პედიატრი თამარ ობგაიძე გემრიელი სადილის რეცეპტს გვთავაზობს 1 წლამდე ასაკის ჩვილისათვის:
ისპანახი სტაფილოთი და ქათმის ხორცით
„მოხარშეთ კუბებად დაჭრილი 100-100 გრამი სტაფილო და ისპანახი. არ დაივიწყოთ, რომ ის უნდა ხარშოთ სულ 5-7 წთ. ქვაბიდან ამოღების შემდეგ ისპანახს გადაავლეთ ცივი წყალი. ბოსტნეულს დაუმატეთ მოხარშული, ხორცსაკეპ მანქანაში გატარებული ხორცი. აქციეთ ერთგვაროვან მასად ბლენდერით და დაამატეთ დედის რძე ან ხელოვნური ნარევი. დაამატეთ 1 ჩაის კოვზი ზეითუნის ზეთი. მიიღებთ გემრიელ და სასარგებლო ხორციან სადილს თქვენი პატარასათვის,“ - წერს პედიატრი.
