Baby Bag

ზუგდიდისა და ჩხოროწყუს პედაგოგები კოვიდსაწინააღმდეგო ვაქცინით აიცრნენ

ზუგდიდისა და ჩხოროწყუს პედაგოგები კოვიდსაწინააღმდეგო ვაქცინით აიცრნენ

მასწავლებელთა და სკოლის პერსონალის ნებაყოფლობითი იმუნიზაციის პროცესი მთელი ქვეყნის მასშტაბით აქტიურად გრძელდება. ამჯერად ზუგდიდის ევექსის რეფერალურ ჰოსპიტალში ზუგდიდისა და ჩხოროწყუს პედაგოგები აიცრნენ.

,,მნიშვნელოვანია, რომ 13 მაისს, როდესაც მოსწავლეები სასწავლო პროცესს საკლასო ოთახებში დაუბრუნდებიან, მათ უსაფრთხო გარემო დახვდეთ. ამისათვის, მასწავლებლებისა და სკოლის პერსონალის ტესტირებასთან ერთად, თბილისსა და რეგიონებში მათი ვაქცინაციის პროცესიც აქტიურად მიმდინარეობს.

მასწავლებლების იმუნიზაციას განსაკუთრებული მნიშვნელობა აქვს, ვინაიდან მათ დღის განმავლობაში უამრავ მოზარდთან და სასკოლო საზოგადოების სხვა წევრებთან აქვთ შეხება. საჯარო ვაქცინაციით ისინი კოლეგებს მოუწოდებენ, გამოიჩინონ საზოგადოებრივი პასუხისმგებლობა და იმუნიზაციის გზით ხელი შეუწყონ მიმდინარე სემესტრის ბუნებრივ გარემოში – საკლასო ოთახში დასრულებას,'' - აღნიშნავენ განათლების სამინისტროში. 

მასწავლებელთა და სკოლის პერსონალთა ვაქცინაცია ნებაყოფლობითია. მსურველები ინდივიდუალურად რეგისტრირდებიან ჯანდაცვის სამინისტროს პორტალზე, საჭიროების შემთხვევაში კი მათ დახმარებას სკოლის ადმინისტრაცია უწევს.

შეიძლება დაინტერესდეთ

საჯარო სკოლის დირექტორის სერტიფიცირების საგამოცდო პროგრამა დამტკიცდა

საჯარო სკოლის დირექტორის სერტიფიცირების საგამოცდო პროგრამა დამტკიცდა

საჯარო სკოლის დირექტორის შესარჩევი კონკურსის სერტიფიცირების საგამოცდო პროგრამა დამტკიცდა. 

ბრძანების მიხედვით, საგამოცდო ტესტი სამი ნაწილისგან შედგება და ტესტის მაქსიმალური ქულაა 100. 

ტესტის პირველი ნაწილი შეეხება საკანონმდებლო ბაზას და 20-ქულიანია;

მეორე ნაწილი პროფესიული უნარებისგან შედგება და 50-ქულიანია;

მესამე ნაწილი კი ზოგად უნარებს მოიცავს და 30-ქულიანია.

იხილეთ ​საგამოცდო პროგრამა.

შეგახსენებთ, რომ სკოლის დირექტორობის მსურველთა რეგისტრაცია 3 თებერვალს დაიწყო და 17 თებრვლის ჩათვლით ​გაგრძელდებარეგისტრაციის გავლა შესაძლებელია საიტზე www.directors.mes.gov.ge.

წაიკითხეთ სრულად