რა შეიძლება მოუმზადოთ პატარას სტაფილოთი და ბრინჯით? - ნახეთ უმარტივესი რეცეპტი

რეცეპტები

შესთავაზეთ თქვენს პატარას პასტა ბოსტნეულის სოუსითა და ყველით (10 თვიდან)

5 წლის წინ

პასტა ბოსტნეულის სოუსითა და ყველით თქვენს პატარებს 10 თვიდან შეგიძლიათ გაასინჯოთ. რეცეპტს ცნობილი ბედიატრი თამარ ობგაიძე გვთავაზობს. 

პასტის მოსამზადებლად სპეციალურად ჩვილებისათვის განკუთვნილი პასტა უნდა გამოიყენოთ, მაგალითად, „პლასმონის“ საბავშვო პასტა „კიოჩილინე“ ან „ჯერმინე“.

საჭირო მასალა:

• 1 მწიფე პომიდორი
• ყვავილოვანი კომბოსტოს 1 საშუალო ზომის ყვავილედი
• 1 მცირე ზომის ხახვი
• 1 ძირი გარეცხილი, წვრილად დაჭრილი ოხრახუში
• 1 ჩაის კოვზი ზეითუნის ზეთი
• 30 გრამი უმარილო ყველი
• 100 გრ ჩვილებისათვის განკუთვნილი პასტა (მზა წონა)

სოუსი:

მოხარშეთ ყვავილოვანი კომბოსტო და სტაფილო. პომიდორს გადაავლეთ მდუღარე წყალი და გააცალეთ კანი, დაჭყლიტეთ. კარგად მოშუშეთ ხახვთან ერთად, დაამატეთ ოხრახუში. შეურიეთ მომზადებული დაჭრილი ყვავილოვანი კომბოსტო და სტაფილო. მოთუშული ბოსტნეული დააბლენდერეთ. მზა სოუსს დაუმატეთ 1 ჩაის კოვზი ზეითუნის ზეთი.

აადუღეთ წყალი, ჩაყარეთ საბავშვო პასტა და მოხარშეთ. გაწურეთ, გადმოიღეთ თეფშზე. მოასხით ბოსტნეულის სოუსი.

პედიატრი გვაფრთხილებს, რომ ​პომიდორი ალერგიული პროდუქტია და ალერგიულ ჩვილს არ უნდა შესთავაზოთ. უმი პომიდვრის მიცემა ჩვილისათვის არ შეიძლება.

პასტის მომზადება გატარებული ხორცით ან გახეხილი ყველითაც შეგიძლიათ.

წაიკითხეთ სრულად