3 ინგრედიენტი და სულ რაღაც 3 წუთში რაფაელო ნუცას რეცეპტით მზად არის

რეცეპტები

როგორ მოვამზადოთ ინდაურის საცივი? - რეცეპტი

1 წლის წინ

ინდაურის საცივი მოსამზადებლად საჭირო ინგრედიენტები:

• ინდაური
• ხახვი - 400 გრ.
• ხმელი ქინძი - 1 ს.კ.
• უცხო სუნელი - 1 ს.კ.
• ნიორი - 5 კბილი
• მწარე წიწაკა - 1 ცალი
• ყვითელი ყვავილი - 2 ს.კ.
• ნიგოზი - 500 გრ.
• ღვინის ძმარი
• მარილი

მომზადების წესი:

მოხარშეთ ინდაური, მოხარშულ ინდაურს მოაყარეთ მარილი, შედგით ღუმელში და აცადეთ, სანამ კანი არ გაწითლდება. ინდაურის ბულიონს მოაშორეთ ცხიმი, ამოიღეთ დაახლოებით ერთი ჭიქა და დაასხით ტაფაზე. დაუმატეთ წვრილად დაჭრილი ხახვი და მოშუშეთ. ნიგოგზს დაუმატეთ ხმელი ქინძი, უცხო სუნელი, ზაფრანა, ნიორი, წიწაკა, ცოტა ძმარი და შეაზილეთ ერთმანეთს, რომ ნიგოზს გამოუვიდეს ცხიმი (ზეთი). (ეს ცხიმი ცალკე გადაიტანეთ პატარა ჭიქაში და შეინახეთ). მიღებულ მასას დაუმატეთ ბულიონი და გაცერით საცერში. ადუღეთ დაახლოებით 20-25 წუთი და თან ურიეთ. აღნიშნული მასა გააციეთ. ინდაური დაჭერით ნაჭრებად და ჩაალაგეთ მზა საცივში. სურვილისამებრ ზევიდან მოასხით ნიგოზის ზეთი და მოაყარეთ ბროწეულის მარცვლები.

გემრიელად მიირთვით 

წაიკითხეთ სრულად