Baby Bag

პედაგოგები სახვითი და გამოყენებითი ხელოვნების მასწავლებელთა კომპეტენციის დადასტურების საგამოცდო ტესტში არაპროგრამული საკითხების გამო დავობენ

პედაგოგები სახვითი და გამოყენებითი ხელოვნების მასწავლებელთა კომპეტენციის დადასტურების საგამოცდო ტესტში არაპროგრამული საკითხების გამო დავობენ

პედაგოგები სახვითი და გამოყენებითი ხელოვნების მასწავლებელთა კომპეტენციის დადასტურების საგამოცდო ტესტში არაპროგრამული საკითხების გამო დავობენ. მათ MomsEdu.ge-ს ტექსტი გამოუგზავნეს, სადაც დეტალურადაა ახსნილი, რას აპროტესტებენ. გთავაზობთ სახვითი და გამოყენებითი ხელოვნების პედაგოგთა განცხადებას:

„​20 ივლისს ჩატარდა სახვითი და გამოყენებითი ხელოვნების მასწავლებელთა კომპეტენციის დადასტურების გამოცდა. საგამოცდო ტესტში შესული იყო არაპროგრამული საკითხები:

1. ჯოვანი ბელინი (3 ქულა)
2. პაულ კლეე (1 ქულა)
3. ანტონიო კანოვო (1 ქულა)
4. ნახატი (1 ქულა)

​ამის გათვალისიწინებით, ან დაგვიმატეთ ეს ქულები ან ბარიერი დაწიეთ,“ - აღნიშნულია სახვითი და გამოყენებითი ხელოვნების პედაგოგთა მიერ გამოგზავნილ განცხადებაში.
მასწავლებლის კომპეტენციის დადასტურება - 2021 წლის შედეგები
შეფასებისა და გამოცდების ეროვნული ცენტრი გთავაზობთ ტესტირების შედეგებს დაწყებითი საფეხურის საგნებში (ქართული ენა და ლიტერატურა, მათემატიკა და ბუნებისმეტყველება I-IV), ასევე ფიზიკაში, ქიმიაში...

შეიძლება დაინტერესდეთ

,,ხარისხიანი განათლებისათვის, გამართულ კურიკულუმთან, ინფრასტრუქტურასა და ტექნოლოგიებთან ერთად, განსაკუთრებული მნიშვნელობა ენიჭება კვალიფიციურ პედაგოგს''

,,ხარისხიანი განათლებისათვის, გამართულ კურიკულუმთან, ინფრასტრუქტურასა და ტექნოლოგიებთან ერთად, განსაკუთრებული მნიშვნელობა ენიჭება კვალიფიციურ პედაგოგს''

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ეკონომიკური განვითარებისა და თანამშრომლობის საერთაშორისო ორგანიზაციისა (OECD) და განათლების ინტერნაციონალის (EI) მიერ ორგანიზებულ ვირტუალურ საერთაშორისო სამიტში სწავლების პროფესიის შესახებ (ISTP) მიიღო მონაწილეობა. განათლების სფეროში ახალი კორონავირუსის კრიზისის დასაძლევად სხვადასხვა ქვეყნის წარმომადგენლებმა ერთმანეთს გამოცდილება გაუზიარეს და თანამშრომლობის გაძლიერების გზებზე იმსჯელეს.

მიხეილ ჩხენკელი: „მადლობას მოგახსენებთ მნიშვნელოვანი სამიტის ორგანიზებისათვის! დარწმუნებული ვარ, ინფორმაციის გაცვლა, სხვადასხვა ქვეყნების გამოცდილების გაზიარება ძალიან სასარგებლოა და ნაყოფიერ შედეგს გამოიღებს. მინდა აღვნიშნო, რომ ახალმა კორონავირუსმა შექმნა უპრეცედენტო რეალობა ყველა ქვეყნის მთავრობისთვის. მიუხედავად ამისა, საქართველოს განათლების სისტემამ ეფექტურად შეძლო დისტანციურ სწავლებაზე გადასვლა. სამინისტრომ ხელი შეუწყო არამხოლოდ კრიზისული ვითარების დაძლევას, არამედ განათლების მიღების ახალი შესაძლებლობებიც შექმნა“.

მიხეილ ჩხენკელმა სამინისტროს მიერ განხორციელებულ რამდენიმე პროექტზე ისაუბრა, რომლებმაც განათლების მიღების უწყვეტი პროცესი უზრუნველყო. მინისტრმა საზოგადოებრივ მაუწყებელთან თანამშრომლობით შექმნილი პროექტი „ტელესკოლა“ გამოყო, რომელშიც ეროვნული სასწავლო პროგრამით გათვალისწინებულ ტელეგაკვეთილებს სხვადასხვა საგნის გამოცდილი პედაგოგები ატარებენ. ტელეგაკვეთილების დაგეგმვისას სპეციალური საგანმანათლებლო საჭიროების მქონე მოსწავლეების ინტერესიც არის გათვალისწინებული და მათი თარგმნა ჟესტური ენით ხდება.

მინისტრმა ისაუბრა სპეციალურად აბიტურიენტებისთვის შექმნილი პროექტის „ვებსკოლის“ შესახებ, რომელიც მათ ეროვნული გამოცდებისათვის მომზადებაში ეხმარება. იგი ასევე შეეხო ზოგადი განათლების პროექტს „iსკოლა“, რომლის ფარგლებში მოსწავლეებისთვის კომპლექსური საშინაო დავალებების კრებულები 8 სხვადასხვა საგნობრივი მიმართულებით შეიქმნა. აღნიშნული მასალები ვებგვერდზე https://www.el.ge/ არის განთავსებული.

მიხეილ ჩხენკელმა ხაზგასმით აღნიშნა, რომ სხვადასხვა ელექტრონული პლატფორმებისა და პროექტ „ტელესკოლის“ განხორციელებისას განსაკუთრებული ენთუზიაზმი და შემოქმედებითი მიდგომა პედაგოგებმა და პროფესორებმა გამოიჩინეს, რისთვისაც მათ განსაკუთრებული მადლობა გადაუხადა. კრიზისულ სიტუაციაში პედაგოგები დიდი გამოწვევის წინაშე აღმოჩნდნენ, რასაც ძალიან კარგად გაართვეს თავი. მიხეილ ჩხენკელის თქმით, ხარისხიანი განათლებისათვის, გამართულ კურიკულუმთან, ინფრასტრუქტურასა და ტექნოლოგიებთან ერთად, განსაკუთრებული მნიშვნელობა ენიჭება კვალიფიციურ პედაგოგს.

საქართველოს მხრიდან სამიტს საქართველოს პედაგოგთა და მეცნიერთა თავისუფალი პროფკავშირის პრეზიდენტი მაია კობახიძე ესწრებოდა. მინისტრმა მადლობა გადაუხადა საქართველოს პედაგოგთა და მეცნიერთა თავისუფალ პროფკავშირს და აღნიშნა, რომ მათთან მჭიდრო თანამშრომლობა მომავალშიც გაგრძელდება.

ეკონომიკური განვითარებისა და თანამშრომლობის საერთაშორისო ორგანიზაციის (OECD) განათლების დირექტორატის ხელმძღვანელმა ანდრეას შლაიხერმა სხვადასხვა ქვეყნის მაგალითების განხილვისას საქართველო კიდევ ერთხელ გამოყო და დისტანციური სწავლების დანერგვის პროცესში განხორციელებულ პროექტებს დადებითი შეფასება მისცა.

ვირტუალურ საერთაშორისო სამიტში სწავლების პროფესიის შესახებ (ISTP) მონაწილეობა მიიღეს 16 ქვეყნის განათლების მინისტრებმა, მინისტრის მოადგილეებმა, განათლების ექსპერტებმა, პროფკავშირების წარმომადგენლებმა და სხვა დაინტერესებულმა პირებმა.

წაიკითხეთ სრულად