ექიმი რეზიდენტი გიორგი ღოღობერიძე დედის დღესთან დაკავშირებით ემოციურ ვიდეოს აქვეყნებს. „როდესაც ჩვენ ვიბადებით, აღარ ვართ დედის სხეულში, ჩვენ მაინც ვტოვებთ დედის სხეულში რაღაცას და განვაგრძობთ არსებობას მასში“ - აღნიშნავს გიორგი ღოღობერიძე.
„მთელ მსოფლიოში თითქმის ყოველდღიურად კვდება 800 ქალი უშუალოდ ფეხმძიმობის ან მშობიარობის გამო. კვდებიან ფეხმძიმობის ან მშობიარობის დროს დროს არსებული ინფექციების, მაღალი წნევის, სისხლდენების, თრომბოზების გართულების შედეგად. ქალი როდესაც ფეხმძიმდება, საკუთარ სიცოცხლეს აყენებს ძალიან მაღალი რისკის ქვეშ, რომ საბოლო ჯამში გავჩნდეთ - მათი შვილები. დედობა თავიდანვე მაღალი პასუხისმგებლობაა. ისინი სწირავენ საკუთარ სიცოცხლეს, საკუთარ ჯანმრთელობას ფაქტობრივად დებენ სასწორზე, რომ ჩვენ დავიბადოთ, ხომ ხვდებით ეს რამდენად ღირებული მომენტია,“ - დასძინა გიორგი ღოღობერიძემ.
ძალიან ბევრი დედა პურის პატარა ფრაგმენტსაც შვილს მისცემს, რომ შვილი იყოს მაძღარი და კმაყოფილი, თვითონ კი უარს იტყვის, თვითონ იქნება მშიერი. როგორც გიორგი ღოღობერიძე აღნიშავს, ეს თვისება დედებს არა აქვთ შვილის დაბადების შემდეგ, მათ ეს თვისება ჯერ კიდევ დნმ-ში აქვთ, როდესაც ჩვილი ჯერ კიდევ დედის საშვილოსნოშია:
„ქალი, რომელიც ფეხმძიმდება, მისი სხეული, მისი პლაცენტა წარმოქმნის ძალიან სერიოზულ ჰორმონს - პლაცენტის ლაქტოგენს. ეს ჰორმონი დედის სხეულს ართმევს საკვებს, რომ მთელი საკვები დედის უჯრედებმა კი არ მიიღოს, არამედ ნაყოფმა, რომ ნაყოფი გაიზარდოს, იყოს გამოკვებილი,“ - აღნიშნავს ექიმი რეზიდენტი ვიდეო პოსტში.
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
