Baby Bag

​თბილისის თავისუფალი აკადემია მასწავლებლის მომზადების 60-კრედიტიან პროგრამაზე მიღებას აცხადებს

​თბილისის თავისუფალი აკადემია მასწავლებლის მომზადების 60-კრედიტიან პროგრამაზე მიღებას აცხადებს

თბილისის თავისუფალი აკადემია აცხადებს მიღებას მასწავლებლის მომზადების 60-კრედიტიან პროგრამაზე შემდეგი მიმართულებებით:

  • დაწყებითი საფეხურის (ქართული ენა და ლიტერატურა, მათემატიკა, ბუნებისმეტყველება - I-IV კლასები) მასწავლებლის მომზადების საგანმანათლებლო პროგრამა;
  • დაწყებითი საფეხურის (I-VI კლასის) მათემატიკის მასწავლებლის მომზადების საგანმანათლებლო პროგრამა;
  • ქართულის, როგორც მეორე/უცხოური ენის მასწავლებლის მომზადების საგანმანათლებლო პროგრამა (დაწყებითი-საბაზო-საშუალო საფეხური).


​​სწავლის ღირებულებაა 2️⃣0️⃣2️⃣0️⃣ ლარი.

სარეგისტრაციო ფორმა⤵

https://bit.ly/3n3ez​F8

დამატებითი ინფორმაციის მისაღებად ეწვიეთ თბილისის თავისუფალი აკადემიის ოფიციალურ ვებგვერდს: www.freeacademy.edu.ge

Tel: 032 236 91 60

e-Mail: info@freeacademy.edu.ge

R.

შეიძლება დაინტერესდეთ

მე-7 კლასის მოსწავლეები ახალი სასწავლო წლიდან ახალი სახელმძღვანელოებით ისწავლიან

მე-7 კლასის მოსწავლეები ახალი სასწავლო წლიდან ახალი სახელმძღვანელოებით ისწავლიან

საქართველოს განათლების, მეცნიერების, კულტურისა და სპორტის სამინისტროს ინფორმაციით, ზოგადი განათლების დაწყებითი საფეხურის ზოგიერთი საგნისა და საბაზო საფეხურის VII კლასის სასკოლო სახელმძღვანელოებზე გრიფირების პროცესი დასრულდა.

უწყების ცნობით, ახალი სახელმძღვანელოები სასწავლო წლის დაწყებამდე დაიბეჭდება და ყველა ქართულენოვან სკოლაში დარიგდება.

„გრიფირების მიმდინარეობის პროცესში, სამინისტროში 14 საგანზე 75 განაცხადი გაკეთდა, საიდანაც პირველი ეტაპი 73-მა გადალახა; აქედან ხარვეზი ორ განაცხადს დაუდგინდა, რაც არ იქნა გამოსწორებული დადგენილ ვადაში და შესაბამისად, გრიფირების შემდეგ ეტაპზე ვერ გადავიდა. რეცენზირების პირველი ეტაპის დასრულების შემდეგ, ანონიმურობის დარღვევის გამო, შემდეგ ეტაპზე კიდევ ორი განაცხადი ვერ გადავიდა, ხოლო კორექტურის განუხორციელებლობისა და კომისიისათვის მიუმართაობის გამო, გრიფირების პროცესს დამატებით კიდევ ექვსი განაცხადი გამოეთიშა.

სახელმძღვანელოები რამდენიმე მიმართულებით შეფასდა: ეროვნულ სასწავლო გეგმასთან შესაბამისობა; შინაარსობრივი გამართულობა; სტრუქტურული გამართულობა; ენობრივი გამართულობა; სამართლებრივ და ეთიკურ ნორმებთან შესაბამისობა; მდგრადი განვითარების პრინციპებთან შესაბამისობა.

საბოლოო ჯამში, გრიფი 34 სახელმძღვანელოს მიენიჭა. საგნების მიხედვით გრიფირებულ სახელმძღვანელთა რაოდენობა შემდეგია: ქართული ენა და ლიტერატურა 4; მათემატიკა 3; ისტორია 2; გეოგრაფია 1; ბიოლოგია 4; ფიზიკა 7; მოქალაქეობა 3; სახვითი და გამოყენებითი ხელოვნება 4; მუსიკა 2; ინგლისური ენა 1; გერმანული ენა 1; ფიზიკური აღზრდა და სპორტი (V-VI) 1; ქართული, როგორც მეორე ენა (I-IV) 1.

სახელმძღვანელოების შემფასებელთა ჯგუფში შედიოდა როგორც მასწავლებელი, ასევე აკადემიური წრის წარმომადგენელი, ფსიქოლოგი, ფილოლოგი და სპეციალისტი ადამიანის უფლებათა მიმართულებით.

გამომცემლობების მიერ შემოთავაზებული ფასების შესაბამისად იმ საგნებში, სადაც სამზე მეტი სახელმძღვანელოა, საჯარო სკოლებს შესარჩევად რეიტინგით პირველი სამეული შეეთავაზებათ. საჯარო და კერძო სკოლების პედაგოგებს არჩევანის გაკეთების შესაძლებლობა 7 ივლისის ჩათვლით ექნებათ.

მომდევნო წელს გრიფირებული სახელმძღვანელოები სომხურ, აზერბაიჯანულ და რუსულ ენებზე ითარგმნება და არაქართულენოვან სკოლებში მათი დანერგვა 2020-2021 წლიდან დაიწყება,“ - აღნიშნულია განათლების, მეცნიერების, კულტურისა და სპორტის სამინისტროს მიერ გავრცელებულ ინფორმაციაში.

წაიკითხეთ სრულად