Baby Bag

სკოლის აუცრელი თანამშრომლები ყოველ 7 დღეში ერთხელ, ხოლო სრულად ვაქცინირებული თანამშრომლები ორ კვირაში ერთხელ გაიტესტებიან

სკოლის აუცრელი თანამშრომლები ყოველ 7 დღეში ერთხელ, ხოლო სრულად ვაქცინირებული თანამშრომლები ორ კვირაში ერთხელ გაიტესტებიან

სკოლის აუცრელი თანამშრომლები ყოველ 7 დღეში ერთხელ, ხოლო სრულად ვაქცინირებული თანამშრომლები ორ კვირაში ერთხელ გაიტესტებიან - აღნიშნულის შესახებ პრემიერ-მინისტრ ირაკლი ღარიბაშვილის ხელმოწერილ ბრძანებაშია აღნიშნული.

ცვლილება „კორონავირუსით (SARS-CoV-2) გამოწვეულ ინფექციაზე (COVID-19) სავალდებულო ტესტირებას დაქვემდებარებულ პრიორიტეტულ პირთა ნუსხისა და ჩატარების წესის დამტკიცების შესახებ“ საქართველოს მთავრობის 2020 წლის 15 ივნისის​ №975 განკარგულებაში შევიდა: 

„ზოგადსაგანმანათლებლო დაწესებულებებში მომუშავე: 

ა) სრულად (Covid-19-ის საწინააღმდეგო ვაქცინის 2 დოზით) ვაქცინირებული პირები – ყოველ 14 დღეში ერთხელ პჯრ მეთოდით;

ბ) არასრულად ვაქცინირებული (Covid-19-ის საწინააღმდეგო ვაქცინის მხოლოდ 1 დოზით) და/ან აუცრელი პირები – ყოველ 7 დღეში ერთხელ ანტიგენის სწრაფი ტესტით, რომელიც შესაძლებელია, უზრუნველყოფილ იქნეს სკოლის ექიმის და/ან ამ მიზნით სპეციალურად გადამზადებული სხვა პერსონალის მიერ (იმ პირობით, რომ პერსონალის გადამზადება განხორციელდება ეროვნული ცენტრისა და მუნიციპალური სჯდ ცენტრების მიერ, ტესტებითა და საკვლევი ნიმუშის ასაღები მასალებით მომარაგდებიან სახელმწიფო პროგრამის ფარგლებში, ხოლო ჩატარებული ტესტების თაობაზე ინფორმაცია დარეგისტრირდება შესაბამისი სკოლის პერსონალის მიერ ტესტის ჩატარებიდან არაუგვიანეს 24 საათის განმავლობაში).

გამონაკლისს წარმოადგენს ის შემთხვევები, როდესაც არსებობს საქართველოს განათლებისა და მეცნიერების სამინისტროს შუამდგომლობა ტესტირების განხორციელების შეუძლებლობის შესახებ ან დაწესებულებაში მომუშავე პირები სარგებლობენ დისტანციური სწავლების სრულად ელექტრონული მოდელით,'' - აღნიშნულია ბრძანებაში. 


შეიძლება დაინტერესდეთ

„ჩემი ძმაც მომისვეს გვერდით, 37,5 სიცხით და ოდნავი ხველით“ - ზურა ბალანჩივაძის ძმასაც Covid-19 დაუდგინდა

„ჩემი ძმაც მომისვეს გვერდით, 37,5 სიცხით და ოდნავი ხველით“ - ზურა ბალანჩივაძის ძმასაც Covid-19 დაუდგინდა

ტე­ლე­კომ­პა­ნია „იმე­დის“ წამ­ყვანის ზუ­რა ბა­ლან­ჩი­ვა­ძის ძმასაც ახალი კორონავირუსი დაუდასტურდა. ამის შესახებ ტელეწამყვანი სოციალურ ქსელში წერს:

„ესეც ასე, ჩემი ძმაც მომისვეს გვერდით, 37,5 სიცხით და ოდნავი ხველით საღამოს. ფილტვებში ანთება არ აღენიშნება, თუმცა სისხლის საერთო ანალისზში ოდნავი ცვლილებები აქვს და ალბათ მალე დაუწყებენ ანტიბიოტიკის გადასხმას.

​ორივეს დე-დიმერი გვაქვს მომატებული (სისხლის შედედების მაჩვენებელი) და მუცელში დაგვარჭვეს პატარა ნემსი და ის-ის იყო, უნდა მეყვირა, ექთანმა, მორჩაო. მოკლედ, უადვილესი ნემსია. 😊

​მე სიცხე ისევ 37 - 37,2 მაქვს, არადა, დილით არ მქონდა. ცოტა ავნერვიულდი, რაღა დაგიმალოთ. მაგრამ ნუ ჰო, მე-7 დღეა და საყურადღებო სტადიაში ვარ. კიდევ ხვალ და ზეგ და მერე გავლილი მექნება. თუმცა, როცა ამ ყველაფერს უბრალო სიმპტომებად ვუყურებ, ვაცნობიერებ, რომ რეალურად არც-თუ ისე ცუდად ვარ და მაინც წარმავალია ეს კორონა. ასეთნაირი მიდგომა მშველის ნამდვილად.

​ჰო, ზურგზე წოლას მოერიდეთო. მუცელზე ან გვერდულად იძინეთ და პოზებიც შეძლებისდაგვარად მალ-მალე იცვალეთო. თურმე არ ყოფილა ასეთ დროს კარგი ფილტვებზე მთელი სხეულით დაწოლა. დიდად არ მიყვარს მუცელზე წოლა, მაგრამ ახლა ეგ რა მოსატანია.

​საერთო ჯამში, ირაკლიც და მეც შევთანხმდით, რომ თუკი ასე გამოვძვრებით, ჩავთვლით, რომ იღბლიანები ვართ. ისე კი ყველაფერს თავისი პლუსი აქვს: ხელების სანიტაიზერით ხეხვა აღარ გვიწევს. 😃

​აუ, ჰო, ძალიან საყვარელი სანიტრები არიან. ექთნებიც ძალიან ყურადღებიანები - ოღონდ რამე გვთხოვეო. ექიმები ყოველთვის ცდილობენ, გაიგონ რაიმე ახალი ხომ არ გვაწუხებს და თუ რამე, დაუყოვნებლივ დაკავშირებას გვთხოვენ. მოკლედ, კარგად გვივლიან და ალბათ, ახლა ყველაზე სწორ და უსაფრთხო ადგილას ვართ.

​ჯანმრთელობა ყველას!“ - წერს ზურა ბალანჩივაძე.

წაიკითხეთ სრულად