Baby Bag

რამდენი ლარით და ვის გაეზრდება ხელფასები 2022 წლის იანვრიდან?

რამდენი ლარით და ვის გაეზრდება ხელფასები 2022 წლის იანვრიდან?

სტატუსის მქონე მასწავლებლებისთვის 2022 წლის იანვრიდან, სახელფასო დანამატის 100 ლარით ზრდა არის გათვალისწინებული, ამისთვის კი პროექტით 79.4 მლნ ლარია განსაზღვრული - აღნიშნულის შესახებ 2022 წლის სახელმწიფო ბიუჯეტის პირველად პროექტშია გაწერილი. 

დოკუმენტის მიხედვით,ზოგადსაგანმანათლებლო სკოლების დაფინანსება 79.4 მლნ ლარითაა გაზრდილი და ჯამში 975.0 მლნ ლარს შეადგენს.

ბიუჯეტის პროექტის მიხედვით, 2022 წელს განათლებისა და მეცნიერების სამინისტროს დაფინანსება 1 637.5 მლნ ლარითაა განსაზღვრული, რაც 2021 წლის დამტკიცებულ ასიგნებას 112.7 მლნ ლარით აღემატება. 88.7 მლნ ლარით გაზრდილია სკოლამდელი და ზოგადი განათლების დაფინანსება და 1 145.0 მლნ ლარითაა განსაზღვრული.

Momsedu.ge-მ თქვენთვის, მასწავლებლებისთვის შექმნა ახალი სივრცე - „მასწავლებლების სანდო წყარო“, სადაც ყოველდღიურად ქვეყნდება საგანმანათლებლო სფეროს სიახლეები. გადმოდით ბმულზე და მოიწონეთ - „მასწავლ​ებლების სანდო წყარო“.

შეიძლება დაინტერესდეთ

მე-7 კლასის მოსწავლეები ახალი სასწავლო წლიდან ახალი სახელმძღვანელოებით ისწავლიან

მე-7 კლასის მოსწავლეები ახალი სასწავლო წლიდან ახალი სახელმძღვანელოებით ისწავლიან

საქართველოს განათლების, მეცნიერების, კულტურისა და სპორტის სამინისტროს ინფორმაციით, ზოგადი განათლების დაწყებითი საფეხურის ზოგიერთი საგნისა და საბაზო საფეხურის VII კლასის სასკოლო სახელმძღვანელოებზე გრიფირების პროცესი დასრულდა.

უწყების ცნობით, ახალი სახელმძღვანელოები სასწავლო წლის დაწყებამდე დაიბეჭდება და ყველა ქართულენოვან სკოლაში დარიგდება.

„გრიფირების მიმდინარეობის პროცესში, სამინისტროში 14 საგანზე 75 განაცხადი გაკეთდა, საიდანაც პირველი ეტაპი 73-მა გადალახა; აქედან ხარვეზი ორ განაცხადს დაუდგინდა, რაც არ იქნა გამოსწორებული დადგენილ ვადაში და შესაბამისად, გრიფირების შემდეგ ეტაპზე ვერ გადავიდა. რეცენზირების პირველი ეტაპის დასრულების შემდეგ, ანონიმურობის დარღვევის გამო, შემდეგ ეტაპზე კიდევ ორი განაცხადი ვერ გადავიდა, ხოლო კორექტურის განუხორციელებლობისა და კომისიისათვის მიუმართაობის გამო, გრიფირების პროცესს დამატებით კიდევ ექვსი განაცხადი გამოეთიშა.

სახელმძღვანელოები რამდენიმე მიმართულებით შეფასდა: ეროვნულ სასწავლო გეგმასთან შესაბამისობა; შინაარსობრივი გამართულობა; სტრუქტურული გამართულობა; ენობრივი გამართულობა; სამართლებრივ და ეთიკურ ნორმებთან შესაბამისობა; მდგრადი განვითარების პრინციპებთან შესაბამისობა.

საბოლოო ჯამში, გრიფი 34 სახელმძღვანელოს მიენიჭა. საგნების მიხედვით გრიფირებულ სახელმძღვანელთა რაოდენობა შემდეგია: ქართული ენა და ლიტერატურა 4; მათემატიკა 3; ისტორია 2; გეოგრაფია 1; ბიოლოგია 4; ფიზიკა 7; მოქალაქეობა 3; სახვითი და გამოყენებითი ხელოვნება 4; მუსიკა 2; ინგლისური ენა 1; გერმანული ენა 1; ფიზიკური აღზრდა და სპორტი (V-VI) 1; ქართული, როგორც მეორე ენა (I-IV) 1.

სახელმძღვანელოების შემფასებელთა ჯგუფში შედიოდა როგორც მასწავლებელი, ასევე აკადემიური წრის წარმომადგენელი, ფსიქოლოგი, ფილოლოგი და სპეციალისტი ადამიანის უფლებათა მიმართულებით.

გამომცემლობების მიერ შემოთავაზებული ფასების შესაბამისად იმ საგნებში, სადაც სამზე მეტი სახელმძღვანელოა, საჯარო სკოლებს შესარჩევად რეიტინგით პირველი სამეული შეეთავაზებათ. საჯარო და კერძო სკოლების პედაგოგებს არჩევანის გაკეთების შესაძლებლობა 7 ივლისის ჩათვლით ექნებათ.

მომდევნო წელს გრიფირებული სახელმძღვანელოები სომხურ, აზერბაიჯანულ და რუსულ ენებზე ითარგმნება და არაქართულენოვან სკოლებში მათი დანერგვა 2020-2021 წლიდან დაიწყება,“ - აღნიშნულია განათლების, მეცნიერების, კულტურისა და სპორტის სამინისტროს მიერ გავრცელებულ ინფორმაციაში.

წაიკითხეთ სრულად