Baby Bag

მასწავლებლის კომპეტენციის დადასტურება - ინფორმაცია თანხის დაბრუნების თაობაზე

მასწავლებლის კომპეტენციის დადასტურება - ინფორმაცია თანხის დაბრუნების თაობაზე

აპელაციისათვის შეცდომით ან ზედმეტად გადახდილი საფასურის დაბრუნების თაობაზე განაცხადები მიიღება 17 სექტემბრიდან 18 ოქტომბრის 18:00 საათამდე ელექტრონულად, სპეციალური პროგრამის გამოყენებით: https://online1.naec.ge/oapp.

განაცხადით მომართვა შეუძლიათ იმ პირებს, რომელთაც:
  • საპრეტენზიო განაცხადის საფუძველზე შეეცვალათ შეფასება;
  • ტესტის შეფასებასთან დაკავშირებით საპრეტენზიო განაცხადის წარდგენისას თანხა ზედმეტად გადაიხადეს;
  • სააპელაციო ვადის ამოწურვამდე არ წარადგინეს საპრეტენზიო განაცხადი ან აღნიშნული ვადის გასვლამდე უარი თქვეს ნაშრომის გასაჩივრებაზე.

​თანხა მითითებულ ანგარიშებზე ჩაირიცხება განცხადებების მიღების დასრულებიდან ერთი თვის განმავლობაში.

შეიძლება დაინტერესდეთ

მიხელ ბატიაშვილმა და მისმა მოადგილეებმა ბრიუსელში ​ინოვაციური საგანმანათლებლო პროექტები და წინადადებები წარადგინეს

მიხელ ბატიაშვილმა და მისმა მოადგილეებმა ბრიუსელში ​ინოვაციური საგანმანათლებლო პროექტები და წინადადებები წარადგინეს

ბრიუსელში საქართველო-ევროკავშირის თანამშრომლობის უმაღლესი დონის ფორმატის პირველი შეხვედრის ფარგლებში, ევროკომისიასა და საქართველოს განათლების, მეცნიერების, კულტურისა და სპორტის სამინისტროს წარმომადგენლებს შორის კლასტერი გაიმართა, რომელსაც ევროპული სამეზობლო პოლიტიკისა და გაფართოებაზე მოლაპარაკებების საკითხებში ევროკომისარი იოჰანეს ჰანი, ევროკომისარი განათლების, კულტურის, ახალგაზრდობისა და სპორტის საკითხებში - ტობას ნავრაჩიჩი, ევროპის სამეზობლო პოლიტიკისა და გაფართოების შესახებ მოლაპარაკებების გენერალური დირექტორატის, ევროკავშირის აღმოსავლეთ პარტნიორობის ქვეყნებთან თანამშრომლობის დირექტორი - ლორენს მერედიტი და ევროპული სამეზობლო პოლიტიკისა და გაფართოების შესახებ მოლაპარაკებების საკითხებში ევროკომისარის მრჩეველი - ჰანა იანსი ესწრებოდნენ.

განათლების, კვლევის, ინოვაციისა და კულტურის სფეროს მიმართულების სამიზნე ჯგუფში საქართველოს განათლების, მეცნიერების, კულტურისა და სპორტის მინისტრმა მიხელ ბატიაშვილმა, მოადგილეებთან ირინა აბულაძესა და ლევან ხარატიშვილთან ერთად, ისეთი ინოვაციური საგანმანათლებლო პროექტები და წინადადებები წარადგინა, როგორიცაა განათლების და კვლევით სფეროში,ჯგუფური/კლასტერული მიდგომა; ქართველი სტუდენტებისთვის ევროკავშირის მოქალაქეებისთვის განკუთვნილი ანალოგიური პირობების შექმნა; განათლებაში ინოვაციური ციფრული ტექნოლოგიების დანერგვა და ახალი პროგრამის - ევროკავშირი-საქართველოს კულტურული ხიდების წამოწყება, რომელიც კულტურათაშორისი დიალოგის და კულტურის ინტერნაციონალიზაციის გაფართოვებას ისახავს მიზნად. შეხვედრაზე საუბარი შეეხო ასევე ორმხრივი კულტურული პროგრამის შემუშავებას და ამასთან, საქართველოში ევროპის კულტურული დღეების კამპანიას და ევროკავშირის ქვეყნებში საქართველოს ცნობადობის გაზრდას.

ევროკომისიის წარმომადგენელთა მხრიდან გამიოთქვა თანამშრომლობის მზაობა და გადაწყდა, რომ დაიწყება ევროკავშირის გაერთიანებული კვლევითი ცენტრების თანამშრომლობა ქართულ უნივერსიტეტებთან, ქართულ კვლევით ცენტრებთან და კერძო სექტორთან, ტექნიკური დახმარებისა და ცოდნის გაზიარება, მკვლევარებისთვის ერთობლივი სასწავლო პროგრამის განვითარება და მონაწილეობა, სემინარებისა და სემინარების მეშვეობით სამეცნიერო და ტექნოლოგიური ცოდნის გაცვლა. მხარეები თანამშრომლობის შემდგომ განმტკიცებასა და გაღრმავებაზე შეთანხმდნენ.

წაიკითხეთ სრულად