Baby Bag

ღია კარის დღე - ,,საგაზაფხულო ფესტივალი'' საბავშვო ბაღ ,,ლარდი''- ში

ღია კარის დღე  - ,,საგაზაფხულო ფესტივალი'' საბავშვო ბაღ ,,ლარდი''- ში

საბავშვო ბაღი „ლარდი“- ს სივრცეში 31 მაისს, 14:00 სთზე ტარდება უკვე ტრადიციად ქცეული ღია კარის დღე (​,,საგაზაფხულო ფესტივალი'') განსხვავებულ ფორმატში.

ღონისძიებაზე იგეგმება სხვადასხვა ასაკობრივი ჯგუფისთვის გათვალისწინებული საინტერესო, გასართობი აქტივობები, მათ შორის გამოფენა-გაყიდვა. 

ღონისძიებაში მონაწილეობას მიიღებენ ბაღის პარტნიორი კომპანიები და მოწვეული ორგანიზაციები.

მოეწყობა გათამაშება, რომლის ფარგლებშიც გამარჯვებულებს გადაეცემათ სპონსორების მიერ დაწესებული საჩუქრები.

გამოფენა-გაყიდვაში მონაწილეობის მიიღებენ ქართული კომპანიები. ღონისძიების ფარგლებში შემოსული თანხა მთლიანად მოხმარდება საქველმოქმედო მიზნებს.

,,ლარდი'' ელის ლამაზ და გამორჩეულ სივრცეში ოჯახის ყველა წევრს და მათ, ვისაც სურს ახლოს გაიცნოს, ნახოს საბავშვო ბაღ ,,ლარდის" გამორჩეული ინფრასტრუქტურა, გაეცნოს აღზრდის მეთოდს და უბრალოდ, სასიამოვნოდ გაატაროს დრო.

საბავშვო ბაღი ,,ლარდი'' ყოველთვის ზრუნავს, რომ აქ გატარებული ყოველი წუთი, სასიამოვნო მოგონებად იქცეს თითოეული მონაწილისთვის.

თარიღი: 31 მაისი!
ხანგრძლივობა: 14:00-17:00!
მისამართი: ქვემო ლისი https://maps.app.goo.gl/49RPTp5gDxRQ4qEK6
ტელ: +995599646459

შეიძლება დაინტერესდეთ

რა უნდა ისწავლოს ბავშვმა ოჯახში? - 12 მთავარი მაგალითი, რომელიც შვილმა მშობლისგან უნდა მიიღოს

რა უნდა ისწავლოს ბავშვმა ოჯახში? - 12 მთავარი მაგალითი, რომელიც შვილმა მშობლისგან უნდა მიიღოს

ბავშვები ზრდისა და განვითარების პროცესში უამრავ ჩვევას იძენენ როგორც ფორმალურ სასწავლო გარემოში, ასევე საკუთარი ცხოვრებისეული გამოცდილების შედეგადაც. ყველაზე მნიშვნელოვან გაკვეთილებს ბავშვები ოჯახში იღებენ.

მნიშვნელოვანია, რომ მშობლებმა შვილებს ოჯახში ისეთი მაგალითი მისცენ, რომელიც მათთვის სასარგებლო იქნება. ეცადეთ, თქვენმა შვილმა თქვენგან მხოლოდ კარგი ქცევები შეითვისოს. მაგალითები, რომლებიც ბავშვმა ოჯახისგან უნდა მიიღოს, შემდეგია:

  • ოჯახის წევრებს შორის მუდმივი და გულწრფელი კომუნიკაცია
  • ემოციების გულწრფელად გამოხატვა და საკუთარ განცდებზე გულახდილი საუბრები
  • მადლიერებისა და სოლიდარობის განცდა
  • ოჯახის წევრების მშვიდობიანი და ჰარმონიული თანაცხოვრება
  • ერთობლივი მხიარულება და ხშირი ოჯახური დიალოგები
  • სიკეთე, ალტრუიზმი და ერთმანეთის მხარდაჭერა
  • ოჯახური რუტინა, ორგანიზებულობა და წესრიგი
  • პასუხისმგებლობების გადანაწილება ოჯახის წევრებს შორის
  • ბილწსიტყვაობისგან თავისუფალი მეტყველება
  • ბრაზის მართვა და ემოციური წონასწორობის შენარჩუნება
  • მიზნების დასახვა და მათთვის ბრძოლა
  • სიტყვისა და საქმის შესაბამისობა (მშობელმა არ უნდა თქვას ერთი და არ უნდა გააკეთოს მეორე)

ბავშვები გარშემომყოფების ქცევის იმიტირებას ახდენენ, სწორედ ამიტომ, მნიშვნელოვანია, რომ მშობლები ყოველთვის მათთვის კარგი მაგალითის მიცემაზე ზრუნავდნენ. ბავშვი მშობლის ყველა სიტყვასა და ქმედებას ისრუტავს, რის გამოც ოჯახური გარემო მასზე უდიდეს ზეგავლენას ახდენს. როლური მოდელი, რომელსაც მშობელი შვილს სთავაზობს, ზოგჯერ მისი განვითარებისა და სოციალური უნარების შეძენისთვის საზიანოა. თუ ეთანხმებით მოსაზრებას, რომ ბავშვები მაგალითებით სწავლობენ, მათ აღზრდასა და განვითარებაზე ზრუნვა, პირველ რიგში, სახლიდან დაიწყეთ!

წყარო: ​youaremom.com

წაიკითხეთ სრულად