Baby Bag

ზუგდიდისა და ჩხოროწყუს პედაგოგები კოვიდსაწინააღმდეგო ვაქცინით აიცრნენ

ზუგდიდისა და ჩხოროწყუს პედაგოგები კოვიდსაწინააღმდეგო ვაქცინით აიცრნენ

მასწავლებელთა და სკოლის პერსონალის ნებაყოფლობითი იმუნიზაციის პროცესი მთელი ქვეყნის მასშტაბით აქტიურად გრძელდება. ამჯერად ზუგდიდის ევექსის რეფერალურ ჰოსპიტალში ზუგდიდისა და ჩხოროწყუს პედაგოგები აიცრნენ.

,,მნიშვნელოვანია, რომ 13 მაისს, როდესაც მოსწავლეები სასწავლო პროცესს საკლასო ოთახებში დაუბრუნდებიან, მათ უსაფრთხო გარემო დახვდეთ. ამისათვის, მასწავლებლებისა და სკოლის პერსონალის ტესტირებასთან ერთად, თბილისსა და რეგიონებში მათი ვაქცინაციის პროცესიც აქტიურად მიმდინარეობს.

მასწავლებლების იმუნიზაციას განსაკუთრებული მნიშვნელობა აქვს, ვინაიდან მათ დღის განმავლობაში უამრავ მოზარდთან და სასკოლო საზოგადოების სხვა წევრებთან აქვთ შეხება. საჯარო ვაქცინაციით ისინი კოლეგებს მოუწოდებენ, გამოიჩინონ საზოგადოებრივი პასუხისმგებლობა და იმუნიზაციის გზით ხელი შეუწყონ მიმდინარე სემესტრის ბუნებრივ გარემოში – საკლასო ოთახში დასრულებას,'' - აღნიშნავენ განათლების სამინისტროში. 

მასწავლებელთა და სკოლის პერსონალთა ვაქცინაცია ნებაყოფლობითია. მსურველები ინდივიდუალურად რეგისტრირდებიან ჯანდაცვის სამინისტროს პორტალზე, საჭიროების შემთხვევაში კი მათ დახმარებას სკოლის ადმინისტრაცია უწევს.

შეიძლება დაინტერესდეთ

„გაზაფხულის მოსვლასთან ერთად გრიპის ვირუსი და მათ შორის კორონა ვირუსიც ნელ-ნელა გადაივლის'' - თემურ მიქელაძე

„გაზაფხულის მოსვლასთან ერთად გრიპის ვირუსი და მათ შორის კორონა ვირუსიც ნელ-ნელა გადაივლის'' - თემურ მიქელაძე

პედიატრი თემურ მიქელაძე კორონავირუსთან დაკავშირებით პოსტს სოციალურ ქსელში აქვეყნებს. გთავაზობთ მის ნათქვამს სიტყვა-სიტყვით:

შევეცდები არ გადაგღალოთ!!!

კორონა ვირუსის (COVID19) გავრცელების, გამოჯანმრთელების და სიკვდილიანობის სტატისტიკური მონაცემების შესახებ შეიძლება იხილოთ დაავადებათა კონტროლისა და საზოგადოებრივი ჯანდაცვის ეროვნული ცენტრის(www.ncdc.ge) და მსოფლიო ჯანდაცვის ორგანიზაციის ვებგევრდზე (www.who.int).

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

  • არ აყვეთ პანიკას! ერთ პაციენტთან დადასტურებული და ისიც მსუბუქი შემთხვევა არ იძლევა გავრცელების მაღალი რისკის საშუალებას. 80%-ზე მეტ შემთხვევაში დაავადება მიმდინარეობს მსუბუქი ან საშუალო სიძმიმით. 15-წლამდე ასაკის ბავშვებში გვხვდება დაინფიცირების ერთეული შემთხვევები.
  • დაიცავით ჰიგიენური ნორმები და ცხოვრების ჯანსაღი წესი, ისეთივე როგორც გრიპის და სხვა ვირუსული ინფექციების შემთხვევაში.
  • დროებით თავი შეიკავეთ საზოგადოებრივი თავშეყრის ადგილების, დახურული სივრცეებისა და გასართობი ცენტრებისგან, რადგანაც ჯერ კიდევ ცირკულირებს გრიპის ვირუსიც.
  • პანიკის საფუძველი არ არსებობს. არ არის აუცილებელი საკვები პროდუქტების, განსაკუთრებით მალფუჭებადი პროდუქტების მარაგი, რომელიც შეიძლება იყოს კვებითი ინტოქსიკაციის და ნაწლავური ინფექციების წყარო.
გაზაფხულის მოსვლასთან ერთად გრიპის ვირუსი და მათ შორის კორონა ვირუსიც (COVID19) ნელ-ნელა გადაივლის.
წყარო: www.ncdc.ge www.who.int www.uptodate.com



სოლიდარობა ექიმებს, განსაკუთრებით ინფექციონისტებს და საზღვრის დაცვის თანამშრომლებს!
შიში ვერ იხსნის სიკვდილსა, ცუდია დაღრეჯილობა," - აღნიშნავს თემურ მიქელაძე. 

წაიკითხეთ სრულად