Baby Bag

მე-5 და მე-7 კლასებში გადასული მოსწავლეებისთვის საცდელი ტესტირება ჩატარდება

მე-5 და მე-7 კლასებში გადასული მოსწავლეებისთვის საცდელი ტესტირება ჩატარდება

შეფასებისა და გამოცდების ეროვნული ცენტრის ორგანიზებით 12-16 ოქტომბერს ჩატარდება საცდელი ტესტირება მე-5 და მე-7 კლასებში გადასული მოსწავლეების ცოდნისა და უნარების შესაფასებლად. მასში მონაწილეობის სურვილის შემთხვევაში სკოლები უნდა დაუკავშირდნენ შეფასებისა და გამოცდების ეროვნულ ცენტრს არაუგვიანეს 30 სექტემბრისა.

პროექტი (,,შეფასება განვითარებისთვის“) მიზნად ისახავს მეოთხეკლასელთა და მეექვსეკლასელთა მიღწევების შეფასებას ქართულსა და მათემატიკაში. პირველ ოთხ კლასში მიღწეული შედეგები მე-5 კლასის დასაწყისში შეფასდება, პირველი ექვსი კლასის მანძილზე მიღწეული წარმატებები კი - მე-7 კლასელების ტესტირების შედეგად.
დიაგნოსტიკური შეფასება დაეხმარება სკოლებს შესაბამისად დაგეგმონ ახალი სასწავლო წელი. საცდელი ტესტირების შედეგები ასევე გამოყენებული იქნება ელექტრონული პლატფორმისა და ტესტირების ფორმატის დასახვეწად იმისათვის, რომ ის მაქსიმალურად იყოს მორგებული სკოლის საჭიროებებზე.

ტესტირება მთლიანად ელექტრონული პროგრამით ჩატარდება: მოსწავლეები ელექტრონულად შეასრულებენ ტესტურ დავალებებს, შეფასების შედეგებს კი ასევე ელექტრონულად მიიღებენ.

შეფასების შედეგები წარმოდგენილი იქნება, როგორც თითოეული მოსწავლის დონეზე, ასევე კლასის დონეზეც. მოსწავლეებს საშუალება ექნებათ სახლიდან ან სკოლის კომპიუტერული ლაბორატორიებიდან ჩაერთონ შეფასების პროცესში.

პროექტზე „შეფასება განვითარებისათვის“ მუშაობა 2019 წელს დაიწყო. შეფასების ელექტრონული პლატფორმის დახმარებით ჩატარდება მეოთხე და მეექვსეკლასელი მოსწავლეების რეგისტრაცია და ტესტირება. შედეგები დაეხმარება მოსწავლეებსა და მშობლებს, თვალი ადევნონ სასწავლო პროცესის მანძილზე მიღწეულ პროგრესს და მიიღონ ინფორმაცია კონკრეტული პრობლემების შესახებ. ეს პროექტი სკოლას შესაძლებლობას მისცემს დააკვირდეს სწავლა-სწავლების ტენდენციებს, როგორც ცალკეული კლასის, ასევე ზოგადად, სკოლის დონეზე. გასათვალისწინებელია, რომ მიღებული შეფასება მოსწავლის წლიურ შეფასებაზე არ აისახება.

2020 წლის დასაწყისში ჩატარდა ცალკეული დავალებების აპრობაცია, ახლა კი მიმდინარეობს პროექტის ელექტრონული პლატფორმის გამოცდა.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფ​ი“)

შეიძლება დაინტერესდეთ

პრაქტიკოსი პედაგოგებისთვის ტრენინგი, რომელიც კრედიტქულების მოპოვებაში დაგეხმარებათ

პრაქტიკოსი პედაგოგებისთვის ტრენინგი, რომელიც კრედიტქულების მოპოვებაში დაგეხმარებათ

საერთაშორისო განათლების, კულტურისა და ხელოვნების კვლევითი ინსტიტუტი პარტნიორ ორგანიზაციებთან - ზუგდიდისა და ცაიშის ეპარქიასთან არსებულ სასულიერო ცენტრთან და ტრენინგ ცენტრ „ცოდნასთან“ ერთად პრაქტიკოსი მასწავლებლებისთვის ონლაინ ტრენინგებს აგრძელებს. 

კვლევითი ინსტიტუტის წარმომადგენლების თქმით, პედაგოგებს აღნიშნული კურსი 4 კრედიტის მოპოვებაში დაეხმარებათ:

,,ტრენინგები მასწავლებლების წარმატებული საქმიანობისა და პროფესიული ზრდისთვის აუცილებელია. ჩვენ, საერთაშორისო განათლების, კულტურისა და ხელოვნების კვლევითი ინსტიტუტი პარტნიორ ორგანიზაციებთან ერთად ვიყავით პირველები, ვინც  არსებული მდგომარეობიდან გამომდინარე ონლაინ კურსები შემოვიღეთ. ტრენინგზე რეგისტრაცია ორ ეტაპად მიმდინარეობდა და საქართველოს ყველა რეგიონი ონლაინ რეჟიმში ჩაერთო. ტრენინგებს საერთაშორისო დონის ტრენერები ატარებენ. ტრენინგი პედაგოგებს 4 კრედიტის მოპოვებაში დაეხმარებათ,'' - აღნიშნავენ კვლევითი ინსტიტუტის წარმომადგენლები. 

ტრენინგ-მოდული მოიცავს 18 სამუშაო შეხვედრას, 100 სამუშაო საათს, მათგან 66 საკონტაქტო, ხოლო 34 არასაკონტაქტო საათი. ტრენინგ-მოდულის შეფასება ხორციელდება 100-ქულიანი სისტემით. სერტიფიკატის მისაღებად მონაწილე უნდა დაესწროს ტრენინგ-მოდულის 80%-ს და 100 ქულიდან დააგროვოს მინიმუმ 60 ქულა. 

კურსის დასრულებისთანავე გაიცემა ორენოვანი სერთიფიკატი დანართთან ერთად, სადაც მითითებული იქნება თითოეული გავლილი მოდული და საბოლოო ტესტირების შედეგი.

ინფორმაციისთვის, ტრენინგ ცენტრი „ცოდნა“ 2019 წლიდან საქართველოს ყველა ქალაქში წარმატებულ 100-საათიან ტრენინგ კურსს უწევს ორგანიზებას. ჯამში კურსი 6000 პედაგოგმა გაიარა.

სწავლების დაწყება შესაძლებელია დარეგისტრირებისთანავე! ტრენინგის გავლა ფასიანია.

დეტალური ინფორმაციისთვის დარეკეთ ნომერზე - 597 906 490 ან მისწერეთ ტრენინგ ცენტრს -​,,ცოდნა''

R.

წაიკითხეთ სრულად