Baby Bag

„პისიარის ცდომილების ყველაზე ხშირი მიზეზი არის ნაცხის აღების ტექნიკა და დღე,“- მედიცინის მეცნიერებათა დოქტორი გიორგი კავკასიძე

„პისიარის ცდომილების ყველაზე ხშირი მიზეზი არის ნაცხის აღების ტექნიკა და დღე,“- მედიცინის მეცნიერებათა დოქტორი გიორგი კავკასიძე

მედიცინის მეცნიერებათა დოქტორმა გიორგი კავკასიძემ ომიკრონით ინფიცირების დადგენისას პისიარ ტესტების ცდომილების ალბათობაზე ისაუბრა:

„ვუჰანის შტამთან შედარებით ომიკრონს აქვს 50-ზე მეტი ცვლილება. ეს მუტაციები არის ყველა ცილაში. იმის მიხედვით, რომელი ცილის აღმოსაჩენად იყო ტესტები შექმნილი, ეს სამიზნეები აირია და შეიცვალა. ამიტომ არის, რომ პისიარიც კი შეიძლება შეცდეს. ყველაზე ხშირი მიზეზი პისიარის ცდომილების არის ნაცხის აღების ტექნიკა და დღე.“

გიორგი კავკასიძის თქმით, არ არის მნიშვნელოვანი იმის ზუსტად განსაზღვრა დელტა შტამი გვაქვს თუ ომიკრონი:

​ხალხი კითხულობს: ომიკრონი გვაქვს თუ დელტა? რა მნიშვნელობა აქვს?! საქმე გვაქვს კოვიდ-19-თან. მაღალი რისკის ჯგუფებში ომიკრონი იმავე გართულებებს იწვევს, რასაც იწვევდა დელტა. ანტიგენის სწრაფი ტესტი იცით, რომ ცხვირ-ხახიდან იღება. ომიკრონზე კვლევამ აჩვენა, რომ პირის ღრუში გაცილებით ადრე და გაცილებით დიდი რაოდენობით არის ეს ვირუსი, ვიდრე ცხვირის ღრუში.“

„ბევრმა ქვეყანამ ტაქტიკა შეცვალა. კომერციული ტესტები ყველა გათვლილი იყო ცხვირიდან ნაცხის აღებაზე. მიუხედავად იმისა, რომ ამღები ჩხირი ამისთვისაა, მას მაინც იყენებენ პირის ღრუდან ნაცხის ასაღებად. ორი არედან უნდა აიღო. ჩვენთან, მგონი, უგულებელყოფას უკეთებენ ხახიდან აღებას და მარტო ცხვირიდან იღებენ ნაცხს,“- აღნიშნულ საკითხზე გიორგი კავკასიძემ ტელეკომპანია „იმედის“ გადაცემაში „იმედის დღე“ ისაუბრა.

წყარო:​ „იმედის დღე“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„პაციენტმა, რომელსაც აქვს ომიკრონის სიმპტომატიკა და ანტიგენის სწრაფმა ტესტმა აჩვენა უარყოფ...
​მედიცინის მეცნიერებათა დოქტორმა გიორგი კავკასიძემ ომიკრონის შტამით ინფიცირების დიაგნოსტირების სირთულეებზე ისაუბრა:„ზუსტად იმის გამო, რომ ომიკრონის მოლეკულაში არის ძალიან ბევრი მუტაცია, ამან გაართულა...

შეიძლება დაინტერესდეთ

​ქალთა ფონდი „სოხუმის“ კვლევა - გენდერული ზეგავლენის შეფასების ინსტრუმენტის (GIA) გამოყენებით

​ქალთა ფონდი „სოხუმის“ კვლევა - გენდერული ზეგავლენის შეფასების ინსტრუმენტის (GIA) გამოყენებით

ქალთა ფონდი „სოხუმის“ მიერ გენდერული ზეგავლენის შეფასების ინსტრუმენტის (GIA) გამოყენებით განხორციელდა საინტერესო კვლევა, რომელიც მიზნად ისახავს სკოლამდელი აღზრდისა და განათლების სახელმწიფო სტანდარტის „ოჯახისა და თემის მონაწილეობის“ კომპონენტის სხვადასხვა სამიზნე ჯგუფზე ზეგავლენის შესწავლას. კვლევის პირველად სამიზნე ჯგუფს წარმოადგენდნენ აღსაზრდელები, მაგრამ გამოვლინდა სტანდარტის მოცემული კომპონენტის განსხვავებული ზეგავლენა დედებსა და მამებზე, მშობლების სხვადასხვა კატეგორიაზე (დასაქმებული, მიგრანტი, სსმ და შშმ ბავშვების მშობლები), ასევე სკოლამდელი აღზრდისა და დაწესებულებების პერსონალზე, თემის სხვადასხვა ჯგუფზე, მათ შორის სერვის-პროვაიდერებზე.

განხორციელდა პროგრამის გენდერული ზეგავლენის შეფასება სხვადასხვა ფოკუსით: „ფორმალური და არაფორმალური კომუნიკაციები ადრეული და სკოლამდელი განათლების პროგრამაში მშობლებისა და კანონიერი წარმომადგენლების ჩართვისთვის“; „მშობლების/ბავშვის კანონიერი წარმომადგენლის მონაწილეობა პროგრამით გათვალისწინებულ საქმიანობებში სკოლამდელი დაწესებულებების ფარგლებში და მის გარეთ“; „ოჯახის მხარდაჭერა ბავშვის მრავალმხრივი განვითარების საკითხში“; „თემთან თანამშრომლობის ასპექტები ადრეული და სკოლამდელი განათლების სტანდარტის მიხედვით“.

კვლევის მიგნებებით, პროგრამა ბენეფიციარებს მთლიანობაში განიხილავს, როგორც გენდერულად ნეიტრალურ ჯგუფს. ის ნაკლებად ითვალისწინებს კონკრეტული ჯგუფების (მამები, დასაქმებული დედები, მიგრანტი მშობლები, შშმ - სსმ ბავშვების მშობლები, ეთნიკური უმცირესობები და სხვ.) მონაწილეობის წახალისების ზომებს.

იმის გათვალისწინებით, რომ პროგრამის ბენეფიციარებიარა მხოლოდ განსხვავებული ბიოლოგიური არსებები არიან, არამედ აქვთ სხვადასხვა გამოცდილება, საჭიროებები, სკოლამდელი აღზრდისა და განათლებისსფეროში გენდერულად სამართლიანი მიდგომების დასანერგად მნიშვნელოვანია შეიქმნას შესაბამისი შინაარსი.

პროგრამა წარმატებით ასრულებს თავის მთავარ ამოცანებს და ინდიკატორებს, თუმცა შესაძლებელია მისი კიდევ უფრო გაუმჯობესება და დახვეწა.მნიშვნელოვანია, მისი მიზნები გახდეს კიდევ უფრო მეტად სენსიტიური, უფრო მეტად გაითვალისწინოს კაცებისა და ქალების განსაკუთრებული საჭიროებები, ზოგადი დემოგრაფიული პროფილი, განსხვავებული გამოცდილება, მოლოდინები, საჭიროებები. ჩატარებული შეფასება ცხადყოფს, რომ პროგრამის პირდაპირი და არაპირდაპირი სამიზნე ჯგუფების გარკვეული კატეგორიები შედარებით უფრო მოწყვლადები არიან და ობიექტურ დაბრკოლებებს აწყდებიან, რის გამოც ნაკლებად ხდება მათი ჩართულობა სკოლამდელი აღზრდისა და განათლების სერვისში და, შესაბამისად, ეს მოცემულობა ნეგატიურად აისახება, პირველ რიგში, მათი ოჯახების აღსაზრდელებზე.

კვლევის მიგნებები უჩვენებს, რომ კომპონენტის წვლილი გენდერული თანასწორობის მიღწევაში გაიზრდება, თუინდიკატორებში მეტად იქნება გათვალისწინებული არსებული გენდერული სხვაობები, ბენეფიციარების დემოგრაფიული პროფილი; მოხდება მონაცემთა შეგროვება და ანალიზი (სტანდარტის იმპლემენტაციის მონიტორინგი და შეფასება) და მტკიცებულებებზე დაფუძნებული მიდგომების დანერგვა გენდერული პერსპექტივის და განსხვავებული საჭიროებების გათვალისწინებით.

კვლევის ლინკი https://www.fsokhumi.ge/index.php/ka/publikacia/informatia-zaladobis-tsinaagmdeg/item/15490-2025-02-10-22-19-59

R

წაიკითხეთ სრულად