Baby Bag

„ორსულს სჭირდება განსაკუთრებულად მოფრთხილება ემოციურად. სამწუხაროა, რომ ხშირად ამას მხედველობაში არ იღებენ,“ - თეა გოგოტიშვილი

„ორსულს სჭირდება განსაკუთრებულად მოფრთხილება ემოციურად. სამწუხაროა, რომ ხშირად ამას მხედველობაში არ იღებენ,“ - თეა გოგოტიშვილი

ფსიქოლოგმა თეა გოგოტიშვილმა ორსული ქალების ემოციური სტაბილურობისა და სიმშვიდის მნიშვნელობაზე ისაუბრა და აღნიშნა, რომ ხშირად ორსული ქალბატონები საკუთარ თავს თავად არ უფრთხილდებიან:

„ორსულს სჭირდება განსაკუთრებულად მოფრთხილება ემოციურად. სამწუხაროა, რომ ხშირ შემთხვევაში საერთოდ ​მხედველობაში არ იღებენ ორსულობას, როგორც სპეციფიკურ მდგომარეობას. შესაძლოა, ხშირად თავად დედები უგულებელყოფდნენ ამის მნიშვნელობას. სამწუხაროდ, ბევრი თამბაქოს მომხმარებელია, რაც კატასტროფულად მოქმედებს ემბრიონზე. ფიზიკურ ჯანმრთელობაზე რომ არაფერი ვთქვათ, ეს მისი ნევროტიზაციის წყაროა. ზოგჯერ სხვა მავნე ნივთიერებების მიღებაზეც კი არ ამბობენ უარს დღევანდელ დღეს არასერიოზული დამოკიდებულების მქონე დედები.“

თეა გოგოტიშვილმა ხაზი გაუსვა მეუღლის როლს ორსული ​ქალბატონისთვის სტაბილური გარემოს შექმნასთან დაკავშირებით:

„მხოლოდ დედის საკითხი არ არის აქტუალური. ბავშვის მამამ, რომელიც არ დაგიდევთ იმას, რომ დედას აწყენინოს, მის ემოციურ მდგომარეობაზე არ იზრუნოს, შეიძლება დედის გულგატეხილობა და მძიმე ემოციური დათრგუნვაც კი გამოიწვიოს. ის საერთოდ არ იღებს თავზე პასუხისმგებლობას, რომ დედის გავლით სწორედ მისი მომავალი ბავშვის ფსიქიკა ზიანდება.“

„დღევანდელ დღეს ძალიან ფართოდ გავრცელებულია მძიმე პრობლემა, რომელსაც ​აუტისტური სპექტრის აშლილობა ჰქვია. სტატისტიკურად სუფთა სახის აუტიზმთან ნაკლებად გვაქვს ხოლმე საქმე. აუტისტური სპექტრის, ანუ გარკვეული აუტისტური გამოვლინებების მქონე ბავშვები ძალიან ხშირად იბადებიან. ამას მხოლოდ ეკოლოგიას და გარკვეულ ფიზიკურ მოვლენებს ვერ დაუკავშირებს ვერცერთი მკვლევარი. უპირველესად პრობლემის მიზეზი არის სწორედაც ემბრიონულ პერიოდში ის ემოციური ფონი, რა ფონზეც ყალიბდება ცხრა თვის განმავლობაში მუცლად მყოფი ბავშვის ფსიქიკა,“ - აღნიშნა თეა გოგოტიშვილმა.

​წყარო

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ყველაფერი ჯანმრთელობაზე

​რა რისკებთანაა დაკავშირებული ორსულობა 35 წლის ზემოთ?
მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. ორსულობა 40 წლის ასაკში - ამჯერად ამ თემაზე მოგაწვდით კომპეტენტურ ინფორმაციას მეან-გინეკოლოგი და ქი...

შეიძლება დაინტერესდეთ

„მიომური კვანძები ძირითადად არ უშლიან ხელს ორსულობის განვითარებას, თუმცა ეს დამოკიდებულია მიომის მდებარეობასა და ზომაზე“ - მეან-გინეკოლოგი და ქირურგი მიომაზე საუბრობს

„მიომური კვანძები ძირითადად არ უშლიან ხელს ორსულობის განვითარებას, თუმცა ეს დამოკიდებულია მიომის მდებარეობასა და ზომაზე“ - მეან-გინეკოლოგი და ქირურგი მიომაზე საუბრობს

დღეს ხუთშაბათია და მედიაპორტალი MomsEdu.ge ტრადიციულ რუბრიკას - მეან-გინეკოლოგის რეკომენდაციებს წარმოგიდგენთ. რა ზეგავლენას ახდენს საშვილოსნოს მიომა ფერტილობაზე? (მწიფე ორგანიზმის მიერ შთამომავლობის რეპროდუქციის უნარი, შვილის ყოლის უნარი) - მეან-გინეკოლოგი და ქირურგი ეკა ბუკია დღეს ამ თემაზე მოგაწვდით კომპეტენტურ ინფორმაციას.

რა არის მიომა?
მიომა ეს არის კეთილთვისებიანი წარმონაქმნი (ჰორმონდამოკიდებული კეთილთვისებიანი სიმსივნე), რომელიც იზრდება საშვილოსნოს ღრუში, ან საშვილოსნოს კუნთში. მიომის კვანძები ზეგავლენას ახდენენ ფერტილობასა და ორსულობაზე. ხშირად მიომა გვხვდება რეპროდუქციულ ასაკში, ასევე 50 წლის ასაკში.
როგორ მოქმედებს მიომური კვანძები ორსულობაზე?
მიომური კვანძები ძირითადად არ უშლიან ხელს ორსულობის განვითარებას, თუმცა ეს დამოკიდებულია მიომის მდებარეობასა და ზომაზე. ყველაზე ხშირი ჩივილი მიომის არსებობისას არის ტკივილი, როდესაც მიომის კვანძის ზომა 5 სმ. და მეტია. ამ ჩივილმა შესაძლოა, თავი იჩინოს მე-2 და მე-3 ტრიმესტრში.
 მიომურმა კვანძებმა შესაძლოა, გამოიწვიოს შემდეგი გართულებები:
  • ნაყოფის ზრდის შეფერხება - როდესაც მიომური კვანძი დიდია და ხელს უშლის ნაყოფის ზრდას, ვინაიდან საშვილოსნოს ღრუში მცირდება მოცულობა, რომელიც საჭიროა ნაყოფის ზრდისთვის.
  • პლაცენტის აცლა
  • ნაადრევი მშობიარობა
  • საკეისრო კვეთის საჭიროება - მცირე ადგილის გამო ნაყოფის მდებარეობა შესაძლოა, იყოს გარდიგარდმო, ამ დროს კი ფიზიოლოგიური მშობიარობა შეუძლებელია.
  • ორსულობის მოშლა
როგორ მოქმედებს ორსულობა მიომურ კვანძებზე?
შესაძლებელია მიომური კვანძი გაიზარდოს ორსულობის დროს. ესტროგენის ზრდამ ორგანიზმში შესაძლოა, გამოიწვიოს მიომური კვანძის ზრდა - ორსულობისას კი იმატებს ესტროგენის დონე.
რა ზეგავლენას ახდენს მიომის კვანძი ფერტილობაზე?
მიომის მდებარეობამ და ზომამ შესაძლოა, ხელი შეუშალოს დაორსულებას. 
სუბმუკოზური მიომა - რომელიც იზრდება უშუალოდ საშვილოსნოს ღრუში შესაძლოა, ხელი შეუშალოს დაორსულებას, ან გამოიწვიოს უკვე არსებული ორსულობის მოშლა.
სუბსეროსული მიომა ფეხზე (რომელიც ვითარდება საშვილოსნოს გარეთა გარსიდან) - ორსულობის დროს შესაძლოა, მოხდეს მიომის ფეხზე შემოგრეხა ან ნეკროზი, რაც საჭიროებს ოპერაციულ ჩარევას უშუალოდ ორსულობის დროს.
როგორ უნდა მოვიქცეთ, თუ ორსულობამდე დიაგნოსტირებულია მიომური კვანძი?
ამ შემთხვევაში ყველაფერი დამოიკიდებულია მიომური კვანძის ადგილმდებარეობასა და ზომაზე. თუ კვანძი არის პატარა, არ წარმოადგენს არანაირ საშიშროებას. თუ არის სუბმუკოზური, სუბსეროზული, დიდი ზომის ან ინტრამურალური კვანძი დიდი ზომის, ამ შემთხვევაში ორსულობის დაგეგმვამდე აუცილებელია ოპერაციული მკურნალობა, რათა მოხდეს ორსულობის დანაკარგებისა და ორსულობის დროს გართულებების თავიდან აცილება.
როგორ ხდება მიომის მკურნალობა უშუალოდ ორსულობის დროს?
ორსულობის დროს მიომის მკურნალობა არ ხდება. მხოლოდ წოლითი რეჟიმი და დაკვირვება დინამიკაში. რთულ შემთხვევებში შესაძლებელია ოპერაციული მკურნალობა (კონსერვატიული მიომექტომია) ორსულობის მე-2 ტრიმესტრში.
როგორია მიომის მკურნალობა ორსულობამდე?

როგორც აღვნიშნეთ, მიომური კვანძების მკურნალობა დამოკიდებულია მიომის ზომასა და ადგილმდებარეობაზე. მცირე ზომის მიომური კვანძების მკურნალობა შესაძლებელია მედიკამენტით. რაც შეეხება ქირურგიულ მკურნალობას, არის რამდენიმე სახის:
  • ლაპაროტომია, კონსერვატიული მიომექტომია (გაჭრით)
  • ლაპაროსკოპია, კონსერვატიული მიომექტომია (ე.წ. უსისხლო ოპერაცია)
  • ჰისტეროსკოპიული მიომექტომია (მხოლოდ სუბმუკოზური მიომის დროს)
  • ასევე კომბინაციაში ჰისტეროსკოპია + ლაპაროსკოპია ან ჰისტეროსკოპია + ლაპაროტომია.
კომბინაციაში ერთდროულად 2 ოპერაცია ტარდება სუმბუკოზური (საშვილოსნოს ღრუში ზრდით არსებობისას) და დიდი ზომის ინტრამურული ან სუბსეროზული კვანძის (კვანძების) არსებობისას.

გარდა ამისა, პაციენტის ასაკის, ჩივილებისა და მიომის ზომებიდან გამომდინარე, შესაძლოა, ჩატარდეს საშვილოსნოს ექსტირპაცია, ძირითადად არარეპროდუქციული ასაკის ქალბატონებში. 

გისურვებთ ჯანმრთელობას!

წაიკითხეთ სრულად