Baby Bag

,,არასწორი იყო ზოგიერთის შეფასება, რომ კოვიდი მხოლოდ ხანდაზმულების დაავადებაა, ამის გამო ახალგაზრდები ზედმეტად გათამამდნენ და არ იცავდნენ რეგულაციებს''

,,არასწორი იყო ზოგიერთის შეფასება, რომ კოვიდი მხოლოდ ხანდაზმულების დაავადებაა, ამის გამო ახალგაზრდები ზედმეტად გათამამდნენ და არ იცავდნენ რეგულაციებს''

ზოგიერთის შეფასებით, ცუდი პოზიცია იყო, რომ კოვიდი მხოლოდ ხანდაზმულების დაავადებაა. სწორედ ამიტომ საზოგადოების ახალგაზრდა ნაწილი ზედმეტად გათამამდა და არ იცავდა რეგულაციებს, – ამის შესახებ ინფექციური პათოლოგიისა და შიდსის ცენტრის გენერალურმა დირექტორმა, თენგიზ ცერცვაძემ​ საქართველოს პირველ არხს განუცხადა.

მისივე თქმით, „კოვიდ-19“-ისგან გამოწვეული გართულებები საფრთხეს უქმნის როგორც ხანდაზმულებს, ასევე ახალგაზრდებს.

„კონკრეტულად 19 წლის გოგოს გარდაცვალების შემთხვევა ჯერ არ შეგვისწავლია იმიტომ, რომ ეს ჩვენთან არ მომხდარა. დღეს ვაპირებთ ამის გარჩევას. ჩვენ გვესმოდა 32, 34, 36, 15 წლის პაციენტების გარდაცვალების შემთხვევები, ახლა 19 წლის. ზოგადად, ასეთი ტენდენციაა მსოფლიოში, ეს ყოველთვის იყო. ზოგიერთი ამბობდა, ცუდი პოზიცია იყო, რომ კოვიდი მხოლოდ ხანდაზმულების დაავადებაა, ის საფრთხეს არ უქმნის ახალგაზრდებს. ამან ცუდი სამსახური გაუწია საზოგადოებას, რადგან სწორედ ამიტომ საზოგადოების ახალგაზრდა ნაწილი ზედმეტად გათამამდა და არ იცავდა რეგულაციებს და არ ფიქრობდა იმაზე, რომ თვითონ შეიძლება მსუბუქად გადაიტანოს, თუმცა ოჯახში ხანდაზმულ ადამიანებს უქმნის საფრთხეს.

ახლა მარტო ხანდაზმულ ადამიანებზეც არაა საქმე, თვითონ ახალგაზრდებს ექმნებათ საფრთხე. არის კოვიდის გართულებები, გულის უეცარი გაჩერება და სხვა გართულებები, რომელიც საფრთხეს უქმნის როგორც ახალგაზრდებს, ისე ასაკოვნებს. ეს ახალი არ არის, უბრალოდ რადგან ჩვენთან შემთხვევების რაოდენობა გაიზარდა, ასეთ შემთხვევებიც გამოჩნდა, თორემ ეს ყოველთვის იყო.

მაგალითად, ამერიკის ოფიციალური მონაცემებით, ამერიკაში გარდაცვლილთა 20 პროცენტი 60 წელზე ახალგაზრდაა. ჩვენთან ახალგაზრდა ასაკში გარდაცვალება მაინც იშვიათია, ვიდრე უცხოეთში“, – განაცხადა ცერცვაძემ.

მისივე თქმით, საქართველოში ჰოსპიტალის გარეთ კოვიდინფიცირებული მოქალაქეების გარდაცვალების შემთხვევები ცოტაა.

„ძნელად, თუმცა მაინც ვახერხებთ, რომ ავადმყოფი ექიმის გარეშე, ხოლო მძიმე ავადმყოფი ჰოსპიტალიზაციის გარეშე არ დარჩეს. საქართველოში ძალიან ცოტაა ჰოსპიტალის გარეთ გარდაცვალების შემთხვევები. ბინასა და სასტუმროში გარდაცვალების ერთეული შემთხვევებია, 15 შემთხვევაზე მეტი არ იქნება, მაშინ როდესაც უცხოეთში არის ასეული და ათასეული ასეთი შემთხვევა“, – განაცხადა თენგიზ ცერცვაძემ.

შეიძლება დაინტერესდეთ

,,ამ ეტაპზე თავს კარგად ვგრძნობ'' - ეკატერინე ტიკარაძემ იმუნიზაცია საჯაროდ ჩაიტარა

,,ამ ეტაპზე თავს კარგად ვგრძნობ'' - ეკატერინე ტიკარაძემ იმუნიზაცია საჯაროდ ჩაიტარა

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი AstraZeneca-ს ვაქცინით აიცრა. ეკატერინე ტიკარაძემ იმუნიზაცია საჩხერის სამედიცინო ცენტრში საჯაროდ ჩაიტარა.

ჯანდაცვის მინისტრის განცხადებით, ვაქცინაციის პროცესში სამედიცინო პერსონალის ჩართულობა მნიშვნელოვანია.

„მე ვგრძნობ პასუხიმსგებლობას კლინიკაზე, რომლის დირექტორი რამდენიმე წელი ვიყავი და მიმაჩნია, რომ ამ კლინიკის სამედიცინო პერსონალს, როგორც თვითონ კლინიკას, მრავალწლიანი გამოცდილება და სამედიცინო სფეროში მოღვაწეობის ტრადიცია გააჩნია. ვაქცინაციის პროცესში სამედიცინო პერსონალის ჩართულობა არის მნიშვნელოვანი როგორც საქართველოს მოსახლეობისთვის, ასევე ექიმებისა და იმ კლინიკისთვის, სადაც მე ბევრი წელი მაქვს გატარებული. აქ ჩატარებული ვაქცინაცია, ვფიქრობ, იქნებოდა სიმბოლურიც და მოტივის მომცემი. იქნა შევსებული კითხვარი, რომელსაც გავეცი დეტალურად პასუხი, ამ ეტაპზე თავს კარგად ვგრძნობ“ - ამის შესახებ ეკატერინე ტიკარაძემ განაცხადა.
დაემატეთ ჯგუფში - ​„მცოდნე დედების ჯგუფი“​

წაიკითხეთ სრულად