Baby Bag

მასწავლებელთა სავალდებულო ტესტირება მთელი ქვეყნის მასშტაბით აქტიურად მიმდინარეობს

მასწავლებელთა სავალდებულო ტესტირება მთელი ქვეყნის მასშტაბით აქტიურად მიმდინარეობს

საქართველოს ზოგადსაგანმანათლებლო დაწესებულებებში, საჯარო და კერძო სკოლებში, მასწავლებლებისა და ადმინისტრაციული პერსონალის სავალდებულო სისტემური ტესტირება აქტიურად მიმდინარეობს. აღსანიშნავია, რომ ტესტირების პროცესს სახელმწიფო სრულად უზრუნველყოფს.

უწყებათაშორისი საკოორდინაციო საბჭოს გადაწყვეტილებით, ქვეყნის მასშტაბით ყველა სკოლის მასწავლებლისა და სკოლის ადმინისტრაციული პერსონალის მინიმუმ 20%-ს სავალდებულო სისტემატური PCR ტესტირება 2 კვირაში ერთხელ, ჯანდაცვის სამინისტროსთან ერთად შემუშავებული პროტოკოლის საფუძველზე ტარდება. ხოლო დანარჩენი თანამშრომლები ე. წ. სწრაფი ტესტით მოწმდებიან.

სავალდებულო ტესტირების უზრუნველყოფის მიზნით, სკოლის ადმინისტრაცია სკოლაში დასაქმებულ ყველა პირს არეგისტრირებს ბმულზე: https://labour.moh.gov.ge/, ხოლო სამედიცინო ლაბორატორიების მიერ პერსონალის ტესტირების პროცესი შრომის პირობების ინსპექტირების დეპარტამენტის ჩართულობით მიმდინარეობს.

შეგახსენებთ, რომ უსაფრთხო საგანმანათლებლო გარემოს შექმნის მიზნით, სამინისტრომ სკოლებისთვის რეკომენდაციები განაახლა. უწყებათაშორისი საკოორდინაციო საბჭოს გადაწყვეტილებით, V-XII კლასის მოსწავლეებისთვის სასკოლო სივრცეში აუცილებელია პირბადის ტარება. სკოლები უზრუნველყოფილია ყველა საჭირო ჰიგიენური საშუალებით.

შეიძლება დაინტერესდეთ

,,მეგობრებო, დარეგისტრირდით ფაიზერის ვაქცინაზე… ეს ჩემი რჩევაა ჩემი მეგობრებისადმი''

,,მეგობრებო, დარეგისტრირდით ფაიზერის ვაქცინაზე… ეს ჩემი რჩევაა ჩემი მეგობრებისადმი''
პროფესორი გიორგი ფხაკაძე სოციალურ ქსელში საქართველოში ფაიზერის შემოსვლასთან დაკავშირებით პოსტს აქვეყნებს, რომელსაც ​MomsEdu.ge უცლელად გთავაზობთ:

,,ფაიზერი შემოსულა. მეგობრებო, გაიხსენეთ, მე გითხარით, რომ ივლიში ფაიზერი იქნება ხელმისაწვდომი საქართველოში. მითხარით, რა ვთქვი და რა არ შესრულდა ან არ მოხდა. გთხოვთ ერთ რამეს, ვიყოთ პოზიტიურები  …

გამოვიყენოთ სამედიცინო პირბადე ხალხმრავალ ადგილებში (აცრილები და არააცრილები, კოვიდ გადატანილები და კოვიდ ჯერ არგადატანილები)

მეგობრებო, დარეგისტრირდით ფაიზერის ვაქცინაზე… ეს ჩემი რჩევაა ჩემი მეგობრებისადმი…

დამატებითი ინფორმაცია ფაიზერთან დაკავშირებით:

დღეს 15:00-დან 18 წლის ზემოთ ყველასთვის იწყება ჯავშნების მიღება ფაიზერზე. მანამდე, ფაიზერი საერთოდ არ ჩანს სისტემაში.

აცრები დაიწყება 16 ივლისიდან.

შემოსული ვაქცინის რაოდენობა ამ ეტაპზე უცნობია.

სინოფარმით, სინოვაკით და ასტრაზენეკათი აცრილები ფაიზერზე ვერ დარეგისტრირდებით.

ვაქცინების თვითნებური შერევა საქართველოში დაშვებული არაა.

აცრაზე ვერ დარეგისტრირდებით თუ კოვიდის ოფიციალური დიაგნოზიდან 120 არ გასულა.

30 ბრიგადა მოგემსახურებათ 4 ქალაქის 7 სამედიცინო დაწესებულებაში.

ქ. ქუთაისში:

„დასავლეთ საქართველოს სამედიცინო ცენტრი“

ქ. ბათუმში:

„რესპუბლიკური კლინიკური საავადმყოფო“

ქ. გორში:

„გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალი“

ქ. თბილისში:

 „ამტელ ჰოსპიტალ პირველი კლინიკური“

„კავკასიის მედიცინის ცენტრი“

 „აკადემიკოს ნიკოლოზ ყიფშიძის სახელობის საუნივერსიტეტო კლინიკა“

 „ივ.ბოკერიას სახელობის ჰოსპიტალი“

როგორ დავჯავშნოთ:

ამ კლინიკებში ფიზიკურად მისვლა და დაჯავნა. მისვლამდე გადასამოწმებლად დარეკეთ!

booking.moh.gov.ge. მხოლოდ 15:00 საათიდან!

ვაქცინაციაზე რეგისტრაციისთვის ასევე მოქმედებს ერთიანი სამთავრობო ცხელი ხაზის სპეციალური ნომერი: 144-3.'' - აღნიშნავს გიორგი ფხაკაძე. 


წაიკითხეთ სრულად