ეთიოპიელმა ქალმა ალმაზ დერესემ მშობიარობიდან 30 წუთში გამოცდები ჩააბარა.
21 წლის ალმაზ დერესეს იმედი ჰქონდა, რომ გამოცდებამდე იმშობიარებდა, თუმცა გამოცდები რამადანის გამო გადაიდო.
როგორც თავად აღნიშნავს, მისთვის ორსულობის დროს მეცადინეობა პრობლემა არ ყოფილა და არ სურდა, რომ გამოცდები მომდევნო წლისთვის გადაედო.
„მშობიარობა არ იყო რთული, გამოცდების ჩაბარება ძალიან მეჩქარებოდა,“ - აღნიშნავს ეთიოპიელი გოგონა.
მისი ქმრის ტადეს ტულუს თქმით, სკოლა დაითანხმა, რომ მის ცოლს გამოცდები სამშობიაროში ჩაებარებინა.
ალმაზ დერესი მოხარულია, რომ გამოცდები ჩააბარა და მისი პატარა ბიჭი თავს მშვენივრად გრძნობს.
