Baby Bag

მასწავლებლის სახლი მასშტაბურ საბუნებისმეტყველო საგნების ტურნირს მასპინძლობს

მასწავლებლის სახლი  მასშტაბურ საბუნებისმეტყველო საგნების ტურნირს მასპინძლობს

მასწავლებელთა პროფესიული განვითარების ეროვნული ცენტრი მასშტაბურ საბუნებისმეტყველო საგნების ტურნირს "ჩხირკედელას" მასპინძლობს, რომელშიც 40-მდე გუნდი მონაწილეობს.

ტურნირი მოიცავს ინოვაციური ტექნოლოგიების გამოყენებას და მისი მიზანია მოსწავლეებში კრიტიკული და შემოქმედებითი უნარების განვითარება.

8-9 თებერვალს ბიოლოგიის მიმართულებით გამარჯვებული გუნდებიც გამოვლინდა:

I -  დამოუკიდებელი საერო გიმნაზია "შავნაბადა" - გუნდი ''Cerebellum'';
II - სერვანტესის სახელობის გიმნაზია "აია-ჯესს" - გუნდი "კათიონები";
III - დამოუკიდებელი საერო გიმნაზია "შავნაბადა - გუნდი "ჰელიქსი";

"ჩხირკედელა" მასწავლებელთა პროფესიული განვითარების ეროვნული ცენტრის პროექტია. მოსწავლეები სპეციალური ხელსაწყოებით აღჭურვილ ლაბორატორიებში მუშაობენ და ინოვაციური ტექნოლოგიების მიმართულებით სხვადასხვა პროდუქტს ქმნიან.

ტურნირის ფარგლებში მათი ნამუშევრების გამოფენაც გაიმართა.

შეიძლება დაინტერესდეთ

„მსოფლიოს უდიდესი გაკვეთილი“ - პროექტში მონაწილეობის მისაღებად რეგისტრაცია ცხადდება

„მსოფლიოს უდიდესი გაკვეთილი“ - პროექტში მონაწილეობის მისაღებად რეგისტრაცია ცხადდება

„მსოფლიოს უდიდესი გაკვეთილი“ - პროექტში მონაწილეობის მისაღებად რეგისტრაცია ცხადდება, - ინფორმაციას მასწავლებელთა პროფესიული განვითარების ეროვნული ცენტრი ავრცელებს.

ცენტრის ცნობით, პროექტში რეგისტრაცია შეუძლიათ ინგლისური ენის, გეოგრაფიისა და სამოქალაქო განათლების მასწავლებლებს.  რეგისტრირებულ მასწავლებლებს მასწავლებელთა პროფესიული განვითარების ეროვნულ ცენტრში ჩაუტარდებათ პროექტის ერთდღიანი გაცნობითი შეხვედრა. იმ მასწავლებლებს კი, რომლებიც ვერ დაესწრებიან პირისპირ შეხვედრას, საშუალება ექნებათ, დარეგისტრირდნენ საინფორმაციო ვებინარზე. 

რეგისტრირებული პედაგოგებისთვის სავალდებულოა პირისპირ ან ონლაინ (ვებინარის) ფორმატში სამუშაო შეხვედრაზე დასწრება. პირისპირ ფორმატში სამუშაო შეხვედრა ჩატარდება რეგისტრაციის დასრულებიდან დაახლოებით 1 კვირაში, ხოლო ვებინარი გაიმართება 30 სექტემბერს, 5 საათზე.

პირისპირ ფორმატში სამუშაო შეხვედრაზე რეგისტრაცია შესაძლებელია ბმულზე:  ​სამუშაო შეხვედრა

ვებინარში ჩასართავად მიჰყევით ბმულს:  ​ვებინარი  

ინსტრუქცია ვებინარში ჩასართავად იხილეთ აქ

როგორც მასწავლებლის სახლის მიერ გავცრელებულ ინფორმაციაშია აღნიშნული, ცენტრი 2015 წლიადან ახორციელებს გაეროს ბავშვთა ფონდის მიერ ინიცირებულ პროექტს „მსოფლის უდიდესი გაკვეთილი“ (The world’s Largest Lesson), რომელიც გულისხმობს გაკვეთილის ჩატარებას სკოლებში მოსწავლეთათვის გაერთიანებული ერების ორგანიზაციის მიერ შემუშავებული „მდგრადი განვითარების გლობალური მიზნების“ გაცნობის მიზნით.

„საქართველომ 2014 წლის 15-16 სექტემბერს ჟენევაში გამართულ მინისტერიალზე მდგრადი განვითარების გლობალური მიზნების განხორციელების ვალდებულება აიღო.

აღნიშნული თემა - „მდგრადი განვითარების გლობალური მიზნები“ მეტად აქტუალურია და განსაკუთრებით მნიშვნელოვანია მომავალი თაობების ცნობიერების ამაღლებისთვის.

ვინაიდან პროგრამა ინგლისურ ენაზეა, თავიდანვე განისაზღვრა ინგლისური ენისა და გეოგრაფიის მასწავლებლებმა ერთობლივად ჩაატარონ გაკვეთილი მსოფლიოს მდგრადი განვითარების მიზნების თემებზე. ერთობლივი გაკვეთილის ჩატარება ეხმარება პედაგოგეგბს თანამშრომლობის გაღრმავებასა და შემდგომში ინტეგრირებული გაკვეთილების დაგეგვმაში.

მსოფლიოს მაშტაბური გაკვეთილი მოსწავლეებს არამარტო აცნობს მდგრადი განვითარების გლობალურ მიზნებს, არამედ ხელს უწყობს სხვადასხვა გამჭოლი კომპეტენციის (ეკოლოგიური წიგნიერება, ჯანსაღი ცხოვრების წესი, შემოქმედებითი და კრიტიკული აზროვნება) განვითარებაში. ამასთანავე, გაკვეთილების გეგმებში წარმოდგენილი მრავალფეროვანი რესურსი (ვიდეო, აუდიო, ციფრული და სხავა) განსაკუთრებით ღირებულია მოსწავლეთა ენობრივი კომპეტენციების განვითარებისას.

პროექტის განხორციელების პირველ წელს (2015) პროექტის მიზანი მდგრადი განვითარების მიზნების გაცნობა იყო, 2016 წელს ღონისძიება მთელს მსოფლიოში გენდერის თემას მიეძღვნა, ხოლო 2017 წელს შიმშილის დამარცხებას. 2018 წელს პროექტის მიზანს წარმოადგენდა კონკრეტული ქმედებების წახალისება პიროვნულ, ადგილობრივ თუ გლობალურ დონეზე.

2019 წელს სკოლებში ღონისძიებები 23 სექტემბრიდან დაიწყება. მნიშვნელოვანია, რომ წლევანდელი „World’s largest lesson” ემთხვევა ბავშვის უფლებების შესახებ კონვენციის 30 წლისთავს, რომელიც აღინიშნება 2019 წლის 20 ნოემბერს. ორგანიზატორების მოსაზრებით, ზემოაღნიშნულ ინიციატივაში მონაწილეობა კიდევ უფრო გაუსვამს ხაზს საქართველოს მხრიდან კონვენციის, როგორც მდგრადი განვითარების მიზნების მიღწევის მნიშვნელოვანი ინსტრუმენტის აღიარებას,“ - აღნიშნულია მასწავლებელთა პროფესიული განვითარების ეროვნული ცენტრის მიერ გავრცელებულ ინფორმაციაში.

წაიკითხეთ სრულად