებში წვეტიანი კონდილომები შეიძლება ახალშობილს გაუჩნდეს ხორხზე და სახმო იოგებზე. მკურნალობა მიმართულია წარმონაქმნის ქირურგიულ ამოკვეთაზე.

გისურვებთ ჯანმრთელობას!


წაიკითხეთ სრულად