Baby Bag

„არმანის ტანსაცმელს ჩააცმევთ თუ ლილოში ნაყიდს, ბავშვისთვის ამას მნიშვნელობა არ აქვს... შვილთან ურთიერთობა არის სულიერი ურთიერთობა,“ - დეკანოზი შალვა კეკელია

„არმანის ტანსაცმელს ჩააცმევთ თუ ლილოში ნაყიდს, ბავშვისთვის ამას მნიშვნელობა არ აქვს... შვილთან ურთიერთობა არის სულიერი ურთიერთობა,“ - დეკანოზი შალვა კეკელია

დეკანოზმა შალვა კეკელიამ მშობლების მიერ შვილებთან დაშვებულ შეცდომებზე ისაუბრა, რომელიც ბავშვს ანგრევს:

„დღეს მთელს ერშია მოდებული ეს სენი. დამნაშავეები, ვისაც დიდი დანაშაული აქვს ჩადენილი, უმეტესობა დანგრეული ოჯახების შვილები არიან, დაკომპლექსებული ბავშვები. ის ხედავდა, რომ მისი მეგობარი, კლასელი, ბაღელი საუბრობდა, როგორ უყვარდა დედას და მამას ერთმანეთი. მას ასეთი სიყვარული არ ჰქონია და მისი ბუნება ინგრეოდა ბავშვობიდან.“

მამა შალვა კეკელიამ ერთ-ერთი შემთხვევა გაიხსენა, როდესაც მშობლებისგან ყურადღების დეფიციტის გამო ბავშვს თანატოლებისადმი აგრესია ჰქონდა:

„ერთხელ სკოლაში მქონდა ასეთი შემთხვევა. ვასწავლიდი და იქ იყო მეოთხე კლასელი ბავშვი, რომელიც ყველას სცემდა. დაველაპარაკე ამ ბავშვს. მან მითხრა, რომ ბავშვები სულ მშობლებზე ლაპარაკობდნენ, ის კი სულ ძიძას დაყავდა სკოლაში. მარტო ორ ბავშვს არ სცემდა, ერთ ბავშვს,დედა ჰყავდა გარდაცვლილი, მეორის მშობლები კი გაშორებულები იყვნენ. მისი მშობელი დავიბარე. კითხვები დავუსვი, ვუთხარი ბავშვის მდგომარეობა. მან მითხრა, ​იცით, ჩემი შვილი სად ცხოვრობსო, როგორი სახლი გვაქვსო?! ჯერ ჩემს შვილს საქართველოშიც კი არ დაუსვენია, სულ ინგლისში და იტალიაში ვასვენებო. მე ვუპასუხე: რას გაიგებს თქვენი მეოთხე კლასელი შვილი ინგლისში დაისვენებს თუ ჭოპორტში-მეთქი. არმანის ტანსაცმელს ჩააცმევთ თუ ლილოში ნაყიდს, ბავშვისთვის ამას მნიშვნელობა არ აქვს. ჩემს შვილს სამი ძიძა ემსახურება და ამდენ ფულს ვიხდი აღზრაშიო, დედამ მითხრა.“

„მას ჰგონია, რომ თუ გადაუხდის თავის შვილს, კარგ შარვალს უყიდის, კარგად ჩააცმევს, ეს ჰგონია აღზრდა. ეს არ არის ყველაფერი. შვილთან ურთიერთობა არის სულიერი ურთიერთობა. ჯერ ეს მშობლებს არ ესმით. ბევრი ადამიანი ოჯახს ქმნის მოუმზადებლად. დედას ცალკე შეხედულებები აქვს, მამას ცალკე. კი ავალდებულებენ ბავშვს, რომ გაკვეთილები მოამზადოს, შეიძლება ამიტომ დაუყვირონ, ეჩხუბონ, მაგრამ შედეგად რა იქნება, ამას არავინ არ ითვალისწინებს,“- აღნიშნულ საკითხზე მამა შალვამ მედია-კავშირი „ობიექტივის“ ეთერში ისაუბრა.

წყარო: ​მედია-კავშირი „ობიექტივი“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ჩემს შვილებს რომ საჭმელი აქვს და სხვისი შვილი რომ მშიერია, ეს რომ მტკივა და ვერ ვისვენებ,...
​დეკანოზმა შალვა კეკელიამ ადამიანებში შურისა და სხვისი სიხარულის გაზიარების სირთულეებზე ისაუბრა. მან აღნიშნა, რომ შური სიხარულს ახლავს თან, ტკივილს კი - არა:„ტკივილს, განსაცდელს შური თან არ ახლავს. შე...

შეიძლება დაინტერესდეთ

„მკაცრად უნდა გავაჟღეროთ, რომ ვაქცინა არ არის ექსპერიმენტული,“ - პედიატრი თემურ მიქელაძე

„მკაცრად უნდა გავაჟღეროთ, რომ ვაქცინა არ არის ექსპერიმენტული,“ - პედიატრი თემურ მიქელაძე

პედიატრმა თემურ მიქელაძემ კოვიდ-19-თან ბრძოლაში ვაქცინების მაღალი ეფექტიანობის შესახებ ისაუბრა და მსოფლიო პრაქტიკიდან მიღებული მონაცემები გაგვაცნო:

„მსოფლიო პრაქტიკა ასეთია, რომ 95 %-ზე მეტი აცრილი ადამიანი არც ჰოსპიტალში ხვდება და არც ლეტალობის შემთხვევები არ არის. ეს არის რეალობა, რამდენიც უნდა ვისაუბროთ ჩვენ ​ვაქცინა არის ავტორიზებული, პრეკვალიფიცირებული თუ ა.შ. მკაცრად უნდა გავაჟღეროთ, რომ ვაქცინა არ არის ექსპერიმენტული.“

თემურ მიქელაძის თქმით, ექსპერიმენტული ვაქცინები მხოლოდ ცხოველებზე კეთდება:

„ექსპერიმენტული ვაქცინა ადამიანებზე არ კეთდება. ექსპერიმენტული ვაქცინა კეთდება ცხოველებზე. ​ჩვენ გვაქვს მსოფლიოს მკაცრი მარეგულირებლების მიერ ავტორიზებული ვაქცინა. მსოფლიო ჯანდაცვის ორგანიზაცია, ევროპის წამლის სააგენტო, ამერიკის FDA საკმაოდ მკაცრი მარეგულირებლებია.“

„ბავშვებს რაც შეეხება, ​კონკრეტულად ერთი ადამიანი არ ინფიცირდება. ირგვლივ ინფიცირებული უნდა იყოს ან მომვლელი, ან უნდა იყოს ინფიცირებულ სხვა ბავშვთან კონტაქტი. ამით ვახდენთ დიფერენცირებას, ბავშვს რა ტიპის ვირუსი აქვს. ახლა გავრცელებულია სეზონური ინფექციებიც, რომლებიც აბსოლუტურად მსგავსია კორონავირუსული ინფექციების. ისევე როგორც ნებისმიერი სხვა, რინოვირუსული იქნება თუ ადენოვირუსული ინფექციები, საკმაოდ ძნელი სადიფერენციოა. ჩემთან მოსული პაციენტების 15-20 %-ს კორონავირუსული ინფექცია აქვს,“ - აღნიშნულ საკითხებზე თემურ მიქელაძემ ტელეკომპანია „მთავარი არხის“ გადაცემაში „შენი დილა“ ისაუბრა.

წყარო: ​„შენი დილა“

წაიკითხეთ სრულად