ჯანდაცვის მინისტრის მოადგილე თამარ გაბუნია სინოფარმით აცრილებსა და კოვიდგადატანილებისთვის მიღებულ ახალ გადაწყვეტილებაზე საუბრობს. მისი თქმით, ნებისმიერი ვაქცინით შეიძლება ბუსტერ დოზის გაკეთება, გარდა ასტრაზენეკას ვაქცინისა:
,,სინოფარმით აცრილებს შეუძლიათ მესამე დოზა იგივე ვაქცინა გაიკეთონ, თუმცა მათ ასევე აქვთ საშუალება გაიკეთონ ფაიზერის ვაქცინა. რაც შეეხება კოვიდგადატანილ ადამიანს, თუ ისედაც ვაქცინირებული იყო, მისი იმუნიტეტი მყარი უნდა იყოს და ისინი იმ პირველ ჯგუფში არ შედიან, რომლებსაც ბუსტერ დოზა სჭრიდებათ. თუმცა 6 თვის გასვლის შემდეგ, მიზანშეწონილი იქნება, რადგან ჯერჯერობით მყარი დასაბუთება, რომ ანტისხეულები დიდხანს ნარჩუნდება, არ გვაქვს, '' - აღნიშნა თამარ გაბუნიამ.
რაც შეეხება სინოვაკის და სინოფარმის ეფექტურობას, ჯანდაცვის მინისტრის მოადგილის თქმით, ორივე ვაქცინა ეფექტურია, თუმცა გარკვეული დროის შემდეგ, ანტისხეულების ტიტრი იკლებს, ეს დაახლოებით 6 თვეში ხდება.
საქართველოში არსებული ვაქცინა ადამიანებს ორმაგი ინდური მუტაციისგანაც იცავს
ალერგოლოგ-იმუნოლოგი ბიძინა კულუმბეგოვი სოცილიალურ ქსელში ვაქცინის შესახებ პოსტს აქვეყნებს. მისი თქმით, საქართველოში არსებული ვაქცინა კოვიდის ახალი მუტაციისგანაც იცავს ადამიანებს:
,,ინდოეთის უჯრედული და მოლეკულური ბიოლოგიის ცენტრის (CCMB) მონაცემებით ასტრაზენეკა-კოვიშილდი (იგივე ვაქცინა, რაც საქართველოშია) და კოვაქსინი (ინაქტივირებული ინდური ვაქცინა) ორივე იცავს B.1.617 ვარიანტისგან (ორმაგი ინდური მუტაცია)!!!
გთხოვთ, ხელი შეუშალეთ ჭორების გავრცელებას, რომელიც მიზანმიმართულად ხდება მოსახლეობის დასტრესვის მიზნით.
გაავრცელეთ მხოლოდ ასჯერ შემოწმებული და მეცნიერულად დასაბუთებული ინფორმაცია.
აი-ცერი და იყავი კოვიდისგან გამოწვეული სიკვდილით 100%-ით დაცული!'' - აღნიშნავს ბიძინა კულუმბეგოვი.
