Baby Bag

„ბავშვს მამა აუგად არ უხსენო, ნუ დაუწყებ მამას ლანძღვას,“- შალვა ამონაშვილი

„ბავშვს მამა აუგად არ უხსენო, ნუ დაუწყებ მამას ლანძღვას,“- შალვა ამონაშვილი

აკადემიკოსმა შალვა ამონაშვილმა მშობლებს ურჩია ბავშვის თანდასწრებით ერთმანეთზე აუგი არ თქვან:

„ნუ დაუწყებთ მამას ლანძღვას. ბავშვს მამა აუგად არ უხსენო. როგორც არ უნდა დაცილებულიყავით, დაცილდით დაცილდით, რა ვქნათ, არ უნდა მომხდარიყო ასე და მოხდა, ხომ?! მტრები რატომ უნდა გახდეთ, როდესაც შვილი საერთო გყავთ?! რაღაც წლები ერთად გაატარეთ, ეს ცხოვრება უნდა ჩავწიხლოთ? არ შეიძლება ასე. იმაში რაღაც კარგი ხომ იყო?! ის დავაფასოთ მეტად. ბავშვს მამაზე აუგი არ უთხრა, რომ მამა ლოთი იყო, ფულს არ გვაძლევდა. ასეთი რაღაცები თუ უთხარით ბავშვს, იმ ტოტს ჭრით, რომელზეც აღზრდაა ჩამოკიდებულებული.“

შალვა ამონაშვილის თქმით, ოჯახის დანგრევის შემთხვევაში, ბავშვი მშობლების პრობლემებით არ უნდა დამძიმდეს:

„ბავშვი მამის სანახავად თუ წავა, მის ახალ ოჯახს ნახავს, მეორე ძმებსა და დებს ნახავს, როგორ, გინებით უნდა გაუშვა, რომ იქ არ შეიყვანოს, არ გააცნოს?! პირიქით, ბავშვს უთხარით: ისინი შენი ძმები და დები არიან, ერთი მამის შვილები ხართ, უნდა გიყვარდეს. ის ქალიც უნდა გიყვარდეს, წაუღე ნამცხვარი. თუ ბავშვის აღზრდა გინდა, ასეა. თუ შენი პირადი განცდებისგან განმუხტვა გინდა, მაშინ იყვირე და იწივლე, არც სახლში შემოუშვა, სიძულვილი ჩაუნერგე ბავშვს მამის მიმართ და რასაც მიიღებ დაინახავ 10 წელიწადში.“

„ძვირფასო მამა, წახვედი? ღმერთმა ბედნიერად გატაროს ცხოვრების გზებზე, ოღონდ აღარ გააუბედურო მეორე ოჯახიც, მესამესკენ არ გაიქცე. იციან ასე წანწალი ზოგიერთმა მამებმა და აუბედურებენ ქალებს. სადღაც უნდა დაუდო გული, რომ კაცად იქცე. თუ ბავშვს წაიყვან სახლში შენთან, არ გააკეთო ბავშვისთვის იმაზე მეტი, რაც შენს ყოფილ მეუღლეს შეუძლია გაუკეთოს. არ გააკეთო ისეთი რამ, რომ, აი, როგორი კარგი ვარ მე და დედა როგორი გყავს, აი, რატომ გამოვიქეცი მე სახლიდან. ამით ბავშვს ცუდ გზაზე დააყენებ. ის გაღიზიანებული მოდის სახლში, რომ მამამ ასეთი რამ უყიდა, დედა კი უკრძალავს ბევრ რამეს. დედა ზრდის შვილს, არ შეუშალო დედას ხელი! ბავშვს რომ დააბრუნებ უკან, თაიგული მიართვი შენს ყოფილ მეუღლეს. შვილი გაგიჩინა, არ ღირს შენს პატივისცემად?! ბავშვს უთხარი, რომ გიყვარს დედა ძალიან, მაგრამ ასე მოხდა. თუ ასე ერთმანეთს დააფასებთ, ბავშვი გაგეზრდებათ ორივეს,“- აღნიშნა შალვა ამონაშვილმა.

წყარო:​ „ამონაშვილის აკადემია“

შეიძლება დაინტერესდეთ

„კოვიდ-19-ის ვირუსის ფონზე აღინიშნა გარკვეული ცვლილებები მამაკაცის რეპროდუქციულ სისტემაში,“ - რეპროდუქტოლოგი ლალი ფხალაძე

„კოვიდ-19-ის ვირუსის ფონზე აღინიშნა გარკვეული ცვლილებები მამაკაცის რეპროდუქციულ სისტემაში,“ - რეპროდუქტოლოგი ლალი ფხალაძე

გინეკოლოგმა, რეპროდუქტოლოგმა ლალი ფხალაძემ კოვიდ-19-ის ვირუსის მამაკაცების რეპროდუქციულ სისტემაზე ზემოქმედების შესახებ ისაუბრა. მან აღნიშნა, რომ კვლევებით მამაკაცების სათესლეებსა და პროსტატაში გარკვეული ცვლილებები გამოვლინდა:

„საინტერესო მონაცემები იქნა მიღებული.​ აღმოჩნდა, რომ ამ ვირუსის ფონზე აღინიშნა გარკვეული ცვლილებები მამაკაცის რეპროდუქციულ სისტემაში. იყო ანთებითი ცვლილებები სათესლეებში, პროსტატაში, ასევე თრომბოზის ნიშნები და გარკვეული ცვლილებები სპერმის პარამეტრებში. რამდენიმე კვლევა არსებობს. ეს ცვლილებები გამოვლინდა უშუალოდ დაავადების მიმდინარეობის და დაავადების გადატანიდან უახლოეს ინტერვალში.“

„ძალიან რთულია დღეს დამაჯერებლად ვისაუბროთ გართულებებზე. ალბათ, ამას წლები დასჭირდება, რომ ჩვენ დავდოთ რეალური დასკვნა. ამ ეტაპზე ჩვენ ისღა დაგვრჩენია, რომ ვისარგებლოთ იმ კვლევებით, იმ მონაცემებით, რაც დღეისთვის არსებობს. ეს კვლევები მუდმივად მიმდინარეობს, მუდმივად ხდება ინფორმაციის განახლება. არსებული მონაცემებით კოვიდ-19 მნიშვნელოვან გავლენას ​მამაკაცის რეპროდუქციულ ფუნქციაზე არ ახდენს. გარკვეული ცვლილებები ჰორმონულ პარამეტრებთან მიმართებაში აღინიშნა, მათ შორის სპერმის პარამეტრებთან მიმართებაშიც,“ - აღნიშნულ საკითხებზე ლალი ფხალაძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად