Baby Bag

„მშობლების საყურადღებოდ: ვაჩვენოთ ბავშვებს საქართველოს ხედები, ვატაროთ მუზეუმში,“- პედიატრი ყარამან ფაღავა

„მშობლების საყურადღებოდ: ვაჩვენოთ ბავშვებს საქართველოს ხედები, ვატაროთ მუზეუმში,“- პედიატრი ყარამან ფაღავა

პედიატრმა ყარამან ფაღავამ კულტურული კოდის განვითარებისა და საქართველოში განათლების დონის ამაღლების მნიშვნელობაზე ისაუბრა:

„ყველაზე მტკივნეული ამბავი არის მიგრაცია. თუ მშიერი კვდები, თუ თავის რეალიზაციას ვერ ახდენ, თუ მოსაკლავად მოგსდევენ, უნდა წახვიდე. ვინც მიდის უცხოეთში, ყველას უნდა შინაგანად დაბრუნება. კულტურული კოდის გაღვივებაა საჭირო. ჩანერგვა, ჩაბეჭვდაა საჭირო.“

ყარამან ფაღავამ მშობლებს ურჩია შვილებს ქართული ლიტერატურა უკეთ გააცნონ:

„ავიღოთ აკაკი წერეთლის გამზრდელი. აკაკის გამზრდელს რომ წაიკითხავს ბავშვი 13-14 წლის ასაკში, სამუდამოდ ჩაიბეჭდება მის ტვინში, რომ მეგობრის ცოლთან საქმის დაჭერა „ვაშინერს.“ ისეთი საშინელებაა, რომ თქმაც არ შეიძლება. „იავნანამ რა ჰქმნა,“ ​„ვეფხისტყაოსნის“ მაქსიმები, იაკობ გოგებაშვილის მოთხრობები - ეს იბეჭდება და იბეჭდება.“

„მშობლების საყურადღებოდ: ვაჩვენოთ ბავშვებს საქართველოს ხედები, ვატაროთ მუზეუმში, მოვასმენინოთ მუსიკალური ჰანგები. ხელოვნება უნდა იყოს შინაარსით ეროვნული და ფორმით იყოს საერთაშორისო. კულტურული კოდი არ არის გაყინული რამ. ამას განვითარება და მხარდაჭერა ესაჭიროება, შრომა უნდა. როგორც კონსტანტინე გამსახურდია ამბობდა, შრომა უდიდესი სიქველეა. როდესაც ამბობენ, რომ ქართველები ზარმაცები არიან, არ ვეთანხმები. როგორ სვეტიცხოველი და კაცხი მონებმა აგვიშენეს?! მეტი, მეტი შრომაა საჭირო, განათლება და ცოდნა აქვს ჩვენებს, მაგრამ შრომის გარეშე ამის ფასი იკარგება,“- აღნიშნულ საკითხზე ყარამან ფაღავამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ჯანმრთელობა თვითრეალიზაციის წინაპირობაა, მაგრამ ეს ცოტაა... სამწუხაროდ, ავიწყდებათ ზნეობრ...
​პედიატრმა ყარამან ფაღავამ პედიატრის როლისა და დანიშნულების შესახებ ისაუბრა:„პედიატრის განათლება მარტო ის კი არ არის, დიაგნოზი როგორ უნდა დასვა. პედიატრის ამოცანა არის, რომ იყოს აღზრდაში პირველი მრჩევ...

შეიძლება დაინტერესდეთ

„არავითარ შემთხვევაში პური არ უნდა იყოს ჩაფხვნილი საკვებში,“ - პედიატრი ინგა მამუჩიშვილი ჩვილ ბავშვთა დამატებითი კვების შესახებ

პედიატრმა ინგა მამუჩიშვილმა ჩვილ ბავშვთა დამატებითი კვების შესახებ საუბრისას ის საკვები პროდუქტები დაასახელა, რომელიც ბავშვს მყარ კვებაზე გადასვლისას უნდა მივცეთ:

„როდესაც ვიწყებთ დამატებით კვებას, ბავშვს უნდა დავუწყოთ ქარხნული წესით დამზადებული ფაფებით კვება. ის ძირითადი ინგრედიენტები, რომელიც დანამატის სახით შედის ბავშვთა კვებაში, გათვლილია პატარას სწორ ფიზიკურ და ფსიქომოტორულ განვითარებაზე. აუცილებლად საკვები უნდა იყოს ისეთი კონსისტენციის, რომ ბავშვი მიეჩვიოს ღეჭვითი რეფლექსების შესრულებას. პირველი ღეჭვითი რეფლექსი ბავშვს 4 თვის ასაკიდან უმუშავდება. ბრუნვითი ღეჭვითი რეფლექსები უვითარდება 12 თვის ასაკიდან. ფაფები უნდა იყოს ისეთი კონსისტენციის, რომ ბავშვმა შეძლოს ის შემოაბრუნოს პირში, დაღეჭოს. ეს აუცილებელია შემდგომში უკვე ბავშვის პირის აპარატის, მისი არტიკულაციის, ღეჭვითი რეფლექსების გამომუშავებისთვის. იმისთვის, რომ  3-4 წლის ასაკამდე ბავშვი არ იყოს მიბმული დაბლენდერებულ საკვებზე. კვება დავუწყოთ კოვზით უსათუოდ და ბავშვი არ იყოს მიჩვეული ბოთლით კვებაზე. ზოგიერთი 3 წლის ასაკამდე ბოთლით კვებავს ბავშვს, იმიტომ, რომ მიაჩვიეს ასე. ბავშვს უბლენდერებენ, უთხელებენ ფაფებს, ოღონდ როგორღაც შეჭამონ. ამას მე ვეძახი ქცევით დევიაციას, რომელსაც მშობლებიც ჩავდივართ, რომ გავიმარტივოთ ცხოვრება. ქართველებს გვაქვს ასეთი პრობლემა, რომ ბავშვმა ოღონდ ჭამოს და რა სახითაც უნდა იმ სახით მიიღოს, ნებისმიერი სახით.

თავდაპირველად ვიწყებთ ბურღულის ფაფით. ყოველთვის დავიცვათ ექიმის რეკომენდაცია, რომელ თვეზე რომელი ახალი საკვები შევიტანოთ ბავშვთა კვებაში. 7 თვის ასაკიდან ჩავრთოთ ხორცი, ხორცის ბულიონი - არავითარ შემთხვევაში! ბავშვს არ აქვს ბულიონის გადამუშავების უნარი და ის ამოღებულია 2 წლის ასაკამდე. პირველ რიგში, ჩავრთოთ ფრინველის ხორცი, ქათმის ხორცი, ხბოს ხორცი. თევზი 8 თვის ასაკიდან შედის ბავშვის რაციონში. კვერცხის შეტანა ხდება 8-9 თვის ასაკიდან. ჩვენ რეკომენდაციას ვუწევთ მწყერის კვერცხს, რომელიც მარტივად მოსანელებელია და ჰიპოალერგიულია. ძროხის ცილა, რომელიც ძალიან ტოქსიურია, ბავშვისთვის ძალიან რთული მოსანელებელია. ძროხის რძე დავიწყოთ ერთი წლის ასაკიდან. 8 თვის ასაკიდან შეიძლება დავიწყოთ პურის გამოყენება. არავითარ შემთხვევაში პური არ უნდა იყოს ჩაფხვნილი საკვებში. პურის გამოყენებას ვიწყებთ იმიტომ, რომ ბავშვმა ღეჭვა ისწავლოს. ბებიები თვლიდნენ, რომ ჩაფხვნილი პურით უკეთ ნაყრდება ბავშვი, მაგრამ დანაყრებაში არ არის საქმე, საქმე სარგებლიანობაშია. რას ვაჩვევთ ბავშვს და რატომ ვაჩვევთ,“- აღნიშნულ საკითხზე ინგა მამუჩიშვილმა რადიო „იმედის“ ეთერში ისაუბრა.

წყარო: ​რადიო „იმედი“ 

წაიკითხეთ სრულად