Baby Bag

​ქართული ენისა (I-VI) და ბუნებისმეტყველების (I-VI) ტრენინგებზე, რომლებიც გამოცდაზე 10 კრედიტს მოგაპოვებინებთ, რეგისტრაცია დაიწყო

​ქართული ენისა (I-VI) და ბუნებისმეტყველების (I-VI) ტრენინგებზე, რომლებიც გამოცდაზე 10 კრედიტს მოგაპოვებინებთ, რეგისტრაცია დაიწყო
მასწავლებლები
მასწავლებლებს, რომლებიც გამოცდაზე შემოდგომაზე გადიან, შესაძლებლობა ეძლევათ საგამოცდო საკითხებზე ტრენინგები მასწავლებლის სახლის ტრენერებთან გაიარონ. 

გამოცდის უმღლეს დონეზე ჩაბარება დღეს უკვე პრობლემას არ წარმოადგენს, რადგან პედაგოგთა პროფესიული ზრდის ცენტრი იწყებს საყოველთაო ტრენინგებს, რომლებსაც მასწავლებლის სახლის ტრენერები ატარებენ. სწორედ ისინი ასწორებენ პედაგოგთა საკვალიფიკაციო გამოცდებს. ტრენინგებზე შეგასწავლიან, როგორ უნდა დაწეროთ გამოცდა, რომ უმაღლესი შეფასება დაიმსახუროთ.

ტრენინგი პასუხობს უმაღლეს სტანდარტებს. პედაგოგთა პროფესიული ზრდის ცენტრში გადამზადებულ პედაგოგთა 90%-ზე მეტმა გამოცდაზე უმაღლესი შეფასება - 10 კრედიტი დააფიქსირა! აპელაციის შედეგების გამოქვეყნების შემდეგ მათი რაოდენობა 95%-მდე გაიზარდა. ტრენინგ-ცენტრი ლიდერობას არავის უთმობს, ცენტრს ყველაზე მეტი წარმატებული, 10 კრედიტიანი აპლიკანტი ჰყავს:

,,​ტრენინგები ძალიან გვეხმარება გამოცდის სწორად აღქმასა და დაწერაში, რადგან ეს გამოცდა მხოლოდ საგნის ცოდნას არ მოითხოვს, ის დამატებით უნარებსაც ამოწმებს. აქედან გამომდინარე ცენტრში ისწავლება, არა მხოლოდ საგნები, არამედ, გამოცდის დაწერის მეთოდიკა,“ - აცხადებენ ცენტრის წარჩინებული აპლიკანტები.

კურსის დასაწყისში მოგეწოდებათ ელექტრონული კრებული და ტესტური დავალებები.

რეგისტრაცია მიმდინარეობს შემდეგ მიმართულებებზე:

  • ქართული ენა (I-VI) ონლაინ
    ​
ხანგრძლივობა 24 საათი (1,5 თვე), მეცადინეობა ტარდება კვირაში 2-ჯერ, თითო მეცადინეობა 2 საათიანია, სრული კურსის ღირებულებაა 150 ლარი
​

  • ბუნებისმეტყველება (I-VI) ონლაინ
    ​
ხანგრძლივობა 24 საათი (1,5 თვე), მეცადინეობა ტარდება კვირაში 2-ჯერ, თითო მეცადინეობა 2 საათიანია, სრული კურსის ღირებულებაა 150 ლარი


  • ​აკადემიური უნარები: (ანალიტიკური წერა, ტექსტის გააზრება)
    ​
კურსის ხანგრძლივობაა 18 საათი (1 თვე), მეცადინეობები ტარდება კვირაში 2-ჯერ, თითო მეცადინეობის ხანგრძლივობაა 2 საათი - სრული კურსის ღირებულებაა დასწრებით - 150 ლარი, ონლაინ - 120 ლარი.
​
რეგისტრაცია მიმდინარეობს 5 ოქტომბრის ჩათვლით. ტრენინგები დაიწყება 8 ოქტომბრიდან.
​
რეგისტრაციისათვის ეწვიეთ ​ბმულს.


​დამატებითი ინფორმაციისთვის ეწვიეთ პედაგოგთა პროფესიული ზრდის ცენტრის ფეისბუქგვერდს (​ჯგუფს) - ან დარეკეთ ნომერზე 592 47 72 77.

R.

განათლება #მასწავლებელი #ტრენინგები

შეიძლება დაინტერესდეთ

განათლება

განათლების მართვის საინფორმაციო სისტემა ელექტრონულ ჟურნალთან დაკავშირებით მნიშვნელოვან ინფორმაციას ავრცელებს

განათლების მართვის საინფორმაციო სისტემა ელექტრონულ ჟურნალთან დაკავშირებით მნიშვნელოვან ინფორმაციას ავრცელებს
განათლების მართვის საინფორმაციო სისტემა ელექტრონულ ჟურნალთან დაკავშირებით ინფორმაციას ავრცელებს. გთავაზობთ მათ განცხადებას:
​
„ძვირფასო მასწავლებლებო,
​
მოგეხსენებათ, რომ „საჯარო სკოლებში 2021-2022 სასწავლო წლის ზამთრის არდადეგების განსხვავებული თარიღის განსაზღვრის შესახებ“ საქართველოს განათლებისა და მეცნიერების მინისტრის 2021 წლის 22 დეკემბრის N1402796 ბრძანების თანახმად, ზოგადსაგანმანათლებლო დაწესებულებებში 2021-2022 სასწავლო წლის ზამთრის არდადეგები განისაზღვრა 2021 წლის 29 დეკემბრიდან 2022 წლის 16 იანვრის ჩათვლით. შესაბამისად 2021-2022 სასწავლო წლის პირველი სემესტრი დასრულდა 2021 წლის 28 დეკემბერს. აღნიშნულიდან გამომდინარე, ზოგადსაგანმანათლებლო დაწესებულებებმა ელექტრონულ ჟურნალში უნდა უზრუნველყონ მოსწავლეების შეფასებებისა და დასწრების ასახვა.
​
მას შემდეგ, რაც მასწავლებლები დარწმუნდებიან, რომ ელექტრონულ ჟურნალში ასახული მონაცემები ყველა მოსწავლის ჭრილში ზუსტია, მათ უნდა უზრუნველყონ ჟურნალის დადასტურება N1 დანართით წარმოდგენილი ინსტრუქციის შესაბამისად. გაცნობებთ, რომ ჟურნალის დადასტურების ფუნქცია უკვე აქტიურია ყველა ზოგადსაგანმანათლებლო დაწესებულებებისათვის და დადასტურების ბოლო ვადა არის 2022 წლის 11 იანვარი. აქვე გაცნობებთ, თუ მასწავლებელი აღნიშნულ რიცხვამდე არ უზრუნველყოფს ჟურნალში ინფორმაციის დროულ ასახვასა და მის დადასტურებას, ჟურნალი ავტომატურად დადასტურდება 2022 წლის 11 იანვარს 23:59 საათზე.

გაცნობებთ, რომ ელექტრონული ჟურნალი სემესტრულ შეფასებას ითვლის მასწავლებლების მიერ ასახული შეფასებების (შემაჯამებელი დავალება/შემაჯამებელი დავალების აღდგენა, დამოუკიდებელი სამუშაო/საშინაო დავალება, საკლასო დავალება) საფუძველზე, რომელთაც ელექტრონულ ჟურნალში მონიშნული აქვთ ღილაკი „მონაწილეობს სემესტრული ნიშნის გამოთვლაში“. შესაბამისად, თუ მასწავლებელი მიიჩნევს, რომ მოსწავლის სემესტრული შეფასება არ არის ზუსტი, მან უნდა გადაამოწმოს N2 დანართით განსაზღვრული პირობები და იმოქმედოს აღნიშნული ინსტრუქციის შესაბამისად.

იმ შემთხვევაში, თუ რომელიმე საგნის მასწავლებელი ზემოხსენებული ინსტრუქციის შესაბამისად ვერ შეძლებს შეფასებების ასახვას ელექტრონულ ჟურნალში წაშლილი გაკვეთილების გამო (წაშლის მიზეზი შესაძლებელია იყოს ზოგადი განათლების მართვის საინფორმაციო სისტემაში სკოლის სწავლების ტიპის არასწორად შეცვლა, წაშლა და ა.შ.), მოსწავლეების ინტერესის გათვალისწინებით, მასწავლებელს უფლება აქვს თავად დააკორექტიროს და შეიტანოს მოსწავლის სემესტრული შეფასება N3 დანართით წარმოდგენილი ინსტრუქციის შესაბამისად 2021 წლის 29 დეკემბრიდან 2022 წლის 11 იანვარს 23:59 საათამდე და უზრუნველყოს ჟურნალის დადასტურება, ჟურნალის დაუდასტურებლობის შემთხვევაში, ჟურნალი ავტომატურად დადასტურდება 2022 წლის 11 იანვარს 23:59 საათზე.

გთხოვთ, გაითვალისწინოთ, აღნიშნული ფუნქციონალის გამოყენება მიზანშეწონილია მხოლოდ ზემოხსენებული ვითარების შემთხვევაში, ვინაიდან სხვა შემთხვევებში ელექტრონული ჟურნალი იძლევა შესაძლებლობას მასწავლებელმა ასახოს შეფასებები (შემაჯამებელი დავალება/შემაჯამებელი დავალების აღდგენა, დამოუკიდებელი სამუშაო/საშინაო დავალება, საკლასო დავალება) გასული თარიღით მოთხოვნების ფუნქციის გამოყენებით (იხ. დანართი N4). შესაბამისად, ელექტრონული ჟურნალი გადაითვლის ახლადასახული შეფასებების საფუძველზე მოსწავლის სემესტრულ შეფასებას მათი ასახვიდან არაუგვიანეს 24 საათში (სინქრონიზაციის დასრულებისთანავე).

გისურვებთ წარმატებებს!

(ქვემოთ მოცემულ ბმულზე, ნახავთ თანდართულ ფაილებს ინსტრუქციის სახით.
ინსტრუქციები ასევე გადმოგზავნილი გაქვთ თქვენს outlook-ის ელექტრონულ ფოსტაზე).
წაიკითხეთ სრულად
გასათიშად დააჭირეთ ESC.