Baby Bag

გიორგი კეკელიძე მოსახლეობას საკუთარი მანქანით მომსახურებას სთავაზობს

გიორგი კეკელიძე მოსახლეობას საკუთარი მანქანით მომსახურებას სთავაზობს
მწერალი გიორგი კეკელიძე სოციალურ ქსელში აქვეყნებს სტატუსს სადაც ის, მოსახლეობას ატყობინებს რომ 27 აპრილამდე, სანამ ავტომობილების შეზღუდვა მოიხსნება, პირადად გაუწევს დახმარებას დღეში ორ ოჯახს, იქნება ეს პროდუქტების მიტანა თუ სხვა განსაკუთრებული საჭიროებები.

გიორგი კეკელიძის სტატუსს უამრავი ადამიანი გამოეხმაურა. მის ფეისბუქ გვერდზე ვკითხულობთ:

„მეგობრებო, ჩემი სამსახურიდან გამომდინარე, მაქვს მანქანის და პირადი საშვი. შესაბამისად, 27 აპრილამდე, დღის განმავლობაში, შემიძლია ორ ოჯახს, სადაც მოხუცი ცხოვრობს, პროდუქტები მივუტანო და შესაბამისი წესით დაცვით, კართან დავუტოვო. ბუნებრივია, ყველას ვერ გავწვდები, მით უფრო, რომ მანქანაში მხოლოდ მარტო ჯდომის უფლება მაქვს. ამიტომ, თუ ვინმეს გეგულებათ განსაკუთრებული საჭიროების მქონე ოჯახი, შემეხმიანეთ.“


ავტორი: ნატო ღვინიაშვილი

შეიძლება დაინტერესდეთ

„გარკვეული შეზღუდვები ისევ დაგვჭირდება, მათ შორის, ზოგიერთ პერიოდში სწავლის დროებით შეჩერება“ - ამირან გამყრელიძე

„გარკვეული შეზღუდვები ისევ დაგვჭირდება, მათ შორის, ზოგიერთ პერიოდში სწავლის დროებით შეჩერება“ - ამირან გამყრელიძე

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით საქართველოს, ზოგიერთ შემთხვევაში, მოუწევს მკაცრი შეზღუდვების გამეორება.

როგორც მან უწყებათაშორისი საკოორდინაციო საბჭოს სხდომის შემდეგ მთავრობის ადმინისტრაციაში გამართულ ბრიფინგზე აღნიშნა, ამ ეპიდემიებს აქვთ ტალღისებური მიმდინარეობა, ზაფხულისკენ შესაძლოა, სიტუაცია სიმშვიდისკენ წავიდეს, მაგრამ მსოფლიო მეცნიერთა უმეტესობა ემხრობა, რომ იქნება მეორე და მესამე ტალღა:

„ჩვენ უნდა ვისწავლოთ თანაცხროვრება კორონავირუსთან ერთად და ეს საკმაოდ დიდხანს დაგვჭირდება. ასევე, დიდხანს დაგვჭირდება გარკვეული რეკომენდაციების დაცვა და ზოგიერთ შემთხვევებში, მკაცრი შეზღუდვების გამეორება. ამ ეპიდემიებს აქვთ ტალღისებური მიმდინარეობა, ზაფხულისკენ შესაძლოა, სიტუაცია სიმშვიდისკენ წავიდეს, მაგრამ მსოფლიო მეცნიერთა უმეტესობა ემხრობა, რომ იქნება მეორე და მესამე ტალღა. ამიტომ ეს მოკლევადიანი შეზღუდვები, მაგალითად, ამა თუ იმ არეალის ჩაკეტვა, იქ სერიოზული ეპიდსაწინააღმდეგო ღონისძიებების ჩატარება, კარანტინების გამოცხადება, ზოგიერთ პერიოდში სწავლის დროებით შეჩერება, ზოგიერთ ქვეყანასთან საზღვრის ან ფრენების ჩაკეტვა და ა.შ. - ეს ჩვენს ქვეყანას დასჭირდება და ყველა ქვეყანა ამას ახორციელებს. ჩვენ გარკვეულწილად წარმატებულები ვართ ამ ეტაპამდე, რომ ვირუსი შევაკავეთ, ფართომასშტაბიანი ეპიდემია ქვეყანაში არ მივიღეთ. ეს მოხდა იმ დროული შემზღუდავი ღონისძიებების და მობილობის შემცირებით, რომელიც ქვეყანამ განახორციელა,“ - განაცხადა ამირან გამყრელიძემ.

წაიკითხეთ სრულად