არც ერთ ბავშვს ექიმთან ვიზიტი არ სიამოვნებს. ამიტომაც მშობლები ყველაფერს აკეთებენ, რომ პატარასთვის საავადმყოფოში ყოფნა ნაკლებად სტრესული იყოს. იმისთვის, რომ ბავშვმა ექიმთან ვიზიტის შიში დაამარცხოს საავადმყოფოში არსებულ სიტუაციას დიდი მნიშვნელობა აქვს.
კალიფორნიის ერთერთ ჰოსპიტალში ამ პრობლემის მოსაგვარებლად განსაკუთრებულად იზრუნეს და პატარებს საოპერაციოში სათამაშო მანქანებით შესვლის უფლება მისცეს, რაც მათთვის ძალიან სახალისო და სასიამოვნო აღმოჩნდა.
205-ე საჯარო საბავშვო ბაღის დირექტორმა ია პატეიშვილმა იმ მიზეზებზე ისაუბრა, რომლის გამოც ბავშვებს უჭირთ ახალ გარემოსთან ადაპტაცია.
მისი თქმით, სანამ დედა და მამა ბავშვს ბაღში მიიყვანენ, უნდა ესაუბრონ, უთხრან, რომ იქ რომ მივა ძალიან კარგი გარემო და ბევრი ბავშვი დახვდება, რომლებიც მისი მეგობრები გახდებიან, პედაგოგები კი მისი დიდი მეგობრები იქნებიან:
,,რა თქმა უნდა, იქ უნდა დახვდნენ ძალიან კარგი აღმზრდელ-პედაგოგები, რომლებიც სითბოს და სიყვარულს არ დააკლებენ ბავშვს და ყველა პირობას შეუქმნიან, რათა ბავშვი მარტივად ადაპტირდეს,'' - აღნიშნა ია პატეიშვილმა.
წყარო: ,,სხვა შუადღე"
