Baby Bag

საზაფხულო სკოლა მასწავლებლებისათვის

საზაფხულო სკოლა მასწავლებლებისათვის

აქტიური და საინტერესო სესიები, თანამედროვე სწავლების მეთოდები, განათლების სფეროში მოღვაწე კვალიფიციური ქართველი და უცხოელი ტრენერები, თეორიული ცოდნასთან ერთად პრაქტიკული გამოცდილების მიღება - ესაა ის მცირე ჩამონათვალი, რასაც English Book Education-ის მიერ ორგანიზებული საზაფხულო სკოლა მასწავლებლებს სთავაზობს.

English Book Education ყოველთვის ზრუნავს მასწავლებელთა პროფესიულ ზრდასა და კვალიფიკაციის ამაღლებაზე. მასწავლებლების მხარდასაჭერად, 5-15 და 19-30 ივლისს English Book Education ინგლისური ენის პედაგოგებისთვის მართავს საზაფხულო სკოლას.

საზაფხულო სკოლის მიზანია მასწავლებლებს ინოვაციური, კრეატიული და თანამედროვე სწავლების შესაბამისი მეთოდები გააცნოს, შექმნან მათ საგაკვეთილო ჩარჩოზე მორგებული მასალები, რომლებსაც გამოიყენებენ ახალ აკადემიურ წელს.

საზაფხულო სკოლა მასწავლებლებისთვის მოიცავს პროფესიული განვითარების 5 კურსს:

Teaching Young Learners Course წარმოადგენს 2-კვირიან პროფესიული განვითარების კურსს, რომელიც მოიცავს სწავლების თანამედროვე მეთოდებს, სიმღერების, ვიდეოების, თამაშებისა და ონლაინ პლატფორმების ეფექტურ გამოყენებას დაწყებითი საფეხურის მოსწავლეების ინგლისური ენის დონის გასაუმჯობესებლად და საგაკვეთილო პროცესში ჩართულობის გასაზრდელად.

Teaching Teenagers Course მოიცავს მასწავლებელთა კვალიფიკაციის ასამაღლებელ 2-კვირიან კურსს, რომელიც პედაგოგებს გააცნობს სწავლების უახლეს ტენდენციებს, პროექტზე დაფუძნებულ სწავლებას, თინეიჯერებისთვის კრიტიკული აზროვნების განვითარებისა და მოტივაციის ამაღლების ხერხებს.

Teaching Adults Course უზრუნველყოფსპედაგოგის კომპეტენციის გასაუმჯობესებელ 2-კვირიან ინტენსიურ კურსს, რომელიც კითხვის, წერის, მოსმენისა და ლაპარაკის განვითარების მეთოდებს აერთიანებს. მასწავლებლები, ასევე, შეისწავლიან ზრდასრული მოსწავლეებისთვის საინტერესო და მარტივად ასათვისებელი გაკვეთილების ჩატარების გზებსა და კომპლექსური უკუკავშირის მიწოდებას.

Practice of English Language Teaching სთავაზობს ინგლისური ენის პედაგოგებს 2-კვირიან პროფესიული განვითარების კურსს, რომელიცმათ გაუზიარებს მნიშვნელოვან მეთოდებსა და მიდგომებს მოსწავლეთა თავდაჯერებულობის, მოტივაციისა და ავტონომიურობის გასაზრდელად. ასევე, კურსის ფარგლებში მასწავლებლები გაეცნობიან შებრუნებული საკლასო ოთახისა და დიფერენცირებული სწავლების მოდელებს, შეისწავლიან კომპლექსური უკუკავშირის ჩამოყალიბებასა და შეცდომების გასწორების ეფექტურ ტექნიკებს.

Preparation Course for the TOEFL IBT® Test შექმნილია იმისათვის, რომ 12 გაკვეთილის განმავლობაში გამოცდის ჩაბარების მსურველებს განუვითაროს ყველა საჭირო უნარი, რომლებიც TOEFL IBT® ტესტის წარმატებით ჩაბარებისთვის არის საჭირო. მონაწილეები სპეციალურად ამ ტესტისთვის მოსამზადებელი სახელმძღვანელოს -Testbuilder for TOEFL IBT® Test-ის საშუალებით პრაქტიკაში გამოცდიან თავიანთ ცოდნას და აიმაღლებენ ინგლისური ენის კომპეტენციას, რაც მათი ტესტის შედეგს მნიშვნელოვნად გააუმჯობესებს.

საზაფხულო სკოლის კურსებს წარუძღვებიან English Book Education-ის როგორც ქართველი, ასევე უცხოელი პროფესიონალი ტრენერები, რომლებსაც განათლების სფეროში მოღვაწეობის, ინგლისური ენის სწავლებისა და ტრენერობის მრავალწლიანი გამოცდილება აქვთ.

ნიკოლ არაგონა -აქვს 10 წლიანი გამოცდილება იგლისური ენის სწავლებაში. აქტიურად არის ჩართული განათლების სისტემის ორგანიზებაში. ნიკოლიასწავლიდა დაწყებითი საფეხურის მოსწავლეებს ფლორიდაში, 2012-19 წლებში მუშაობდა ქუვეითში, ხოლო ბოლო წლებია, რაც English Book Education-თან თანამშრობლობს და ასწავლის Unique Learning-ში. ნიკოლი მონაწილეობას იღებდა ტელესკოლის I სეზონის ინგლისური ენის გაკვეთილების დაგეგმვასა და შედგენაში. Summers School for Teachers ფარგლებში ნიკოლი გაუძღვება Teaching Young Learners კურსს და გაგიზიარებთ დაწყებითი საფეხურის მოსწავლეთა სწავლების თანამედროვე მეთოდებს.

ანი დემეტრაშვილი - 12 წლიანი სწავლების გამოცდილება როგორც საერთაშორისო, ასევე ქართველ სტუდენტებთან. აქვს CELTA-ს კვალიფიკაცია.ანი English Book Education იკავებს საერთაშორისიო გამოცდების (TOEFL, Pearson International Test და Language Cert) დეპარტამენტის ხელმძღვანელის პოზიციას.

Summer School for Teachers ფარგლებში ანი გაუძღვება Teaching Teenagers კურსს, გაგიზიარებთ თავის ცოდნასა და გამოცდილებას, თქვენთან ერთად განიხილავს საგაკვეთილო პროცესის სწორად დაგეგმვასა და თინეიჯერებთან ურთიერთობის თავისებურებებს.

თეონა ხაჩიძე - აქვს 10 წლიანი სწავლების გამოცდილება და 7 წელზე მეტია ჩართულია საერთაშორისო კონფერენციების, ტრენინგების და კურსების შექმნაში. მისი გამოცდილება მოიცავს საერთაშორისო გამომცემლობებთან, სახელძღვანელობის ავტორებთან და ექსპერტებთან ურთიერთობას და მასწავლებელზე მორგებული კურსების შექმნას. მისი ერთ-ერთი წარმატებული პროექტია ტელესკოლა - ინგლისურის დრო. აქვს CELTA-ს კვალიფიკაცია. თეონა English Book Education - ში ხელმძღვანელობსუწყვეტი პროფესიული განვითარების დეპარტამენტს.Summer School for Teachersფარგლებში თეონა გაუძღვება Teaching Adults კურსს, გაგაცნობთ თანამედროვე სწავლების პრაქტიკულ სტრატეგიებს და ერთად დაგეგმავთ თქვენი გაკვეთილისთვის საჭირო აქტივობებს.

ლიკა გაბაძე - აქვს საერთაშორისო გამოცდებისთვის მომზადების მრავალწლიანი პრაქტიკა. იგი არის ETS Global-ის მიერ აკრედიტირებული TOEFL Test Centre Administrator. ამავე დროს, ლიკა ხელმძღვანელობს საერთაშორისო Scholarship პროგრამებს სკოლის მოსწავლეებისთვის, რომელიც მოიცავს მათ მომზადებასაც. უკვე 40-ზე მოსწავლე გააგზავნა დიდ ბრიტანეთსა და ამერიკაში სრული ან ნაწილობრივი დაფინანსებით. Summer School for Teachers ფარგლებში ლიკა გაუძღვება TOEFL IBT® ტესტისთვის მოსამზადებელ კურსს.შემოგვიერთდით, თუ გსურთ გაეცნოთ ტესტის ჩაბარების სტრატეგიებს დაიყოთ უფრო თავდაჯერებული.

ნინო ღვინიაშვილი - შვიდ წელზე მეტია იკავებს აკადემიური ხელძღვანელის პოზიციას, Unique Learning-ში. იგი ქმნის და ანხორციელებს უამრავ სასწავლო პროგრამას სხვადასხვა ასაკობრივი კატეგორიისთვის. აქვს სწავლების 12-წლიანიგამოცდილება და ფლობს CELTA-ს კვალიფიკაციას. ორგანიზებას უწევს მასწავლებელთა პროფესიული განვითარების სხვადასხვა ტრეინინგს როგორც საერთაშორისო, ასევე ქართველი მასწავლებლებისთვის. Summer School for Teachers ფარგლებში ნინო გაუძღვება Practice of English Language Teaching კურსს, სადაც განიხილავს სწავლა-სწავლებისთვის საჭირო თანამედროვე უნარებსა და მათ პრაქტიკაში გამოყენების ხერხებს.

იხილეთ საზაფხულო სკოლის კურსების ღირებულება და სპეციალური ფასდაკლება Teachers’ Union-ის წევრებისათვის.

1. Teaching Young Learners course450 ლარი

20%-იანი ფასდაკლება Teachers’ Union-ის წევრებისათვის

2. Teaching Teenagers course - 450 ლარი

20%-იანი ფასდაკლება Teachers’ Union-ის წევრებისათვის

3. Teaching Adults course450 ფლარი

20%-იანი ფასდაკლება Teachers’ Union-ის წევრებისათვის

4. Course: Practice of English Language Teaching450 ლარი

20%-იანი ფასდაკლება Teachers’ Union-ის წევრებისათვის

5. Preparation Course for the TOEFL IBT® test550 ლარი

20%-იანი ფასდაკლება Teachers’ Union-ის წევრებისათვის

საზაფხულო სკოლის ორივე სესია ინგლისურ ენაზე დისტანციურ რეჟიმში, Zoom პლატფორმის საშუალებით ჩატარდება. თითოეული კურსის დასრულების შემდეგ მონაწილეებს გადაეცემათ კურსის დამადასტურებელი სერტიფიკატები.

დეტალური ინფორმაციისთვის და კურსებზე რეგისტრაციის გასავლელად ეწვიეთ ბმულს - სარეგისტრაციო ბმული

ბლოგი - Summer school for teachers

საკონტაქტო ინფორმაცია

Email: englishbookteam@englishbook.ge |

t.khachidze@englishbookeducation.com

Tel: 599313289

R.

შეიძლება დაინტერესდეთ

დისტანციური სწავლება - მრავალფეროვანი მიდგომების შესაძლებლობა საჯარო სკოლებში

დისტანციური სწავლება - მრავალფეროვანი მიდგომების შესაძლებლობა საჯარო სკოლებში

დღეისათვის ინფორმატიზაცია არსებით გავლენას ახდენს ადამიანის საქმიანობის ყველა სფეროზე, განათლების სფეროს ჩათვლით. ეს განპირობებულია საზოგადოების ინფორმატიზაციის მიზნით, სადაც მართვის მთავარი ობიექტი ხდება არა მატერიალური ობიექტები, არამედ სიმბოლოები, იდეები, წარმოსახვები, ინტელექტი, ცოდნა, ანუ, ინფორმაციული პროდუქტის წარმოება ხდება საზოგადოების სწავლებისა და განვითარების მამოძრავებელ ძალად. 

საქართველოში განათლების რეფორმირების ერთ-ერთ ყველაზე საგულისხმო შემადგენელს წარმოადგენს სკოლების საგანმანათლებლო სივრცის ინფორმატიზაცია. იცვლება ცოდნის მიღების ფორმები, მეთოდები, ტექნოლოგიები და საშუალებები. მნიშვნელოვანი ცვლილებები ხდება ზოგადსაგანმანათლებლო დაწესებულებების დისტანციური განათლების სფეროში. უმაღლეს სასწავლო დაწესებულებებში ხდება დისტანციური სწავლების დადებითი შედეგების შესწავლა, სწავლების განსხვავებული ტექნოლოგიების თანდათანობითი დანერგვა სამეცადინო მანძილზე, რაც მასწავლებლებს აიძულებს სკოლებში მოსწავლეებთან მუშაობის მეთოდების შეცვლასა და ახალი მიდგომების დანერგვას.

დისტანციური განათლების სისტემის აქტუალურობა მდგომარეობს ზოგადად ტექნოლოგიური სფეროდან ინფორმაციულში საზოგადოების პროგრესის გადაადგილებაში. ინფორმაციის სფერო წარმოადგენს მუდმივად განახლებადი და ცვალებადი საბაზისო ცოდნისა და საინიციატივო ინფორმაციის კონგლომერატს. აუცილებელია, ასევე, პროფესიული ცოდნის მოძველების ფაქტის გათვალისწინებაც. საჭიროა მათი განუწყვეტელი განახლება. დისტანციურმა განათლებამ საგანმანათლებლო სკოლის თავისებურებებისა და პრობლემების გათვალისწინებით, შესაძლოა, მოგვცეს უწყვეტი სწავლებისა და ინფორმაციის გაცვლის შესაძლებლობა აქტუალურობისა და სიახლის დაკარგვის გარეშე. ამასთან, მოცემული სისტემის საყურადღებო უპირატესობას შეადგენს ინფორმაციისა და ცოდნის მიღების შესაძლებლობა, რეალური დროის პრაქტიკულად უდანაკარგოდ და რეალური ადგილმდებარეობისგან დამოუკიდებლად. სწორედ დისტანციურ განათლებას შეუძლია გარშემო ვითარების ნებისმიერ ცვლილებასა და მოთხოვნას უპასუხოს ადეკვატურად და მოქნილად და განახორციელოს აუცილებელი ცვლილებები და დამატებები. დისტანციური განათლების ყველა პრობლემის გადაჭრის გათვალისწინებით განათლების ეს სისტემა შეიძლება გახდეს სწავლების ყველაზე ეფექტურ ფორმად, როგორც ფუნდამენტალურ განათლებასთან შერწყმულად, ასევე, როგორც დამოუკიდებელი ერთეული. თეორიული თვალსაზრისით დისტანციურ განათლებას გააჩნია მთელი რიგი ღირსებებისა და თვით ღირებულებების გაგრძელებად მიჩნეული ზოგი ნაკლოვანება.

დისტანციური სწავლების ფორმა დღეს საშუალებას გვაძლევს, შეიქმნას მასობრივი უწყვეტი თვითშეგნების სისტემები, ინფორმაციის უნივერსალური გაცვლა. გარდა ამისა, დისტანციური სწავლების სისტემები უზრუნველყოფენ თანაბარ შესაძლებლობებს ქვეყნის სოციალურ სტატუსზე (მოსწავლეები, მოსწავლეები, სამოქალაქო და სამხედრო, უმუშევრები და ა.შ.) ქვეყნისა და საზღვარგარეთ, განათლების მიღების უფლების გააზრებისა და ინფორმაციის მიღებას. ეს სისტემაა, რომელსაც შეუძლია მაქსიმალურად ადეკვატური და მოქნილი რეაგირება საზოგადოების საჭიროებებზე და უზრუნველყოს ქვეყნის თითოეული მოქალაქის განათლების კონსტიტუციური უფლების განხორციელება.

ამრიგად, იმისათვის, რომ აღმოიფხვრას აქ აღნიშნული და სხვა ბევრი პრობლემა აუცილებელია განათლების სამინისტროს, საზოგადოების, სკოლისა და მშობლების აქტიური, პასუხისმგებლობითი და არა მოვალეობის მოხდის მცდელობითი კონსოლიდირება, ერთიანად ქმედითი ღონისძიებების დასახვა-გატარება, თანამშრომლობა. აუცილებელია მნიშვნელოვანი და ძირეული ღონისძიებების გატარება, რათა ახლაგაზრდებს ჰქონდეთ სათანადო განათლების მიღებისა და მიღებული ცოდნის შემდგომი რეალიზაციის შესაძლებლობა, რაც სასიცოცხლოდ მნიშვნელოვანია ქვეყნის განვითარებისა და წინსვლისათვის.

სწავლების ამ სისტემას გარკვეული დადებითი და უარყოფითი მხარეები აქვს.

დისტანციური სწავლების დადებითი და უარყოფითი მხარე არის საკამათო საკითხი. საჭიროა ყველა ნიუანსის შესწავლა. წინააღმდეგ შემთხვევაში, შეგიძლიათ გააკეთოთ არასწორი დასკვნები. აქედან გამომდინარე, უპირატესობებთან ერთად შეიძლება ითქვას, რომ მოსწავლეები სწავლის მანძილზე სწავლის საშუალებას აძლევდნენ, რომ არ გამოტოვონ კლასები ერთი მიზეზით ან სხვა. მაგალითად, თუ მოსწავლე ავად არის, უბრალოდ ჩართეთ კომპიუტერი, შეიყვანეთ ვირტუალური კონფერენცია - და შეძლებთ გაკვეთილის დასწრებას. და ეს არ არის ჯანმრთელობისთვის ზიანის მიყენება. ინტერნეტით ზოგჯერ ჩნდება მრავალფეროვნება. მაგრამ ისინი უბრალოდ შეამოწმებენ. ხშირად ის არის დისტანციური სწავლება, რომელიც ხელს უწყობს ხანგრძლივი ავადმყოფობის დროს ან სკოლაში სწავლის შეუძლებლობას ზოგადი ნაკადიდან და სხვა მოსწავლეებთან ერთად.

დისტანციური სწავლების დანერგვის საკითხი განხილულ უნდა იქნას სამი მხრიდან:
  • სოციალური. აქ ყველაფერი მარტივადაა, მოსწავლეები დღეს აქტიურად გამოიყენებენ სოციალურ ქსელებს, ფორუმებსა და ჩატებს, ამიტომაც ინფორმაციის მიწოდების ხერხი დისტანციური სწავლების პირობებში მათთვის ნაცნობი და კომფორტული იქნება.
  • ტექნიკური. ტექნიკური აღჭურვილობის თვალსაზრისით სკოლებში ამ მხრივ ყველაფერი კარგად როდია, არც კომპიუტერებია საკმარისი და არც ინტერნეტთან წვდომაც. კომპიუტერი სახლში ყველა მოსწავლეს არ აქვს. კიდევ ერთი პრობლემა – მასწავლებლებს ყოველთვის დამოუკიდებლად როდი შეუძლიათ, მაგალითად, ვიდეოკონფერენციის ორგანიზება.
  • მეთოდური. მთავარი წინააღმდეგობა ის არის, რომ დისტანციური სწავლების გამოყენებას მაშინ აქვს აზრი, როცა იგი ზრდის განათლების ხარისხს, ზოგადად. თუმცა ამის მიღწევა რთულია უმეტესობისთვის შესაბამისი გამოცდილებისა და გარკვეული უნარების გარეშე.

სკოლაში დისტანციური სწავლების ორგანიზების დროს არსებობს ყველა სახის სასწავლო დაწესებულებებისათვის დამახასიათებელი ტიპობრივი პრობლემები. ბევრ პედაგოგს წარმოექმნება სირთულეები სასწავლო მასალის სტრუქტურირებისა და ადაპტირების პროცესში. ბევრ მასწავლებელს ახასიათებს კონსერვატიზმი და ისინი ყოველმხრივ შეეწინააღმდეგებიან ისეთ სიახლეს, როგორიცაა დისტანციური სწავლება. ისინი მძაფრად დაიცავენ საკუთარ შეხედულებებს და სწავლების ტრადიციულ მეთოდებს.

დისტანციური სწავლების სირთულეებს განეკუთვნება საგანთშორისი კავშირების ფართო გამოყენება და თეორიული დებულებების დიდი მოცულობა. მულტიმედიური ტექნოლოგიები უზრუნველყოფს სიცხადეს მასალის სტრუქტურირებაში სქემების, შედარებითი ცხრილებისა და დიაგრამების სახით, სწავლების მაღალ ესთეტიკურ და ემოციურ დონეს დიდი რაოდენობის დიდაქტიკური მასალის გამოყენებით.

მოსწავლის დისტანციური სწავლება, ან დისტანციური სწავლების ელემენტების გამოყენება წარმოშობს მოსწავლისადმი ინდივიდუალიზებული მიდგომის პირობებს. მოსწავლე დამოუკიდებლად ან მშობლებთან ერთად ირჩევს შემოთავაზებულ დავალებებს შორის სირთულის შესაფერის დონეს, მეცადინეობის დროს, კონტროლის ფორმასა და ა.შ.

ამრიგად, დისტანციური სწავლების ეფექტურობა მიიღწევა საგანმანათლებლო სტანდარტების მოთხოვნებისა და მოსწავლის შესაძლებლობების ყველაზე უფრო სრული და ზუსტი შეთანხმებით. ხდება ყველა ტერიტორიული და დროებრივი შეზღუდვების გათვალისწინება, რომლებსაც აწყდება მოსწავლე და მასწავლებელი. იმასთან, რომ დისტანციური სწავლება შეიძლება ითვალისწინებდეს მოსწავლეების განთავსებას სხვადასხვა ტერიტორიებზე, ბევრი ადასტურებს, რომ ღებულობს ბევრად უფრო მეტ ინდივიდუალურ ყურადღებასა და მასწავლებელთან და მოსწავლეებთან ურთიერთობების შესაძლებლობას, ვიდრე ეს შესაძლებელი იყო ჩვეულებრივი პირობების შემთხვევაში. ხარისხიანი დისტანციური პროგრამა იწვევს მოსწავლეების ჩაბმას ჯგუფური პროექტებისა და ონლაინ დისკუსიების მეშვეობით. ამასთან, მასწავლებლები დროულად პასუხობენ შეკითხვებზე და რეგულარულად აფასებენ მოსწავლეების მუშაობას, ხოლო მოსწავლეებს აქვთ ერთმანეთთან ურთიერთობის უამრავი შესაძლებლობა.

აქედან გამომდინარე, სკოლის გაკვეთილებზე დისტანციური განათლების ეფექტური რეალიზაციის პირობებს განეკუთვნება:
  • მოსწავლეებისათვის დისტანციური განათლება წარმოდგენილი უნდა იყოს სისტემაში;
  • უნდა შეიქმნას ერთიანი ელექტრონული საგანმანათლებლო გარემო, რომელიც უზრუნველყოფს:

1. ყველა მომხმარებლის ურთიერთქმედებას;
2. სასწავლო-მეთოდური რესურსების სისტემატიზებას, რეგულარულ განახლებასა და შენახვას;
3. სასწავლო საქმიანობის მონაწილეთა მხარდაჭერას დისტანციური ტექნოლოგიების მეშვეობით;
4. დისტანციური სასწავლო პროცესისა და მისი ეფექტურობის მონიტორინგს.
5. სასწავლო პროცესის რეალიზება უნდა მოხდეს საათების რაოდენობისა და სწავლების ორგანიზების სპეციფიკის გათვალისწინებით ადაპტირებული სასწავლო გეგმების საფუძველზე;
  • სწავლება უნდა ახდენდეს აუდიტორული და დისტანციური მეცადინეობის, მოსწავლეების დამოუკიდებელი მუშაობის შეთავსებას, ასევე, მოიცავდეს ტრადიციულ სასწავლო-მეთოდურ მასალას;
  • აუცილებელია თითოეული მოსწავლის ინდივიდუალური თავისებურებების გათვალისწინება;
  • სასწავლო პროცესის რეალიზება უნდა მოხდეს განსხვავებულ რეჟიმებზე (როგორც ონლინე რეჟიმში, როცა სასწავლო ღონისძიებები და პედაგოგთან ურთიერთქმედება ხორციელდება დროის რეალურ რეჟიმში, ასევე, დროის გადადებულ რეჟიმში, რომელიც აძლევს ბავშვს მისთვის მოხერხებულ ნებისმიერ დროს სასწავლო მასალის ათვისების შესაძლებლობას);
  • სასწავლო პროცესს დისტანციური სწავლების ტექნოლოგიების გამოყენებით უნდა უზრუნველყოფდეს მაღალკვალიფიციური პედაგოგიური კოლექტივი, რომელიც მუდმივად ზრუნავს საკუთარი კვალიფიკაციის ამაღლებაზე.

ავტორი: სამოქალაქო განათლების მასწავლებელი ქიარიმ გუმბათოვი 
წაიკითხეთ სრულად