Baby Bag

​ტრენინგი პრაქტიკოსი და მაძიებელი მასწავლებლებისთვის, ის 10 კრედიტს მოგაპოვებინებთ - კურსი შედგენილია 2021 წლის განახლებული საგამოცდო პროგრამის მიხედვით!

​ტრენინგი პრაქტიკოსი და მაძიებელი მასწავლებლებისთვის, ის 10 კრედიტს მოგაპოვებინებთ - კურსი შედგენილია 2021 წლის განახლებული საგამოცდო პროგრამის მიხედვით!

2021 წლის პედაგოგთა სასერტიფიკაციო გამოცდაში ცვლილებები შევიდა. ეს ცვლილებები ეხება როგორც გამოცდის დროის ხანგრძლივობას და ქულათა რაოდენობას, ასევე საკითხთა ჩამონათვალს.

პედაგოგთა პროფესიული ზრდის ცენტრი გთავაზობთ ტრენინგს, რომელიც მორგებულია 2021 წლის პროგრამასა და სტანდარტს.

პედაგოგთა სასერტიფიკაციო პროგრამა მოიცავს გამოცდის 10კრედიტზე ჩასაბარებლად საჭირო ყველა საკითხს. ინოვაციური სწავლების მეთოდი გაგიადვილებთ შესასწავლი მასალის აღქმა-გააზრებას!

პროგრამას გაუძღვება თსუ-ს სერტიფიცირებული ტრენერი, მეცნიერი - სოფო ბიბილაშვილი (​https://www.facebook.com/sopobibilashvili)

ტრენინგი აღიარებულია საერთაშორისო უმაღლეს სტანდარტად! რეგისტრაცია შეუძლია ნებისმიერ დაწყებითი საფეხურის (I-IV და/ან I-VI) პედაგოგს.

რეგისტრაცია მიმდინარეობს დაწყებითის კომბინირებულ სრულ კურსზე. 

ტრენინგები ჩატარდება კვირაში 3-ჯერ, თითო სემინარის ხანგრძლივობაა 2 საათი, ტრენინგები გაგრძელდება გამოცდებამდე.

კურსში შედის სამი საგანი: 

  • ქართული, 
  • მათემატიკა, 
  • ბუნებისმეტყველება.
ასევე აკადემიური უნარები - ანალიტიკური წერა და ტექსტის გააზრება.

ტრენერი გაარჩევს როგორც თეორიულ საკითხებსა და დავალებებს, ასევე გასული წლის ტესტებსაც!

ტრენინგის ღირებულებაა 90 ლარი (ერთი თვე).

მსურველებმა რეგისტრაცია უნდა გაიარონ შემდეგ ბმულზე - ​https://bit.ly/3ywQ0DR 

რეგისტრაცია სრულდება 30 მაისს 18:00 საათზე, ტრენინგი დაიწყება 1 ივნისს და გაგრძელდება გამოცდებამდე.

დამატებითი ინფორმაციისთვის დაგვიკავშირდით 592 477 277

R.

შეიძლება დაინტერესდეთ

„ამ თაობისთვის ესეც პრობლემაა, ბავშვი შორდება დედასაც, მამასაც. იქნებ უფრო მეტი დრო დავუთმოთ ურთიერთობებს,“ - რუსუდან აბრამიძე

„ამ თაობისთვის ესეც პრობლემაა, ბავშვი შორდება დედასაც, მამასაც. იქნებ უფრო მეტი დრო დავუთმოთ ურთიერთობებს,“ -  რუსუდან აბრამიძე

ფილოლოგი რუსუდან აბრამიძე ტელეკომპანია იმედის გადაცემაში „შემდეგი გაჩერება“ თანამედროვე დედებისა და შვილების ურთიერთობების შესახებ საუბრობს. მისი თქმით, დედა კვლავ რჩება ბავშვის მთავარ გულშემატკივრად, თუმცა აღზრდის ფუნქცია სკოლაზეც არის გადანაწილებული:

„ტექნიკურმა განვითარებამ ძალიან ბევრი რამ შეცვალა. ქალის როლიც შეიცვალა სასიკეთოდ, ერთის მხრივ. ქალი სოციალურად აქტიური გახდა და ძალიან კარგია, რომ ის აბსოლუტურად ყველა სფეროში წარმატებულია. შვილების გადასახედიდან, ეს ძალიან რთულად აისახა თვითონ შვილების ცხოვრებაზე. დედაზე დიდი გულშემატკივარი დღესაც არ ჰყავს ბავშვს, ეს ცხადია, დედაზე დიდი კეთილისმსურველი მას არ ჰყავს. ილია რომ ქართლის დედას ავალებს: „ისე აღზარდე შენ შვილის სული, რომ წინ წარუძღვეს ჭეშმარიტება, უკან ჰრჩეს კვალი განათლებული,“ - დღეს ​ეს მისია ქართლის დედასთან ერთად სკოლასაც აქვს გადანაწილებული. დღეს ამ თაობისთვის ესეც პრობლემაა. ბავშვი შორდება დედასაც, მამასაც. პანდემიის დროს რამდენი გამოხმაურება იყო, რომ ოჯახები გამთლიანდა, ბედნიერები არიან, უყურებენ დედას, მამას, ერთად იყრის ოჯახი თავს, სადილის ტრადიცია აღდგა. რაღაცები იქნებ გადავაფასოთ ადამიანებმა, იქნებ უფრო მეტი დრო დავუთმოთ ურთიერთობებს. იქნებ სხვანაირად გადავანაწილოთ დრო და საკუთარი თავი, ეს ძალიან დიდი დილემაა.“

რუსუდან აბრამიძე აღნიშნავს, რომ თანამედროვე პედაგოგებს საზოგადოებისგან ყურადღება და დაფასება აკლიათ:

„მასწავლებელს დღეს ყველაზე მეტად აკლია საზოგადოების ყურადღება. თითქოს მთელი ქვეყანა ლაპარაკობს, ყველამ იცის, რომ სკოლა არის მომავლის სამჭედლო, სკოლა ზრდის თაობას, მაგრამ მე მრჩება შთაბეჭდილება, რომ მასწავლებელს და სკოლას აკლია საზოგადოების რეალური ყურადღება. მასწავლებელს აკლია თანამდგომი. სკოლა საზოგადოების გარეშე თაობას ვერ გაზრდის. სკოლა უზარმაზარი მისიის მატარებელია, მაგრამ მას მხარს უნდა უბამდეს საზოგადოებაც. როდესაც სკოლას აქვს რაღაც ღირებულებები, შრომობს, ზრდის თაობას, მაგრამ რეალური ცხოვრება აბსოლუტურად არ ესადაგება იმ იდეალებს, რაზეც წარმატებული სკოლა მუშაობს, მაშინ სკოლის საქმეც ფუჭდება. მე ვფიქრობ, რომ ​სკოლის და მომავალი თაობის კეთილდღეობა მთლიანად საზოგადოების საფიქრალია. მე ვთვლი, რომ საქართველოში პედაგოგის პროფესია ჯერ კიდევ არ არის პრესტიჟული, დაფასებული.“

„აღზარდო ადამიანი, გქონდეს პრეტენზია იმაზე, რომ პიროვნება აღზარდო, ეს ძალიან დიდი პასუხისმგებლობაა. პასუხისმგებლობა უპირველეს ყოვლისა იმ პიროვნების წინაშე, რომელსაც ზრდი და საზოგადოების და ქვეყნის წინაშე. ​ჩემი იდეალი არის გავზარდო თავისუფალი და ბედნიერი მოქალაქე, ადამიანი, რომელიც ამ სამყაროში იპოვის თავის ადგილს. თუ შევძლებ, რომ რამდენიმე მოსწავლეს მაინც ვაპოვნინო თავისი თავი ამ სამყაროში, მე ჩავთვლი, რომ ჩემი მისია შესრულებულია. მე ისეთ საგანს ვასწავლი, რომ ეს ჩემთვის შედარებით ადვილია,“ - აცხადებს რუსუდან აბრამიძე.

წყარო:​ „შემდეგი გაჩერება“

წაიკითხეთ სრულად