Baby Bag

„ყველაზე მთავარი, რაც უნდა შეიცვალოს არის რეცეპტისა და დანიშნულების პოლიტიკა,“ - კონკურენციის ეროვნული სააგენტოს თავმჯდომარე ირაკლი ლიქვინაძე

„ყველაზე მთავარი, რაც უნდა შეიცვალოს არის რეცეპტისა და დანიშნულების პოლიტიკა,“ - კონკურენციის ეროვნული სააგენტოს თავმჯდომარე ირაკლი ლიქვინაძე

საქართველოს კონკურენციის ეროვნული სააგენტოს თავმჯდომარემ ირაკლი ლიქვინაძემ ფარმაცევტულ ბაზარზე ახალი წესების დამკვიდრების პროცესის შესახებ ისაუბრა:

„ჩვენს შუალედურ ანგარიშში წარმოდგენილია 11 რეკომენდაცია. ეს მნიშვნელოვნად გააჯანსაღებს, უფრო კონკურენტუნარიანს და გამჭვირვალეს გახდის ფარმაცევტულ ბაზარს. რამდენიმე მნიშვნელოვანი საკითხია. ბაზარზე გვაქვს რამდენიმე კომპანიის დომინანტური მდგომარეობა. მეორე არის ჰოლდინგური სისტემები. ჩვენთან არიან კომპანიები, რომლებსაც იმპორტის დონიდან დაწყებული, საცალო ქსელი, კლინიკები დაზღვევა, მსვილი ჰოლდინგული ჯგუფებია. ჩვენი დაკვირვებით ეს რგოლები უფრო მეტად კომერციული ინტერესის მატარებელია, ვიდრე მომხმარებლისთვის საუკეთესო გადაწყვეტილების მიმცემი. ისინი მომხმარებლებს ძირითადად საკუთარ პროდუქციას სთავაზობენ.“

ირაკლი ლიქვინაძის თქმით, მთავარი პრობლემა არსებული რეცეპტებისა და დანიშნულების პოლიტიკაა:

„ჩვენ ვხედავთ მთავარ პრობლემას და გვგონია, რომ ამ ნაწილის მოწესრიგებით უნდა დავიწყოთ. ეს არის დღეს არსებული რეცეპტისა და დანიშნულების პოლიტიკა. როდესაც ადამიანს დანიშნულებას აძლევენ, ძირითადად არის კონკრეტული მითითება კონკრეტულ მედიკამენტზე, რაც მოქალაქეს არ უტოვებს სხვა არჩევანს. ამ დანიშნულ მედიკამენტს გააჩნია ბევრი ჩამნაცვლებელი მედიკამენტი, რომელიც ფასით განსხვავებულია. პირობითად, ერთი დანიშნული მედიკამენტი თუ არის 50 ლარიანი, შეიძლება მისი ათლარიანი ჩამნაცვლებელი ბაზარზე რეალურად არსებობდეს და ჰქონდეს იგივე სამკურნალო ეფექტი.“

„აქ მნიშვნელოვანია ექიმის მიდგომის საკითხიც. ექიმს უნდა ჰქონდეს გარკვეული მკურნლობის პროტოკოლი და მისი მკურნალობის მეთოდებთან ეს უნდა იყოს თანხვედრაში. ერთ-ერთი ყველაზე მთავარი, რაც უნდა შეიცვალოს არის რეცეპტისა და დანიშნულების პოლიტიკა. ოთხ წელიწადში მხოლოდ ერთი ჯგუფის მედიკამენტიდან სამი კომპანიის მაგალითზე მოქალაქე დაზოგავდა 16 მილიონ ლარს, რომ ჰქონოდა არჩევანის საშუალება. რეცეპტი საქართველოში უნდა იყოს ელექტრონული, რაც უზრუნველყოფს მის გამჭვირვალობას და უზრუნველყოფს მაკონტროლებლის მხრიდან ეფექტურ კონტროლს ამ მხრივ. ეს რეცეპტი არ უნდა იყოს ერთ კონკრეტულ მედიკამენტზე ორიენტირებული. მასში უნდა იყოს რამდენიმე ალტერნატივა,“ - აღნიშნულ საკითხზე ირაკლი ლიქვინაძემ Euronews Georgia-ს ეთერში ისაუბრა.

წყარო:​ Euronews Georgia

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ხანდაზმულ პაციენტს სამ პრეპარატზე მეტი არ უნდა დაენიშნოს,“ - გერიატრი დინარა რამიშვილი
​გერიატრმა დინარა რამიშვილმა ხანდაზმულ ადამიანებში მედიკამენტების მოხმარების წესების შესახებ ისაუბრა. მან აღნიშნა, რომ გარკვეული მედიკამენტები ხანდაზმულებზმა სიფრთხილით უნდა გამოიყენონ:„​არის ისეთი მე...

შეიძლება დაინტერესდეთ

​თავდაპირველად ჩემი ოჯახის წევრები შეეცადნენ, გადაწყვეტილება შემეცვალა - 19 წლის ვალენტინა ელექტროობას სწავლობს

​თავდაპირველად ჩემი ოჯახის წევრები შეეცადნენ, გადაწყვეტილება შემეცვალა - 19 წლის ვალენტინა ელექტროობას სწავლობს

19 წლის ვალენტინა ზიბზიბაძე ფოთში, კოლეჯ „ფაზისში“, პროფესიული საგანმანათლებლო პროგრამის ფარგლებში, ელექტროობას სწავლობს.

„ბაბუა ელექტრიკოსი მყავდა. მამა და ორი ძმაც ელექტრიკოსები არიან, თუმცა თავად არასდროს მეგონა, რომ იგივე პროფესიას ავირჩევდი. მის მიმართ ინტერესი მოგვიანებით აღმოვაჩინე და დღეს ელექტროობა ნამდვილად ის საქმეა, რომელშიც სამომავლოდ საკუთარ თავს ვხედავ.

თავდაპირველად ჩემი ოჯახის წევრები შეეცადნენ, გადაწყვეტილება შემეცვალა. ხვდებოდნენ, ყოველდღე მომიწევდა მტკიცება, რომ ნამდვილად შემიძლია, ნამდვილად გავაკეთებ. სამწუხაროდ, საქართველოში ჯერ კიდევ არ სჯერათ ქალების, რომლებიც სტერეოტიპულად „კაცურ“ პროფესიებს ეუფლებიან. თუმცა, საბოლოოდ ჩემს გადაწყვტილებას დასთანხმდნენ. მართლაც, ბევრისგან იყო კრიტიკა და შენიშვნა, რომ არასწორი ნაბიჯი გადავდგი, მაგრამ ყურადღებას არ ვაქცევდი. თუმცა, იყვნენ ისეთებიც, მხარი რომ დამიჭირეს და გამამხნევეს.

მარტივი არცერთი პროფესია არ არის. მთავარია, გაინტერესებდეს, გიყვარდეს და გინდოდეს, მეტი იცოდე. ყველაზე ძალიან ელექტროობაში ის მომწონს, რომ შემიძლია გავიგო, რა ნაწილი რისგან შედგება, ვინ შექმნა, როდის შეიქმნა და როგორ მივიდნენ ამა თუ იმ გადაწყვეტილებამდე. ახლა კიდევ უფრო მიყვარს ეს საქმე და ვხვდები, რომ უბრალოდ პროფესია კი, ჩემი ცხოვრების ნაწილია".

წაიკითხეთ სრულად