5. ამ მეთოდების დახმარებით თქვენს შვილს პამპერსს სამ დღეში გადააჩვევთ
6.
7. თუ ასეთ წარმონაქმნს საკუთარ ან თქვენი პატარას სხეულზე შეამჩნევთ - ექიმის გაფრთხილება!!!
ცნობილი პედიატრი ევგენი კომაროვსკი სოციალურ ქსელში პოსტს აქვეყნებს, რომელშიც დედების ფსიქიკური წონასწორობის მნიშვნელობაზე საუბრობს. ევგენი კომაროვსკი აღნიშნავს, რომ ოჯახური კონფლიქტების უმთავრეს მიზეზს დედების ზედმეტი გადაღლა და ქრონიკული სტრესი წარმოადგენს. ცნობილი პედიატრის პოსტს უცვლელად გთავაზობთ:
დედების სტრესის უმთავრეს მიზეზს ყოველდღიური, რუტინული საზრუნავით დატვირთვა და საკუთარ თავზე ზრუნვის შეუძლებლობა წარმოადგენს. ნეგატიური ემოციები გროვდება. ეს ყოველივე ბავშვის მშობლებს შორის ურთიერთობის ხარისხზე აისახება. სტრესული გარემო ოჯახის ფუნდამენტს აზიანებს და ბავშვის სიმშვიდესა და უსაფრთხოებასაც ზიანს აყენებს.
დედის ფსიქიკური წონასწორობის შენარჩუნებისთვის ერთი აუცილებელი პირობის დაცვაა საჭირო. დედას აუცილებლად უნდა ჰქონდეს დრო საკუთარ თავზე ზრუნვისთვის. დედამ საკუთარ თავს კვირაში რამდენიმე საათი უნდა დაუთმოს. მამისა და ოჯახის სხვა ზრდასრული წევრების უმთავრეს ამოცანას დედის საჭიროებების დაკმაყოფილება უნდა წარმოადგენდეს. მამამ და ოჯახის სხვა წევრებმა ყველაფერი უნდა გააკეთონ იმისთვის, რომ დედის ბაზისური მოთხოვნილებების დაკმაყოფილება შეძლონ.
თუ ოჯახი შეძლებს და რეგულარულად გამოყოფს დროს დედისთვის, რათა მან საკუთარ თავზე ზრუნვა და საკუთარი მოთხოვნილებების დაკმაყოფილება მოახერხოს, ეს დადებითად იმოქმედებს დედის ემოციურ მდგომარეობასა და შეგრძნებებზე. გარდა იმისა, რომ თავისუფალი დროის გამონახვა დედაზე ახდენს დადებით ზეგავლენას, ის ძალიან კარგად მოქმედებს ბავშვის მშობლების ურთიერთობაზეც.
