Baby Bag

„არ არის რეკომენდებული, რომ ბავშვმა ატაროს მზის სათვალე ვარდისფერი, ლურჯი ან ცისფერი შეფერილობის ლინზებით,“ - ევგენი კომაროვსკი

„არ არის რეკომენდებული, რომ ბავშვმა ატაროს მზის სათვალე ვარდისფერი, ლურჯი ან ცისფერი შეფერილობის ლინზებით,“ - ევგენი კომაროვსკი

​​პედიატრმა ევგენი კომაროვსკიმსოციალურ ქსელში პოსტი გამოაქვეყნა, რომელშიც მშობლებს აუხსნა, თუ როგორ და რა პრინციპით უნდა შეარჩიონ ბავშვებისთვის მზის სათვალე. მის პოსტს უცვლელად გთავაზობთ:

მზის სათვალეები ბავშვის მხედველობის დასაცავად აუცილებელია. მზის სათვალე თქვენს შვილს მზის ულტრაიისფერი გამოსხივებისგან იცავს, რომლის მიმართაც ათ წლამდე ასაკის ბავშვის თვალს განსაკუთრებით სუსტი გამძლეობა აქვს.

საბავშვო მზის სათვალის შერჩევისას უპირატესობა მიანიჭეთ პლასტმასის ჩარჩოს მქონე მოდელებს, ხოლო ლინზები, სჯობს, პოლიკარბონატის შეარჩიოთ. მსგავსი სათვალეები ნაკლებად სახიფათოა ტრავმის ან დაზიანების მიღების თვალსაზრისით. სათვალეები ბავშვთან ერთად შეარჩიეთ. მნიშვნელოვანია, რომ მასალა ჰიპოალერგიული იყოს. საბავშვო სათვალე უნდა აკმაყოფილებდეს შემდეგ ორ მოთხოვნას: ის უნდა იყოს მსუბუქი და კომფორტული.

საბავშვო სათვალე უმჯობესია ცნობილი ბრენდის იყოს და მითითებული ჰქონდეს, რომ აქვს ულტრაიისფერი გამოსხივებისგან თვალის დაცვის ფუნქცია. საბავშვო სათვალე ბავშვის ასაკის შესაბამისი უნდა იყოს. თორმეტი წლის შემდეგ ბავშვებს შეუძლიათ უფროსებისთვის განკუთვნილი სათვალით ისარგებლონ.

სასურველია, რომ საბავშვო სათვალის ლინზას ნაცრისფერი, ყავისფერი ან მოყვითალო-მოყავისფრო შეფერილობა ჰქონდეს. არ არის რეკომენდებული, რომ ბავშვმა ატაროს სათვალე ვარდისფერი, ლურჯი ან ცისფერი შეფერილობის ლინზებით. აღნიშნული ფერები თვალის გუგის გაფართოებას უწყობს ხელს, რაც ​სათვალის ხანგრძლივად ტარების შემთხვევაში უსაფრთხო არ არის.

საბავშვო მზის სათვალის შეძენამდე აუცილებლად მიაქციეთ ყურადღება, თუ რა ხარისხით იცავს ის თვალს ულტრაიისფერი გამოსხივებისგან. სათვალის დამცველობითი ფუნქცია არ არის დამოკიდებული მინის შეფერილობაზე. არსებობს სპეციალური ფილტრები, რომლებიც თვალს გამოსხივებისგან იცავს. კარგ ფილტრს 99-100 %-იანი დამცველობითი უნარი აქვს. ხშირად და რეგულარულად შეამოწმეთ საბავშვო მზის სათვალის ლინზები. არ შეიძლება, რომ ლინზას რაიმე დაზიანება ან ნაკაწრი ჰქონდეს. დაზიანებული სათვალე დაუყოვნებლივ უნდა გამოცვალოთ. ბავშვის ასაკის მატებასთან ერთად მისი მზის სათვალე ორ წელიწადში ერთხელ მაინც უნდა შეცვალოთ. ბავშვებს სათვალის სწორად მოხმარება, მისი ​მოვლა და გაწმენდა უნდა ასწავლოთ.

​წყარო

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ზაფხულში ბავშვის სრულფასოვნად დასვენების 4 მთავარი პრინციპი - ევგენი კომაროვსკის რეკომენდა...
​​ზაფხულში სრულფასოვანი დასვენებისთვის გარკვეული რეკომენდაციების დაცვაა საჭირო. ცნობილმა პედიატრმა ევგენი კომაროვსკიმ სოციალურ ქსელში ბავშვის იდეალური დასვენებისთვის აუცილებელი პრინციპების ნუსხა...

შეიძლება დაინტერესდეთ

რა არის საძინებელი ოთაᲮის ჰაერის ოპტიმალური ტემპერატურა?

რა არის საძინებელი ოთაᲮის ჰაერის ოპტიმალური ტემპერატურა?
რა არის საძინებელი ოთაᲮის ჰაერის ოპტიმალური ტემპერატურა? - აღნიშნულ თემაზე ექიმი ზაზა თელია წერს. MomsEdu.ge გთავაზობთ მის პოსტს:
,,ოპტიმალური, კარგი ძილისათვის რეკომენდებულია საძინებელი ოთახის ჰაერის ტემპერატურა იყოს 15.5-დან 19.4 °C-მდე.

ძილის ფაზების დროს სხეულის ტემპერატურა ეცემა, ამიტომ ზემოთ აღნიშნული ჰაერის ტემპერატურა ეხმარება სხეულს ტემპერატურის კლებასა და შენარჩუნებაში.

საძინებელ ოთახზე უნდა ვიფიქროთ ერთგვარად როგორც "გამოქვაბულზე" - ის უნდა იყოს გრილი, ბნელი და ჩუმი.

თუ საძინებელში იქნება არაკომფორტული სიცივე ან სიცხე, მეტია გამოღვიძების ალბათობა.

ასევე საძინებელი ოთახის ჰაერის კომფორტული ტემპერატურა ზეგავლენას ახდენს ,,სწრაფი თვალის მოძრაობის" ძილის ფაზაზე (REM Sleep), ეს არის ძილის ფაზა რომელშიც ვხედავთ სიზმრებს.

ბავშვებისა და ჩვილებისთვის საძინებელი ოთახის საუკეთესო ტემპერატურა მცირედ განსხვავდება და ის შეადგენს - 18.3-დან 21°C-მდე,'' - აღნიშნავს ზაზა თელია. 

წაიკითხეთ სრულად