Baby Bag

„ზღაპრებზე რატომ გადავდივართ?!“ - გიორგი ფხაკაძე გიორგი ღოღობერიძეს დაუპირისპირდა

„ზღაპრებზე რატომ გადავდივართ?!“ - გიორგი ფხაკაძე გიორგი ღოღობერიძეს დაუპირისპირდა

პროფესორმა გიორგი ღოღობერიძემ სოციალურ ქსელში გიორგი ღოღობერიძის ვიდეო გააზიარა, რომელშიც ექიმი ომიკრონის შტამის დამახასიათებელ თვისებებზე საუბრობს და ახალ ვარიანტთან დაკავშირებით დამაიმედებელ ინფორმაციას ავრცელებს. გიორგი ფხაკაძემ გიორგი ღოღობერიძე ვიდეოში გავრცელებული ინფორმაციის გამო გააკრიტიკა და აღნიშნა, რომ ეს ინფორმაცია არის მცდარი:

„არაერთმა ადამიანმა ჩამიგდო ეს ლინკი.

კოვიდი არის გაციება?! პოსტკოვიდი სად არის?

საინტერესოა, მაგრამ ზღაპრებზე რატომ გადავდივართ ?! მოკლედ, რა...

დღეს დაზუსტებით არაფერი ვიცით ამ ვირუსის ახალი შტამის შესახებ. დეტალური ინფორმაცია იქნება 2-3 კვირაში, ისიც ნაწილობრივ, ვაქცინების კუთხით.

გაზიარებული ინფორმაცია არის “misleading”(მცდარი).

იქნებ კლინიკურ საკითხებს მივხედოთ და საზოგადოებრივ ჯანდაცვას ამ ეტაპზე თავი ავარიდოთ.

ყველას გვაქვს ჩვენს (სამედიცინო) სფეროში ლიცენზიები და მივყვეთ ჩვენს დარგს…

ყველა ახალგაზრდა კოლეგის აქტიურობას მივესალმები, მაგრამ სჯობს, ჯერ დაველოდოთ მოვლენების განვითარებას...

ექიმი საუბრობდე პანდემიაზე და არ ახსენო ვაქცინაცია?! ეს, უბრალოდ, ეთიკის საკითხია. სამედიცინო ეთიკა და დაუწერელი სამედიცინო კოდექსი არასდროს არ უნდა დავარღვიოთ.

რეზიდენტებს ბევრი ეპატიებათ, ფაქტობრივად, სტუდენტები არიან, მაგრამ როცა ექიმის ლიცენზიას აიღებ, ეს უკვე პასუხისმგებლობაა. დიდი იმედგაცრუებაა, რაც ახლა ვნახე … იმედია, ვცდები…

P.S.: ახლა დამესევიან ფანკლუბის წევრები …“ -აღნიშნა გიორგი ფხაკაძემ. 

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

უახლესი და კარგი ამბები ომიკრონის შესახებ - გიორგი ღოღობერიძე ახალი შტამის შესახებ პოზიტიუ...
​ექიმი გიორგი ღოღობერიძე ომიკრონის შტამის დამახასიათებელ თვისებებზე საუბრობს და მოსახლეობას პოზიტიურ ინფორმაციას აწვდის:„2022 წლისკენ ჩვენ შეიძლება კოვიდი აღარც ვახსენოთ ისე აქტიურად, როგორც ხდება ხოლ...

შეიძლება დაინტერესდეთ

​სინოვაკით გამომუშავებული ანტისხეულები ყოველ 40 დღეში ნახევრდება

​სინოვაკით გამომუშავებული ანტისხეულები ყოველ 40 დღეში ნახევრდება
პროფესორი გიორგი ფხაკაძე სოციალურ ქსელში საქართველოში ვაქცინაციასთან დაკავშირებით პოსტს აქვეყნებს, რომელსაც MomsEdu.ge უცლელად გთავაზობთ:

,,​სინოვაკით გამომუშავებული ანტისხეულები ყოველ 40 დღეში ნახევრდება.

სინოვაკით სრულად აცრილი ადამიანი ანტისხეულებსა და დაცვას 50%-ით კარგავს ყოველ 40 დღეში.

ორიგინალი შტამის მიმართ ეფექტურობა 60%-70% შეადგენს, მაგრამ ალფა და დელტა ვარიანტებზე პასუხი არ არის.

კვლევამ ასევე აჩვენა, რომ დაცვის დონე 40 წლის ზემოთ ძალიან დაბალი იყო და სინოვაკი შედარებით ეფექტურია 40 წლის ქვემოთ. ასაკოვან ადამიანებში ის ნაკლებად ეფექტურია.

დასკვნა:

ზაფხულში სინოვაკმა თავისი საქმე გააკეთა (ვინაიდან დელტა არ იყო ძაან გავრცელებული), მაგრამ შემოდგომიდან სინოვაკით აცრილებმა ბუსტერი, მესამე დოზა უნდა მოვითხოვოთ (ფაიზერი), იმიტომ, რომ ივნის-ივლისში სინოვაკით აცრილს სექტემბერში დაცვა ექნება თითქმის განულებული.

აუცილებელია, ფაიზერის მესამე დოზა ხელმისაწვდომი გახდეს სინოვაკით სრულად აცრილებისთვის აცრიდან 3 თვის შემდეგ (ბაჰრეინის და სხვების მაგალითზე უნდა ვისწავლოთ),'' - აღნიშნავს გიორგი ფხაკაძე. 

წაიკითხეთ სრულად