Baby Bag

რატომ უნდა ვასწავლოთ ბავშვს სირთულეებთან დამოუკიდებლად გამკლავება?

რატომ უნდა ვასწავლოთ ბავშვს სირთულეებთან დამოუკიდებლად გამკლავება?

ბავშვის ცხოვრებაში მშობლის ზედმეტი ჩართულობა მას თავდაჯერებას ართმევს და დეპრესიისკენ უბიძგებს. ბავშვები, რომლებზეც მშობლები მეტისმეტად ზრუნავენ, ცხოვრებისეული გამოწვევებისთვის მზად არასდროს არიან. თუ ბავშვს შესაძლებლობას მისცემთ, რომ სირთულეებს თავად გაუმკლავდეთ, ამით მას მრავალმხრივ დაეხმარებით.

  • დამოუკიდებლობა ბავშვს განვითარებაში ეხმარება

ბავშვის ცხოვრებაში რამდენიმე მნიშვნელოვანი ეტაპია, როდესაც მას სირთულეებთან გამკლავება უწევს. ერთ-ერთია ხოხვის დაწყება. იატაკზე ხოხვისას ბავშვის ვესტიბულარული აპარატი ვითარდება, ის კოორდინაციის უნარს ივითარებს და სენსორულ უნარებსაც ხვეწს. გარდა ამისა, ხოხვის დაწყება ბავშვს პრობლემების გადაჭრას ასწავლის, მისი კოგნიტური უნარები კი მნიშვნელოვნად უმჯობესდება. ბავშვი მოძრაობაში არასდროს შეზღუდოთ. მას უსაფრთხო გარემო შეუქმენით და ნება მიეცით თავისუფლად იმოძრაოს.

  • დამოუკიდებელი ბავშვები პრობლემების გადაჭრას სწავლობენ

ბავშვმა აუცილებლად უნდა იცოდეს პრობლემურ ვითარებასთან დამოუკიდებლად გამკლავება. თუ ის გადაწყვეტილების მიღებას მშობლის ჩარევის გარეშე ვერასდროს ახერხებს, მას პრობლემის გადაჭრა გაუჭირდება. შესაძლოა, დამოუკიდებლად გადაწყვეტილებების მიღებისას ბავშვმა ბევრი შეცდომა დაუშვას, რაც აუცილებელია. ბავშვი არამხოლოდ გამარჯვებით, არამედ მარცხითაც სწავლობს.

  • დამოუკიდებლობა ბავშვს ემოციების მართვას ასწავლის

ბავშვმა ასაკის და ვითარების შესაბამისად მოქცევა უნდა ისწავლოს. ერთი წლის ბავშვისთვის გარეგან სტიმულებზე ტირილით რეაგირება სავსებით ბუნებრივია, თუმცა შედარებით მოზრდილი ბავშვები სხვაგვარად უნდა იქცეოდნენ. ბავშვს გარეგან სტიმულებზე განსხვავებული რეაქციის გამომჟღავნება უნდა ასწავლოთ და იმპულსურობა დააძლევინოთ.

  • დამოუკიდებელი ბავშვები გონიერები არიან

ბავშვთან ერთად რთული საშინაო დავალებების მომზადებისას მას უფრო მეტ ზიანს მიაყენებთ, ვიდრე სარგებელს მოუტანთ. თქვენი დახმარებით შესრულებული დავალება თქვენს შვილს უფრო ჭკვიანს არ გახდის. ცუდი ნიშნის მიღება ბავშვს სწავლაში მეტად დაეხმარება. ამგვარად ის მომავალში შეცდომების დაშვებას მოერიდება და გააცნობიერებს, რომ წარუმატებლობა სამყაროს აღსასრულს არ ნიშნავს.

  • დამოუკიდებელი ბავშვი თვითრეგულაციას სწავლობს

წარუმატებლობა ბავშვისთვის ზოგჯერ აუცილებელიც არის. ამ დროს ის სწავლობს როგორ მოიქცეს, როდესაც თავს ცუდად გრძნობს. თუ ბავშვი წარუმატებლობის მიღებას არ ისწავლის, მას შფოთვა და დეპრესია შეაწუხებს. ცხოვრებაში წარუმატებლობა ყველა ადამიანს ხვდება. ბავშვმა უნდა იცოდეს, როგორ მიიღოს მარცხი მშვიდად და გაწონასწორებულად.

  • დამოუკიდებელმა ბავშვმა იცის, რომ სხვისთვის დახმარების თხოვნა მისაღები ქცევაა

ბავშვმა უნდა იცოდეს, რომ როდესაც დახმარება სჭირდება, ახლობელ ადამიანებს მორიდების ან შიშის გარეშე უნდა მიმართოს. შვილის სირთულეებისადმი მშობლის დამოკიდებულება ადეკვატური უნდა იყოს. როდესაც ბავშვი დახმარების თხოვნით მოგმართავთ, მას პოზიტიურად უნდა შეხვდეთ. როდესაც თქვენი შვილის ცხოვრებაში რაიმე სერიოზული ხდება, მას თქვენთან მოსვლის არ უნდა ეშინოდეს.

მომზადებულია ​brightside.me -ს მიხედვით

თარგმნა ია ნაროუშვილმა

არ დაგავიწყდეთ !!!

დაემატეთ ჯგუფში საბავშვო რეცეპტები

10 რამ, რაც მშობელმა ბავშვის ნაცვლად არ უნდა გააკეთოს
​მშობლები შვილებს ხშირად იმაზე მეტად ეხმარებიან, ვიდრე საჭიროა. უფროსებმა ბავშვების ნაცვლად არ უნდა იცხოვრონ. ბავშვი უნდა გაიზარდოს და განვითარდეს, მან დამოუკიდებლობა ადრეული ასაკიდანვე უნდა მოიპოვოს....

შეიძლება დაინტერესდეთ

რამდენი ჩაის კოვზი შაქარია დასაშვები ყოველდღიურად ქალისთვის? - ქეთი ასათიანის რეკომენდაციები

რამდენი ჩაის კოვზი შაქარია დასაშვები ყოველდღიურად ქალისთვის? - ქეთი ასათიანის რეკომენდაციები

ენდოკრინოლოგმა ქეთი ასათიანმა იმ ზიანის შესახებ ისაუბრა, რომელსაც ორგანიზმს ტკბილი გაზიანი სასმელებისა და სწრაფი კვების ობიექტების საკვების მირთმევა აყენებს:

„ე.წ. „ჯანქ“ საკვები დამოკიდებულებას იწვევს. როდესაც გვწყურია და მივირთმევთ არა წყალს, არამედ გაზიან ტკბილ სასმელს, წყურვილის შეგრძნებას ის არ გვიკლავს. მაქსიმალურად გაქვს მოთხოვნილება, რომ კიდევ უფრო მეტი მიირთვა. ეს გამომდინარეობს მისი შემადგენლობიდან. მასში შედის აურაცხელი ოდენობით შაქარი, ისევე როგორც კოფეინი, ეს ქმნის ერთგვარ დამოკიდებულებას.“

ქეთი ასათიანის თქმით, ყოველი ნახევარი ლიტრი ტკბილი გაზიანი სასმელის მიღებისას ჩვენ 12 ჩაის კოვზ შაქარს ვიღებთ:

5​00 მილილიტრი ტკბილი გაზიანი სასმელი 12 ჩაის კოვზ შაქარს შეიცავს. ეს არის ის, რასაც იღებთ თქვენ სითხის სახით. რამდენი ჩაის კოვზი შაქარია დასაშვები ყოველდღიურად ქალისთვის? ქალისთვის დღიური დასაშვები ნორმა არის ექვსი კოვზი. ზაფხულში გაზიან სასმელებს ემატება ნაყინი, ტკბილეული. ამას ემატება ჩაისა და ყავაში გამოყენებული შაქარი, შოკოლადი. ჯამში დღიურად, შესაძლოა, გამოგვივიდეს 22 ჩაის კოვზი შაქრის მიღება.“

„ამერიკის შეერთებულ შტატებში ჩატარდა კვლევა, რომელიც 8 წლის განმავლობაში გრძელდებოდა. აღმოჩნდა, რომ ადამიანებში, რომლებიც კვირაში ორჯერ მიირთმევდნენ კარტოფილ ფრის ორჯერ იყო გაზრდილი ნაადრევი სიკვდილის რისკი. თუ ვართ კარტოფილის მოტრფიალე, შეგვიძლია მივირთვათ გამომცხვარი კარტოფილი. გვერდს ვერ ავუვლით ბურგერსაც. ბურგერში გამოიყენება დამუშავებული ხორცი. დამუშავებული ხორცის მირთმევა ზრდის სხვადასხვა ონკოლოგიური დაავადების რისკებს, ისევე როგორც​ გულ-სისხლძარღვთა დაავადების განვითარების რისკებს. აქედან გამომდინარე, უნდა დავფიქრდეთ, თუ რას მივირთმევთ და რამდენჯერ მივირთმევთ,” - აღნიშნულ საკითხებზე ქეთი ასათიანმა ტელეკომპანია „იმედის“ გადაცემაში „იმედის დღე“ ისაუბრა.

წყარო:​ „იმედის დღე“

წაიკითხეთ სრულად