30 საათის დაბადებულ ახალშობილს კორონავირუსი დაუდგინდა. აღნიშნული ფაქტი ჩინეთში მოხდა. როგორც ცნობილია, დედა კორონავირუსით იყო დაინფიცირებული.
ექიმები ჯერ ვერ ამბობენ, როგორ და როდის მოხდა ბავშვის დაინფიცირება.
უახლესი მონაცემებით, ჩინეთში ახალი კორონავირუსით დაღუპულთა რიცხვი 565-მდე გაიზარდა. გამოჯანმრთელდა 1299 პირი. დაავადებულთა რაოდენობამ 28 ათასს გადააჭარბა.
ინფექციური პათოლოგიისა და შიდსის ცენტრის გენერალური დირექტორი თენგიზ ცერცვაძე კორონავირუსის დროს ანტიბიოტიკების გამოყენებაზე საუბრობს. მისი თქმით, ანტიბიოტიკების მიღება კორონავირუსით გამოწვეული პნევმონიის საწყის ეტაპზე არ არის საჭირო, რადგან არ არის ბაქტერიებთან კავშირში, ეს არის სუფთა ვირუსული პნევმონია უშუალოდ კოვიდის ვირუსით გამოწვეული:
,,საქართველოში განსაკუთრებით უყვართ ანტიბიოტიკების გამოყენება და მასიურად ინიშნება. კოვიდის დროს თუ ადამიანი უსიმპტომოა, მაშინ პნევმონია არა აქვს, მაგრამ თუ საშუალო ან მძიმეა პაციენტია, მათ ყველას აქვთ სხვადასხვა ხარისხით გამოხატული ფილტვების ანთება, რომელიც რენტგენზე ან კომპიუტერულ ტომოგრაფიაზე ფიქსირდება. თუმცა ეს პნევმონია, დასაწყისში მაინც არ არის ბაქტერიებთან კავშირში, ეს არის სუფთა ვირუსული პნევმონია უშუალოდ კოვიდის ვირუსით გამოწვეული. მთავარი პრინციპი ის არის, რომ ამ სტადიაზე ანტიბიოტიკები არ უნდა გაკეთდეს. სწორედ აქ სცოდავს ქართული მედიცინა. როგორც კი პნევმონიას დააფიქსირებენ, ექიმები თავს იზღვევენ და რაც უფრო ნაკლებად გამოცდილია ექიმი, მით უფრო მეტად იზღვევს თავს და ნიშნავს ანტიბიოტიკებს. ანტიობიოტიკები უნდა დაინიშნოს იმ შემთხვევაში, თუ არის დადასტურებული ან მაღალი ალბათობა, რომ პაციენტს განუვითარდა ბაქტერიული ინფექცია,'' - აღნიშნა თენგიზ ცერცვაძემ.
ნახეთ ვიდეო ☝️
წაიკითხეთ სრულად
