Baby Bag

მოსწავლეები წლიური ქულის ამაღლებას დაუბრკოლებლად შეძლებენ - ვადები და პროცედურები

მოსწავლეები წლიური ქულის ამაღლებას დაუბრკოლებლად შეძლებენ - ვადები და პროცედურები

კორონავირუსის პანდემიის ფონზე, განათლების სფეროს ყველა მიმართულებით ​პრეზენტაციის წარდგენისას, საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა სამინისტროს მიერ შემუშავებულ იმ სიახლეებზე გაამახვილა ყურადღება, რომელიც წარმატებულ მოსწავლეთა ინტერესებს, კერძოდ, მათი მხრიდან წლიური შეფასების გაუმჯობესებას უკავშირდება.

იმ შემთხვევაში, თუ განსაზღვრული წლიური ქულა მოსწავლისთვის არ არის დამაკმაყოფილებელი და სურს საგნის წლიური ქულა აიმაღლოს, მას ექნება შესაძლებლობა სკოლის ადმინისტრაციას ნებისმიერი ფორმით (განცხადება, ელექტრონული ფოსტა, სატელეფონო შეტყობინება) მიმართოს და კონკრეტულ საგანში ნიშანი აიმაღლოს.

„მინდა გითხრათ, რომ მსოფლიოს წამყვან ქვეყნებში ჩვენ მიერ შემუშავებული წლიური შეფასების სისტემა აპრობირებული მოდელია და პედაგოგიური თვალსაზრისითაც ძალიან საინტერესოა,“ - განაცხადა მიხეილ ჩხენკელმა.

ვადები განსხვავებულია XII და IX კლასებისა და დანარჩენი კლასების მოსწავლეებისთვის.

კერძოდ, XII კლასის მოსწავლეებს, რომელთაც განსაზღვრული წლიური ქულა არ აკმაყოფილებთ და IX კლასის მოსწავლეებს, რომლებმაც გადაწყვიტეს სავალდებულო ზოგადი განათლების მიღების შემდეგ სისტემიდან გასვლა, შესაძლებლობა აქვთ სკოლის ადმინისტრაციას მიმართონ 21-დან 29 მაისის ჩათვლით და კონკრეტულ საგანში ნიშნის ამაღლების სურვილი დააფიქსირონ. სკოლის ადმინისტრაცია მათ 19 ივნისამდე მისცემს კომპლექსურ დავალებას, რომლის საფუძველზეც ისინი საბოლოოდ შეფასდებიან. სკოლის ადმინისტრაცია ვალდებულია მოსწავლეებს წინასწარ გააცნოს კომპლექსური დავალებები და ჩაუტაროს კონსულტაციები საჭიროებისამებრ.

რაც შეეხება დანარჩენი კლასების მოსწავლეებს, რომელთაც განსაზღვრული წლიური ქულა არ აკმაყოფილებთ და სურთ წლიური ქულის ამაღლება, შესაძლებლობა აქვთ სკოლის ადმინისტრაციას 16-დან 30 ივნისის ჩათვლით მიმართონ და კონკრეტულ საგანში შეფასება გაიუმჯობესონ.

ნიშნის გამოსწორების შესაძლებლობა მათ 2020-2021 სასწავლო წლის პირველ სემესტრში მიეცემათ.

როდის დასრულდება 2019-2020 სასწავლო წელი - თარიღი ცნობილია
მეთორმეტეკლასელები სასწავლო წელს დაასრულებენ 20 მაისს, პირველკლასელები 27 მაისს, დანარჩენი მოსწავლეები - 15 ივნისს, - ამის შესახებ პრემიერ-მინისტრმა გიორგი გახარიამ მთავრობის სხდომაზე  ​განა...
მოსწავლეთა წლიური შეფასება ​2019-2020 სასწავლო წელს - დეტალები სამინისტროსგან
საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა განათლების ​ანტიკრიზისული გეგმა წარმოადგინა. მინისტრმა მოსწავლეების შეფასებაზეც გაამახვილა ყურადღება...

შეიძლება დაინტერესდეთ

​„ლიმესის“ მოსწავლეთა 94%-მა ეროვნულ გამოცდებზე უმაღლესი შეფასებები მიიღო

​„ლიმესის“ მოსწავლეთა 94%-მა ეროვნულ გამოცდებზე უმაღლესი შეფასებები მიიღო

ერთიან ეროვნულ გამოცდებზე მოსამზადებელ ცენტრ „ლიმესში“ მომზადებულმა აბიტურიენტებმა უმაღალესი შედეგები აჩვენეს.

„ყოველივე ეს განაპირობა იმან, რომ მოსამზადებელ ცენტრ „ლიმესში“ მოსწავლეთა მომზადებაზე ზრუნავენ მასწავლებლის სახლის მაღალკვალიფიციური და სერტიფიცირებული პედაგოგები. მათი ნაწილი თავად ასწორებს ეროვნულ გამოცდებს,“ - აცხადებენ ცენტრში.

„ლიმესი“ დასახელდა ერთ-ერთ მაღალკვალიფიციურ მოსამზადებელ ცენტრად მთელს რეგიონში.

როგორც ცენტრში აღნიშნავენ, ახალი სასწავლო წლისთვის რეგისტრაცია უკვე დაწყებულია შემდეგ საგნებზე:

  • მათემატიკა - თვიური გადასახადი 160 ლარი (კვირაში 2-ჯერ, სემინარის ხანგრძლივობა 1,5 საათი)
  • ქართული ენა და ლიტერატურა - თვიური გადასახადი 160 ლარი (კვირაში 2-ჯერ, სემინარის ხანგრძლივობა 1,5 საათი)
  • ინგლისური ენა - თვიური გადასახადი 160 ლარი (კვირაში 2-ჯერ, სემინარის ხანგრძლივობა 1,5 საათი)

რეგისტრაცია დასრულდება 15 სექტემბერს. მეცადინეობები დაიწყება 20 სექტემბრიდან და ჩატარდება როგორც აუდიტორიაში, ისე ონლაინ რეჟიმში.

რეგისტრაციისთვის ეწვიეთ ​ბმ​ულს ან დარეკეთ ნომერზე 592 47 72 77.

R.

წაიკითხეთ სრულად