Baby Bag

საქართველოში ინფიცირებული ბავშვების საერთო რაოდენობიდან სტაციონარული მკურნალობა 7 708 ბავშვს დასჭირდა - NCDС-ის ანგარიში

საქართველოში ინფიცირებული ბავშვების საერთო რაოდენობიდან სტაციონარული მკურნალობა 7 708 ბავშვს დასჭირდა - NCDС-ის ანგარიში

დაავადებათა კონტროლისა და პრევენციის ცენტრის მიერ გამოქვეყნებული ანგარიშის თანახმად, საქართველოში 2021 წლის პირველი ოქტომბრის მდგომარეობით, 0-დან 18 წლამდე ინფიცირებული ბავშვების რაოდენობა 90 680 ბავშვი იყო, რაც ინფიცირებულთა მთლიანი რაოდენობის 14,8%-ია.

2020 წელს ათი თვის განმავლობაში კოვიდ 19-ით დაინფიცირდა 23 470 ბავშვი, 2021 წელს 9 თვის მანძილზე კი 67 210 ბავშვი.

ინფიცირებული ბავშვების 51,3% მდედრობითი სქესის იყო, ხოლო 48,7% - მამრობითი.

18 წლამდე ასაკში ინფიცირების ყველაზე მაღალი მაჩვენებლები დაფიქსირდა 2020 წლის ოქტომბერ-დეკემბერში და 2021 წლის ივლისი-სექტემბრის თვეებში.

ინფიცირებულთა საერთო რაოდენობიდან სტაციონარული მკურნალობა ჩაუტარდა 7 708 ბავშვს, რაც ინფიცირებული ბავშვების საერთო რაოდენობის 8,5%-ია, მათ შორის ლეტალური გამოსავალი დაფიქსირდა 8 შემთხვევაში. ჰოსპიტალური ლეტალობა - 0,1%-ია.

წყარო: ​ncdc.ge

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„მთავარი არის ცხელება. უმრავლეს შემთხვევაში დელტა შტამის დროს ბავშვებში არის ჰექტიური ტემ...
​პედიატრმა თემურ მიქელაძემ ბავშვებში დელტა შტამის მიმდინარეობის თავისებურებებზე ისაუბრა. მან აღნიშნა, რომ მომართვიანობამ მოიმატა, თუმცა დელტა შტამს განსაკუთრებით რთული მიმდინარეობა არ ახასიათებს:„ბავშ...

შეიძლება დაინტერესდეთ

,,თუ თქვენ მიჰყევით ყველა პუნქტს პირნათლად, დიდი ალბათობით (90 % !! ), თქვენ დაამარცხეთ კოვიდი'' - როგორია კოვიდის 10 დღე

,,თუ თქვენ მიჰყევით ყველა პუნქტს პირნათლად, დიდი ალბათობით (90 % !! ), თქვენ დაამარცხეთ კოვიდი'' - როგორია კოვიდის 10 დღე
ექიმი სოფიო ბერიძე კორონავირუსთან დაკავშირებით საზოგადოებას სოციალურ ქსელში რეკომენდაციით მიმართავს:

,,ჩემი ხომ გჯერათ?

ნუ ვისაც გჯერათ

კოვიდის 10 დღე

დღე 1 - არ იცით, რომ გაქვთ კოვიდი (იშვიათი გამონაკლისის გარდა)

დღე 2 - გაიგეთ, რომ გაქვთ კოვიდი (ესეც იშვიათია) 

მიიღეთ ბევრი წყალი, იყავით მშვიდად ნერვებს ნუ აიშლით, თუ ექიმი არ გიკავშირდებათ, ჯერ არ გჭირდებათ

დღე 3 - მიიღეთ ბევრი წყალი, იყავით მშვიდად, იმოძრავეთ, ბერეთ ბუშტები

დღე 4 - დალიეთ პარაცეტამოლი/იბუპროფენი მაღალ ტემპერატურაზე, მიიღეთ ბევრი წყალი, იყავით მშვიდად! ნერვებს ნუ აიშლით, თუ ექიმი არ გიკავშირდებათ -მოძებნეთ ნაცნობი ექიმი, თხოვეთ დახმარება/დაკვალიანება, იმოძრავეთ, ბერეთ ბუშტები

დღე 5 - მიიღეთ ბევრი წყალი, იყავით მშვიდად, იმოძრავეთ, ბერეთ ბუშტები, იძინეთ მუცელზე, დღეში ორჯერ გაიზომეთ პულსი და სატურაცია, გაუგზავნეთ ექიმს მონაცემები. დამატებითი მედიკამენტები შეუთანხმეთ ექიმს. ( ნებისმიერს, ვინც მანამდე გიცნობდათ და ენდობით)

დღე 6 - იგივეა, რაც დღე 5 

დღე 7 - თუ აქამდე უსიმპტომო ხართ, გილოცავთ! თქვენ შეგხვდათ კეთილი კოვიდი და სულ რაღაც სამ დღეში დასრულდება

თუმცა:

აუცილებლად შეატყობინეთ ექიმს, თუ თავს გრნობთ სუსტად და ცუდად,

გაქვთ გახშირებული სუნთქვა

მომატებული პულსი

დაბალი სატურაციის ციფრები

თუ ექიმი არ გპასუხობთ 

თუ სასწრაფო არ გპასუხობთ 

მიდით ან მიაყვანინეთ თავი კლინიკაში, ნებისმიერში. ჰიპოქსიის (ჯანგბადის ნაკლებობის) დროს - ყოველი საათი მნიშვნელოვანია❗️ნუ დახარჯავთ მას სასწრაფოს ან ექიმის ლოდინში!!!

დღე 8 - თუ ყველა წინა პუნქტი შესრულებულია

ა) თქვენ პრაქტიკულად დაასრულეთ კოვიდი

ბ) გიგრძელდებათ სიმპტომები, მაგრამ ხართ ყოჩაღად და მარჯვედ

გ) ხართ კლინიკაში - მოეშვით და მიენდეთ ექიმებს დაუჯერეთ მათ და ისუნთქეთ როგორც გასწავლიან 

დაიმახსოვრეთ - შფოთვა ყველაზე დიდი მტერია

დღე 9 - კოვიდი უკან იხევს!

თქვენ ეს შეძელით

თუ ისევ გიტევთ, ესეც დროებითია, თქვენ გაიმარჯვებთ

დღე 10

თუ თქვენ მიყევით ყველა პუნქტს პირნათლად, დიიიიიდი ალბათობით (90 % !! ) თქვენ დაამარცხეთ კოვიდი. გილოცავთ!

თქვენ კი, ვისთანაც ბრძოლა გრძელდება 

კოვიდზე გამარჯვების სიამოვნება ჯერ კიდევ წინ გაქვთ!!!

არ დანებდეთ!

p.s. ინფორმაცია ატარებს სარეკომენდაციო ხასიათს, არსებობს არასტანდარტული მიმდინარეობა და იშვიათი გამონაკლისები.

იშვიათი გამონაკლისები იშვიათია.

გისურვებთ ჯანმრთელობას!'' - აღნიშნავს ექიმი. 


წაიკითხეთ სრულად