Baby Bag

„ბავშვებს ნუ ანახებთ თქვენს გადარევას, არ არის ეს ბავშვისთვის კარგი. ნუ ასმენინებთ მათ აგრესიულ ტექსტებს,“ - თამარ გაგოშიძე

ნეიროფსიქოლოგი თამარ გაგოშიძე გადაცემაში „სხვა შუადღე“ ონლაინ სწავლებასთან დაკავშირებული პრობლემების შესახებ საუბრობს და მშობლებს საინტერესო რჩევებს აძლევს:

„ყველა გაღიზიანებულები ვართ. ზაფხული ისეთი იყო, დაგვავიწყდა ეს წყეული კორონა. ბუნებრივია, რომ ყველგან მატებაა. მსოფლიოში ყველგან ასეა, ველოდებოდი, რომ ასე იქნებოდა. ეს არის მოცემულობა. ახლა გინდა ინერვიულე და გინდა, ნუ ინერვიულებ. გინდა იჩხუბე, იყვირე, რაც გინდა ქენი, მაგრამ მოცემულობას ჩვენ ვერ შევცვლით. მე მესმის მშობლებისაც. წარმოიდგინეთ მშობლები, რომლებიც მუშაობენ, განსაკუთრებით პირველ კლასელების მშობლები. შევდივარ მათ მდგომარეობაში. ბავშვები, რომლებიც ელოდებოდნენ სკოლაში წასვლას, ეს ხომ ცხოვრებაში განსაკუთრებული მოვლენაა. უცებ ასეთი საშინელი იმედგაცრუება და ფრუსტრაცია მოვიდა. როდესაც ჩვენ ვართ გაღიზიანებულები, ბავშვებს ხომ კიდევ უფრო ვსტრესავთ. როდესაც მშობელი არის ასეთი გაღიზიანებული, ბავშვს ესმის მისი ტექსტები, რა დამოკიდებულება უნდა ჩამოუყალიბდეს მას სკოლის მიმართ?“

თამარ გაგოშიძის თქმით, ონლაინ სწავლებს უამრავი ემოციური პრობლემა ახლავს თან:

„რა შეიძლება, რომ გავაკეთოთ? მშობლების პოზიციიდან ვამბობ. მე არ ვარ მომხრე ონლაინ სწავლების, მე თვითონ ამის მსხვერპლი ვარ, როგორც უმაღლესი სასწავლებლის მასწავლებელი. ჩემზე კარგად არავინ იცის, რა დამღლელი და გამომფიტავია მასწავლებლისთვის ეს. მასწავლებლები ვცდილობთ ეკრანი დავიჭიროთ, მივიპყროთ ყველა სტუდენტის ყურადღება. ვიღაცებს ფანჯრები დახურული აქვთ, ეს კიდევ უფრო მაგიჟებს, შავ კედელს ელაპარაკები. ძალიან სერიოზული ემოციური პრობლემები ახლავს ამას თან, დაძაბულობა, ენერგიის დახარჯვა. პირველ კლასელისთვის ონლაინ სივრცეში ყველა სახე უნდა ჩანდეს. მას გვერდით აუცილებლად უნდა ჰყავდეს მშობელი. ყველა მშობელი მუშაობს, მე არ ვიცი, როგორ მოახერხებენ ისინი ამ ყველაფერს.“

თამარ გაგოშიძე აღნიშნავს, რომ დაწყებით კლასებში ბავშვებისთვის არავერბალური კომუნიკაცია აუცილებელია:

„პირველ კლასელებისა და დაწყებითი კლასის მოსწავლეებისთვის არავერბალური კომუნიკაცია არის წამყვანი. მათთვის ეს ყველაფერი დიდი დანაკლისია. ამ ასაკის ბავშვებისთვის შინაარსი და ცოდნა მოჰყვება რეალურ ურთიერთობებს, კომუნიკაციას მასწავლებელსა და მოსწავლეებს შორის. ექვსი წლის ბავშვს სჭირდება ფიზიკური კონტაქტი. მან დედა, ახლობელი უნდა ჩაანაცვლოს მასწავლებლით. მასწავლებელმა მისი ნდობა უნდა მოიპოვოს. ეს ხდება ფიზიკურად, სამწუხაროდ, ეს არ ხდება ვირტუალურად.“

„ახლა რეალობა ვირტუალურია, ამიტომ ჩემი რჩევაა, ბავშვებს ნუ ანახებთ თქვენს გადარევას. არ არის ეს ბავშვისთვის კარგი. ნუ ასმენინებთ ბავშვებს აგრესიულ ტექსტებს. რაც შეეხება მასწავლებლებს, მათ კლასში ცოტა ბავშვი უნდა ჰყავდეთ, რომ ყველას სახე იყოს დანახვადი, ყველას ვიდეო უნდა იყოს ჩართული. მასწავლებელს უნდა ჰქონდეს ბავშვებთან არაფორმალური კონტაქტი ონლაინ გაკვეთილის დროს,“ - აცხადებს თამარ გაგოშიძე.

არ დაგავიწყდეთ !!!

დაემატეთ ჯგუფში საბავშვო რეცეპტები

,,ვერც მასწავლებელი, ვერც მშობელი, ვერც ახალგაზრდები ვერ აფიქსირებენ, რომ ისინი ამცირებენ,...
ბავშვის ქცევა სოციუმში - აღიშნულ თემაზე ნეიროფსიქოლოგი თამარ გაგოშიძე საუბრობს. მისი თქმით, ვერც მასწავლებელი, ვერც მშობელი, ვერც ახალგაზრდები ვერ აფიქსირებენ, რომ ისინი ამცირებენ, შეურაცხყო...

შეიძლება დაინტერესდეთ

,,თუ ამ კანონზომიერებას შევხედავთ, ჩვენს ქვეყანაში ნოემბრის ბოლოდან უკვე ახალი ტალღა დაიწყება“-ბიძინა კულუმბეგოვი

,,თუ  ამ კანონზომიერებას შევხედავთ, ჩვენს ქვეყანაში ნოემბრის ბოლოდან უკვე ახალი ტალღა დაიწყება“-ბიძინა კულუმბეგოვი

ალერგოლოგ-იმუნოლოგმა ბიძინა კულუმბეგოვმა მეხუთე ტალღაზე და ვაქცინაციის აუცილებლობაზე ისაუბრა, რომელიც პანდემიის დასრულების ერთადერთი გზაა.

მეხუთე ტალღა, რომელზეც ხშირად ვსაუბრობთ ხოლმე, თავისი კანონზომიერებიდან გამომდინარეობს. პანდემიის დაწყებიდან წელიწად ნახევარზე მეტია გასული და ტენდენციას თუ დავაკვირდებით, დაახლოებით სამი თვის განმავლობაში არის ხოლმე აღმავალი ტალღები, შემდეგი სამი თვე სტაბულურობის პერიოდი და შემდეგ ისევ იწყება. თუ ამ კანონზომიერებას შევხედავთ, ჩვენს ქვეყანაში ნოემბრის ბოლოდან უკვე ახალი ტალღა დაიწყება“

მისი თქმით, ეს კანონზომიერება დაირღვა მხოლოდ იმ ქვეყნებში, სადაც ვაქცინაციის პროცენტული მაჩვენებლი არის მაღალი, ეს შემაკავებელი ფარი მოსახლეობის უდიდეს ნაწილს იცავს, შესაბამისად პანდემიის ამ ტიპის ტალღებზე და დამაზიანებელ მოქმედებაზე არ საუბრობენ.

„დელტა ვარიანტის შემთხვევაში, ტოტალური მოსახლეობის 45%-იც რომ აიცრას, ჩვენ მე-5 ტალღისგან თავს ვერ დავიცავთ“

„ჩვენ ერთი რამ უნდა გვესმოდეს, ინფექციის კონტროლის ყველაზე მნიშვნელოვანი ღონისძიება, ვაქცინაცია გადამწყვეტი მნიშვნელობის არის, რისი ალტერნატივაც არ არსებობს. ამისთვის ყველაფერი უნდა გააკეთოს არა მარტო სახელმწიფომ, არამედ კერძო სექტორმაც, ყველა უნდა დავირაზმოთ“

ალერგოლოგი აღნიშნავს, რომ უდიდესი ნაწილი საზოგადოებისა, რომლებსაც კორონავირუსი აქვთ გადატანილი ვაქცინაციას საჭიროებს, რათა იმუნური მახსოვრობა დროში გახანგრძლივდეს.

წყარო: "სხვა შუადღე"

წაიკითხეთ სრულად