Baby Bag

„გაკვეთილის გეგმას ტვირთავთ იმის მიხედვით, როგორი ტიპის გაკვეთილებსაც ატარებთ მოცემულ პერიოდში“ - გარე დაკვირვების გაკვეთილის ჩატარების პერიოდი ყველასთან აისახა

„გაკვეთილის გეგმას ტვირთავთ იმის მიხედვით, როგორი ტიპის გაკვეთილებსაც ატარებთ მოცემულ პერიოდში“ - გარე დაკვირვების გაკვეთილის ჩატარების პერიოდი ყველასთან აისახა

გარე დაკვირვების გაკვეთილის ჩატარების პერიოდი ყველასთან აისახა უკვე და შეგიძლიათ გადაამოწმოთ, - ამის შესახებ მასწავლებლის პროფესიული რეგულირების პროგრამის გარე დაკვირვების მიმართულების მენეჯერი, ქრისტინე ინგოროყვა სოციალურ ქსელში წერს.

ამასთან, იგი გარე დაკვირვებაზე რეგისტრირებული მასწავლებლებისთვის რეკომენდაციებს აქვეყნებს:
  • შეგახსენებთ, გაკვეთილის გეგმა უნდა ატვირთოთ ხუთი სამუშაო დღით ადრე. თუ ვადაში ეტევით, გეგმების ატვირთვა რა თქმა უნდა, შაბათ-კვირასაც შეიძლება.
  • გაკვეთილის გეგმას ტვირთავთ იმის მიხედვით, როგორი ტიპის გაკვეთილებსაც ატარებთ მოცემულ პერიოდში. თუ დისტანციური სწავლება გიწევთ - დისტანციურისას, თუ საკლასო ოთახში ატარებთ, მაშინ ჩვეულებრივს. შესაბამისად, გაკვეთილი უნდა გაწეროთ იმ დროის მიხედვით, რა ხანგძლივობის გაკვეთილებსაც ატარებთ სკოლაში.
  • გეგმები უნდა იყოს pdf ფორმატით. მნიშვნელობა არ აქვს დაასკანერებთ თუ პირდაპირ pdf- ში გადაიყვანთ. ასავე, სავალდებულო არ არის ხელმოწერა.
  • მთავარია, იყოს 5 მიმდევრობით ჩასატარებელი გაკვეთილის გეგმა. შეგიძლიათ ერთ ფაილად ატვირთოთ ხუთივე გეგმა, ან ცალ-ცალკე ფაილად. როგორც მოგიხერხდებათ.
  • გაკვეთილის გეგმებს წერთ გაკვეთილის გეგმის ფორმის მიხედვით, მთავარია, ფორმაში მოთხოვნილი კრიტერიუმები შეავსოთ. მნიშვნელობა არ აქვს, შრიფტის ზომას, გვერდების რაოდენებას და ა.შ. მთავარია, მოცულობით იმხელა არ იყოს, ძალიან დიდი (25 მეგაბაიტზე მეტი), რომ სისტემამ ვერ მიიმაგროს. ასევე, სავალდებულო არ არის დანართების მიმაგრება. უბრალოდ აღწერეთ რესურსები, რომლებსაც გამოიყენებთ. თარიღი თუ გინდათ გაკვეთილის ჩატარების მიუთითეთ, თუ გინდათ ატვირთვის.
  • გაკვეთილის ჩატარებისას სახელმძღვანელოს უნდა მიყვეთ თუ არა? შეგიძლიათ თუ არა გამოიყენოთ სხვა სახელმძღვანელო და ა.შ. მსგავს კითხვებზე პასუხი უნდა ნახოთ ეროვნულ სასწავლო გეგმაში, გარე დაკვირვების წესი განსხვავებულს არ ითხოვს არაფერს.
  • პირისპირ ჩასატარებელი გაკვეთილზე უნდა გაითვალისწინოთ ახალი კორონავირუსით (SARS-CoV -2) გამოწვეულ ინფექციასთან (CoVID - 19) დაკავშირებული ზოგადი რეკომენდაციები ზოგადსაგანმანათლებლო დაწესებულებისთვის.

​(დანართი 36, დანართი 37).
მასწავლებლის სახლი გარე დაკვირვების გაკვეთილის შეფასების რუბრიკას აქვეყნებს
მასწავლებელთა პროფესიული განვითარების ეროვნული ცენტრი ​გარე დაკვირვების გაკვეთილის შეფასების რუბრიკას აქვეყნებს.რუბრიკა იხილეთ ​ბმულზეგაკვეთილის შეფასების მაქსიმალური ქულაა 36. გაკვეთილი დად...
დისტანციური გაკვეთილის შეფასების რუბრიკა
იხილეთ დისტანციური გაკვეთილის შეფასების ​რუბრიკა.გარე დაკვირვების გაკვეთილის ჩაატარებლად მასწავლებელმა უნდა გაიაროს რეგისტრაცია eschool-ში და შესაბამისი თანამიმდევრობით წარმოადგინოს გარე დაკვირვე...

შეიძლება დაინტერესდეთ

„მისნაირებთან კონტაქტი ბავშვისთვის სასიცოცხლოდ მნიშვნელოვანია, წინააღმდეგ შემთხვევაში, შეიძლება, შეუქცევადი პროცესები განვითარდეს,“- ფსიქოლოგი ნანა გოგიჩაშვილი

​​ბავშვთა ფსიქოლოგი ნანა გოგიჩაშვილი გადაცემაში „პოსტ ალიონი“ ბავშვებზე სტრესის გავლენის შესახებ საუბრობს:

„ბავშვობა არის განსაკუთრებული, უნიკალური პერიოდი, რომელიც არასდროს აღარ მეორდება. ბავშვი გაივლის ორ ძალიან მნიშვნელოვან ეტაპს. პირველი კრიზისი არის სამი წლის ასაკში, როდესაც დგება სოციალიზაციის პირველი ეტაპი. ბავშვი მიდის​ ​საბავშვო ბაღში, ეცნობა თანატოლებს. შემდეგი ეტაპი არის 6 წლის ასაკი, როდესაც ბავშვი მიდის სკოლაში და ეცვლება სტატუსი. ადამიანი არის ბიო-ფსიქო-სოციალური არსება. მისნაირებთან კონტაქტი ბავშვისთვის სასიცოცხლოდ მნიშვნელოვანია, წინააღმდეგ შემთხვევაში, შეიძლება, შეუქცევადი პროცესები განვითარდეს, დაისტრესოს ბავშვი, ფსიქიკურ ჯანმრთელობაზე აისახოს ეს. სტრესს როგორც მაორგანიზებელი, ისე მადეზორგანიზებელი ეფექტი აქვს.“

ნანა გოგიჩაშვილის თქმით, კოვიდ-19-მა მოულოდნელად შეცვალა ბავშვების ცხოვრების წესი, რაც მათზე უდიდეს გავლენას ახდენს:

„ამ შემთხვევაში, მოულოდნელად შეიცვალა ცხოვრების წესი და რუტინა. მოხდა ბავშვის იძულებითი დისტანცირება თანატოლებისგან, მეგობრებისგან, სასკოლო სივრცისგან. არ არის პასუხი, ეს ყველაფერი არაპროგნოზირებადია. რა თქმა უნდა, ლომის წილი მოდის მშობლების კეთილგონიერებაზე. მშობლების მიერ პრობლემის აღქმასა და ბავშვამდე ინფორმაციის გასაგები ენით მიტანაზე. ​მშობლის განწყობა პირდაპირ გადადის ბავშვზე. ბავშვებს მათთვის გასაგებ ენაზე უნდა მივაწოდოთ ინფორმაცია, რა არის პანდემია, რატომ მოუწიათ სახლში ჯდომა, რას ნიშნავს ონალინ სწავლება. დამიჯერეთ, პირველივე კვირის ბოლოს ყველა ბავშვს უნდოდა სკოლაში დაბრუნება. ბავშვები მიხვდნენ, რომ ეს არ არის კომუნიკაციის ის ფორმა, რომელიც მათთვის სასიცოცხლო მნიშვნელობისაა. არამარტო სკოლა, სპორტის წრეები, სახელოვნებო წრეები, კომუნიკაციის ყველა ფორმატი აღიკვეთა. ჯანდაცვის მსოფლიო ორგანიზაციამ დადო ოფიციალური სტატისტიკა, რომ ოჯახურმა ძალადობამ მოიმატა. ეს საქართველოზეც აისახა. უცბად ერთ სივრცეში რამდენიმე ადამიანი ჩაიკეტა.“

ნანა გოგიჩაშვილი აღნიშნავს, რომ სკოლის ჩაკეტვა სოციალური დისტანცირების ერთ-ერთი საუკეთესო ინსტრუმენტია:

​სკოლის ჩაკეტვა მოცემულ ეტაპზე არის სოციალური დისტანცირების ყველაზე ქმედითი ინსტრუმენტი. მილიარდზე მეტი მოსწავლე გადასულია სწავლების ონლაინ ფორმატზე. კაცობრიობამ პაუზა აიღო. ბავშვებს ხელების ხშირი დაბანის სწავლებაში თავადაც ვეხმარებოდი, არომატულ საპონს ვყიდულობდი. ახლა პატარამ თვითონ მოიფიქრა, რომ საპნის ბუშტებს ბერავს ხელების დაბანისას. ჟანდარმივით არ უნდა დაადგე ბავშვს, არ უნდა უთხრა: „დაიბანე ხელი!“ რა თქმა უნდა, ამას წახალისება სჭირდება, ბავშვი უნდა შევაქოთ. აქცენტები უნდა გავაკეთოთ ბავშვის პიროვნულ თვისებებზე. როგორც კი ბავშვს მათთვის გასაგებ ენაზე ავუხსნით, რა საფრთხეს შეიცავს გარეთ გასვლა, ის ამას გაიგებს.“

„ორი მთავარი რამ არის: ​პედაგოგების გულისხმიერება და მშობლების ყურადღება. ბავშვების მიმღებლობის ხარისხი ოჯახში განსაზღვრავს იმ თვისებების განვითარებას, რომელიც სამომავლოდ მისთვის ძალიან მნიშვნელოვანია სოციალიზაციისა და კომუნიკაციის თვალსაზრისით. ციფრულ მედიას, წიგნიერებას და ა.შ. ჩვენ ვეღარ შევაჩერებთ. ეს ტექნიკური პროგრესია, რომელიც აუცილებელიც არის. აქ ისევ მშობელზე გავდივართ. ბევრი მშობელი მინახავს, ბავშვს ტელეფონს აჩეჩებს, ოღონდ ბავშვი გაჩუმდეს, ან წუხს, რომ ბავშვი ცელქია. დღევანდელი თაობა ნამდვილად განიცდის მშობლებთან კომუნიკაციის ნაკლებობას. მოუგვარებელი პრობლემა არ არსებობს. ფსიქიკის სიჯანსაღე კომპიუტერთან ჯდომით არ ირღვევა. უბრალოდ ბავშვს უნდა ავუხსნათ დამოკიდებულება. ისევ მშობელზე გავდივარ. ბავშვს უნდა აუხსნას მშობელმა: „ახლა ასეა საჭირო და ეს აუცილებელია.“ განსაკუთრებით პირველიდან მეხუთე-მეექვსე კლასამდე, როდესაც ბავშვებს აქვთ მოტორული ენერგია. სკოლა ბავშვისთვის არის დაცვის თანამშრომლიდან დაწყებული, მისი კლასი, მისი მერხი, მისი თანაკლასელები, რომელთა დანაკლისს განიცდის. მშობლებმა მაქსიმალურად უნდა შეუწყონ ხელი იმ მეტ-ნაკლებ კომუნიკაციას, რომელიც ბავშვებმა კლასელებთან შეიძლება დაამყარონ,“ - აღნიშნავს ნანა გოგიჩაშვილი.

წყარო: ​პოსტ ალიონი

წაიკითხეთ სრულად