სამხრეთ კორეაში პანდემიის გამო 100-ზე მეტმა სამსახურის მაძიებელმა გამოცდა ფეხბურთის სტადიონზე სოციალური დისტანციის დაცვით დაწერა. საერთაშორისო მედიის ცნობით, აპლიკანტებს შორის დაშორება ხუთი მეტრი იყო. სეულში გამოცდას სულ 139 ადამიანი ესწრებოდა.
ერთ-ერთმა აპლიკანტმა მედიასთან საუბრისას აღნიშნა, რომ გამოცდაზე ბალახების ყურება საკმაოდ უჩვეულო იყო. გამოცდის მონაწილეები აღნიშნავდნენ, რომ ყველაფერი ძალიან უცნაურად ეჩვენებოდათ. ზოგიერთები ჰაერის დაბალი ტემპერატურისა და სიცივის გამო უკმაყოფილებას გამოთქვამდნენ, თუმცა უმრავლესობა იმითაც კმაყოფილი იყო, რომ გამოცდის ჩაბარების შესაძლებლობა საერთოდ მიეცა.
დამსაქმებელი კომპანიის დირექტორის თქმით, მას არ სურდა, რომ ახალი თანამშრომლების მიღების პროცესი პანდემიის გამო გადაედო. მან საჯარო სექტორის წარმომადგენლებს ურჩია, რომ მისი კომპანიის მაგალითისთვის მიებაძათ.
სამხრეთ კორეა პანდემიას წარმატებით უმკლავდება, რაც მკაცრი შეზღუდვების გამოყენების ხარჯზე მოხდა. სამხრეთ კორეის მთავრობა მცირე ბიზნესს პანდემიით გამოწვეული კრიზისის დაძლევაში მნიშვნელოვან დახმარებას უწევს. თავად კომპანიებიც ცდილობენ, რომ სოციალური დისტანციის წესების სრული დაცვით საქმიანობა ჩვეულ რეჟიმში განაგრძონ.
მომზადებულია Republicworld.com-ის მიხედვით
თარგმნა ია ნაროუშვილმა
